Sri Lanka Brodcasting Corporation

Sun12172017

Last updateSun, 17 Dec 2017 8am

செய்திகள்

பொதுமக்களின் விருப்பமின்மைக்கு மத்தியில் எஃப்.எம் வானொலி அலைவரிசைகளை இல்லாமல் செய்த நோர்வே.

நோர்வேயில் பண்பலை வானொலி அலைவரிசைகளுக்கு முற்றுப்புள்ளி வைத்து, டிஜிட்டல் வானொலி ஒலிபரப்பை நோக்கி நிலைமாறும் நடைமுறையை நோர்வே அரசாங்கம் நேற்று பூர்த்தி செய்துள்ளது. கடந்த ஜனவரி தொடக்கம் ஒவ்வொரு பிராந்தியங்களாக பாரம்பரிய பண்பலை வானொலி அலைவரிசைகளை இல்லாமல் செய்து, டிஜிட்டல் ஒலிபரப்பு அலைவரிசைகள் அறிமுகம் செய்யப்பட்டன. இதன் மூலம் எஃப்.எம். அலைவரிசைகளுக்கு பதிலாக முற்றுமுழுதாக டிஜிட்டல் சேவைக்கு மாறிய முதல் நாடு என்ற பெருமை நோர்வேயிற்குக் கிடைக்கிறது. ஆனால், இந்த டிஜிட்டல் நிலைமாற்றத்தை 66 சதவீத மக்கள் விரும்பவில்லை என தெரிவதாக ஆய்வுகள் கூறுகின்றன.

ஹன்டிங்டன் (Huntington)நரம்பியல் மரபணு வியாதிக்கான சிகிச்சையில் பெரும் திருப்புமுனை.

ஹன்டிங்டன் (Huntington)என்றழைக்கப்படும் நரம்பியல் மரபணு வியாதியால் பாதிக்கப்பட்ட நோயாளிகளில் வியாதிக்கு காரணமான குறைபாட்டுக்கு சிகிச்சை அளிக்கப்பட்டுள்ளது. இதற்குரிய பரீட்சார்த்த மருந்து, நோயாளிகளின் முதுகு முள்ளந்தண்டு பாய்மத்தில் செலுத்தப்பட்டது. இதன்போது, மூளையிலுள்ள நச்சுத்தன்மை வாய்ந்த புரதமட்டங்கள் பாதுகாப்பான முறையில் குறைந்ததாக பீபீசி செய்தி வெளியிட்டுள்ளது. இதன்மூலம்,

Read more...

பிரெக்ஸிட் உடன்படிக்கை தொடர்பான முக்கிய பேச்சுவார்த்தை தொடர்பான கால அட்டவணையை பிரித்தானிய பிரதமர் தயாரித்துள்ளார்.

பிரெக்ஸிட் உடன்படிக்கை தொடர்பான முக்கிய பேச்சுவார்த்தை தொடர்பான கால அட்டவணையை பிரித்தானிய பிரதமர் தயாரித்துள்ளார். அயர்லாந்து எல்லை தொடர்பில் இங்கு பிரச்சினை எழுந்துள்ளது. பிரெக்ஸிட் நிலைமையினால் ஏற்பட்ட பிரச்சினைகளில் இதுவும் ஒன்று. இதுவிடயம் தொடர்பில் பிரித்தானிய பிரதமர் தெரேஸா மே, பிரெக்ஸிட் செயலாளர் டேவிட் டெவிஸ் ஆகியோர் ஐரோப்பிய ஆணைக்குழுவின் தலைவர் ஜோன் கிளவ்ட் ஜங்கர் மற்றும் ஐரோப்பிய சங்க மத்தியஸ்த பேச்சாளர் மிக்கேல் பானியா ஆகியோரை சந்தித்து பேச்சுவார்த்தை நடத்தவுள்ளனர். வௌ;வேறு தரப்புக்கள் இந்தப் பேச்சுவார்த்தையின் மேசையில் மிக முக்கியமான பிரச்சினைகளை முன்வைப்பர் என எதிர்ப்பார்க்கப்படுகிற

ஜெருசலேத்தை இஸ்ரேலின் தலைநகராக அங்கீகரிப்பதாக அமெரிக்க ஜனாதிபதி அறிவிப்பு.

ஜெருசலேத்தை இஸ்ரேலின் தலைநகராக அமெரிக்கா அங்கீகரிக்கிறதென ஜனாதிபதி டொனால்ட் ட்ரம்ப் தெரிவித்துள்ளார். மத்திய கிழக்கு சமாதான நடைமுறையை முன்னெடுத்துச் செல்ல இது அத்தியாவசியமான நகர்வு. இந்த நகர்வை கால தாமதமாகவே மேற்கொண்டுள்ளதாக ஜனாதிபதி ட்ரம்ப் தெரிவித்தார். ஜெருசலேம் நகரில் எதிர்காலம் என்பது இஸ்ரேலுக்கும், பலஸ்தீனர்களுக்கும் இடையிலான மிகவும் சிக்கலான விடயம். ஜனாதிபதி ட்ரம்பின் நகர்வு வரலாற்று சிறப்புமிக்கதென இஸ்ரேல் கூறுகிறது. ஆனால், இதனை சர்வதேச சமூகம் கடுமையாக கண்டித்துள்ளது.

டொனல்ட் ட்ரம்பின் பயணத் தடையை முழு அளவில் அமுலாக்க அமெரிக்க உச்ச நீதிமன்றம் அங்கீகாரம்.

முஸ்லிம்கள் பெரும்பான்மையாக வாழும் ஆறு நாடுகளைச் சேர்ந்த மக்களை இலக்கு வைத்து அமெரிக்க ஜனாதிபதி டொனல்ட் ட்ரம்ப் விதித்த பயணத் தடையை முழு அளவில் அமுலாக்க அமெரிக்க உச்ச நீதிமன்றம் அனுமதி வழங்கியுள்ளது.

Read more...

வடகொரியாவின் உந்துசக்தி ஏவுகணை பற்றி அமெரிக்க, சீன ஜனாதிபதிமார் பேச்சுவார்த்தை.

வடகொரியாவின் ஏவுகணை பரிசோதனை குறித்து சீன ஜனாதிபதியுடன் பேசியதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார். இந்த தொலைபேசி கலந்துரையாடலில் வடகொரியாவின் தூண்டுதல் நடவடிக்கைகள் பற்றி கவனம் செலுத்தியதாக ஜனாதிபதி ட்ரம்ப் தனது ட்விட்டர் செய்தியில் குறிப்பிட்டுள்ளார். வடகொரியா மீது இன்று கூடுதல் தடைகளை விதிக்கப் போவதாக அவர் கூறுகிறார். நேற்று வடகொரியா கண்டம் விட்டு கண்டம் பாயக்கூடிய உந்து சக்தி ஏவுகணையை சோதித்தது. இந்த ஏவுகணை, அமெரிக்கக் கண்டத்தின் எந்தவொரு பாகத்தையும் இலக்கு வைக்கக்கூடிய ஆற்றல் படைத்தது என வடகொரியாவின் அரச தொலைக்காட்சி அறிவித்திருந்தது.

சிம்பாப்வேயில் புதிய ஜனநாயகம் - ஜனாதிபதியாக பதவியேற்கவூள்ள எமHஸன் நான்கக்வா உறுதி

சி;ம்பாப்வேயின் ஜனாதிபதியாக நியமிக்கப்படவூள்ள எமHஸன் நான்கக்வாஇ தமது நாட்டில் புதிதாக மலரும் ஜனநாயகத்தை வரவேற்பதாக தொpவித்துள்ளாH.

Read more...

இவ்வாண்டுக்கான உலக அழகியாக இந்தியாவின் ஹரியானா மாநிலத்தைச் சேர்ந்த மானுஷி சில்லர் கிரீடம் சூட்டப்பட்டுள்ளார்.

இவ்வாண்டுக்கான உலக அழகியாக இந்தியாவின் ஹரியானா மாநிலத்தைச் சேர்ந்த மானுஷி சில்லர் கிரீடம் சூட்டப்பட்டுள்ளார். சீனாவின் ஷான்யா நகரில் இவ்வாண்டுக்கான உலக அழகி போட்டி நடாத்தப்பட்டது. இதில் உலகம் முழுவதிலும் இருந்து 130 அழகிகள்

Read more...

சிம்பாப்வேயில் சதிப்புரட்சி நிகழ்ந்ததாக தோன்றுகிறதென ஆபிரிக்க ஒன்றியம் அறிவிப்பு.

சிம்பாப்வேயில் இராணுவம் அதிகாரத்தைக் கைப்பற்றி, ஜனாதிபதி ரொபர்ட் முகாபேயை தடுத்து வைத்திருப்பது சதிப் புரட்சியாக தோன்றுகிறதென ஆபிரிக்க ஒன்றியம் தெரிவித்துள்ளது. அந்நாட்டில் அரசியல் யாப்பு ரீதியான ஒழுங்கு விரைவில் மீளத் திரும்ப வேண்டுமென ஒன்றியத்தின் தலைவர் அல்ஃபா கொண்டே கோரிக்கை விடுத்தார். சதிப்புரட்சியில் ஈடுபடவில்லை என சிம்பாப்வே இராணுவம் கூறுகிறது. முகாபே பாதுகாப்பாக இருப்பதாகவும், அவரை சுற்றியுள்ள கிரிமினல்களை இலக்கு வைப்பதாகவும் இராணுவம் அறிவித்துள்ளது.

தமது நாட்டின் முன்னேற்றம் பற்றி அமெரிக்க ஜனாதிபதிக்கு விளக்கிய சீனத் தலைவர்.

சீனாவின் சமூக பொருளாதார அபிவிருத்தி பற்றி அந்நாட்டு ஜனாதிபதி க்ஷீ ஜிங் பிங் அமெரிக்க ஜனாதிபதி டொனால்ட் ட்ரம்ப்புடன் விபரித்து கூறியுள்ளார். சீன கம்யூனிஸ்ட் கட்சியின் 19ஆவது தேசிய மாநாட்டின் ஊடாக அடைந்த பெறுபேறுகள் பற்றியும் ஜனாதிபதி க்ஷீ விபரித்தார். அமெரிக்க ஜனாதிபதி மூன்று நாள் விஜயத்தை மேற்கொண்டு சீனா சென்றுள்ளார். இந்த விஜயத்தின் முதல் நாளன்று இரு நாட்டுத் தலைவர்களும் சந்தித்துப் பேசினார்கள்.

இடம்பெற்றது செய்தி

 

உள்ளூர் செய்திகள்