Sri Lanka Brodcasting Corporation

Mon07242017

Last updateMon, 24 Jul 2017 1pm

செய்திகள்

அம்மான் நகரிலுள்ள இஸ்ரேல் தூதரகம் மீது தாக்குதல்.

ஜோர்தானின் அம்மான் நகரில் அமைந்துள்ள இஸ்ரேல் தூதரகம் மீது தாக்குதல் மேற்கொள்ளப்பட்டுள்ளது. கிளர்ச்சியாளர்கள் சிலர் தூதரகத்திற்குள் பிரவேசிக்க முயற்சித்திருப்பதாக ஜோர்தானிய ஊடகங்கள் தெரிவிக்கின்றன. அதன்போது இடம்பெற்ற துப்பாக்கிச் சமரில் ஒரு கிளர்ச்சியாளர் உயிரிழந்திருப்பதாகவும், இஸ்ரேலிய படை வீரர் ஒருவர் காயமடைந்து வைத்தியசாலையில் அனுமதிக்கப்பட்டிருப்பதாகவும் தெரிவிக்கப்படுகிறது. தாக்குதல் நடத்துவதற்காக வருகை தந்த ஜோர்தானிய வாலிபர் ஒருவர் தூதரக பணியாளர் ஒருவர் மீது கத்தியால் குத்த முயற்சித்ததன் பின்னர் கொல்லப்பட்டதாக மற்றுமொரு ஊடகத் தகவல் தெரிவிக்கின்றது.

உலகில் சுமார் 800 மில்லியன் மக்கள் கடும் பட்டினியால் பாதிக்கப்பட்டிருப்பதாக ஐக்கிய நாடுகள் சபை தெரிவிப்பு.

உலகில் சுமார் 800 மில்லியன் மக்கள் கடும் பட்டினியால் பாதிக்கப்பட்டிருப்பதாக ஐக்கிய நாடுகள் சபை தெரிவித்துள்ளது. இதற்கமைவாக, 9 பேரில் ஒருவர் பட்டினியால் வாடுவதாக ஐ.நா.வெளியிட்டுள்ள அறிக்கையில் சுட்டிக்காட்டப்பட்டுள்ளது. 2009ம் ஆண்டிலிருந்து 2016ம் ஆண்டு வரையான காலப்பகுதியில் உலக உணவு வேலைத்திட்டத்தின் கீழ் உணவுக்கான நிவாரணம் இரண்டு மடங்காக அதிகரிக்கப்பட்டுள்ளது. 2009ம் ஆண்டில் 2.2 பில்லியன் அமெரிக்க டொலர்கள் இதற்காக செலவிடப்பட்டுள்ளது. 2016ம் ஆண்டில் 5 தசம் 3 பில்லியன் அமெரிக்க டொலருக்கு மேற்பட்ட தொகை உணவுத் திட்டத்திற்காக செலவிடப்பட்டுள்ளது. இந்த நிதியுதவியில் 70 சதவீதமானவை மத்திய கிழக்கு மற்றும் ஆபிரிக்க வலய நாடுகளுக்காக வழங்கப்பட்டுள்ளன.

வெனிசுவேலா ஜனாதிபதிக்கு எதிரான பாரிய ஆர்ப்பாட்டங்களினால் அந்த நாட்டின் அன்றாட செயற்பாடுகள் ஸ்தம்பிதம் அடைந்துள்ளன.

வெனிசுவேலா ஜனாதிபதிக்கு எதிரான பாரிய ஆர்ப்பாட்டங்களினால் அந்த நாட்டின் அன்றாட செயற்பாடுகள்; ஸ்தம்பிதம் அடைந்துள்ளன. புதிய அரசியல் அமைப்புக்கான தேர்தலை ரத்து செய்யக் கோரி எதிர்க்கட்சிகள் இணைந்து இந்த ஆர்ப்பாட்டத்தை ஒழுங்கு செய்துள்ளன.

Read more...

இலங்கை – அவுஸ்திரேலிய வெளிவிவகார அமைச்சர்கள் சந்தித்துப் பேசியுள்ளார்கள்.

இருதரப்பு உறவுகளை மேம்படுத்துவது பற்றி அவுஸ்திரேலிய வெளிவிவகார அமைச்சர் ஜூலி பிஷப்புடன் மு;ககியமாக பேச்சுவார்த்தை இடம்பெற்றதாக அமைச்சர் ரவி கருணாநாயக்க தெரிவித்துள்ளார். பொருளாதார அபிவிருத்தி ஒத்துழைப்பு, ஆட்கடத்தலை தடுத்தல், சுற்றுலாத்துறை, நல்லிணக்கம்

Read more...

அமெரிக்கா விதித்தத் தடைகளுக்கு பதிலடி கொடுக்கப் போவதாக ஈரானிய ஜனாதிபதி சூளுரை.

தமது நாட்டின் மீது அமெரிக்கா விதித்தத் தடைக்கு எதிராக ஈரான் பதில் நடவடிக்கை எடுக்கும் என ஜனாதிபதி ஹஸன் ரௌஹானி தெரிவித்துள்ளார். அமெரிக்காவிற்கு சமமாக எழுந்து நிற்கும் ஆற்றல் ஈரானுக்கு உண்டென ஜனாதிபதி கூறினார். அமெரிக்க ஜனாதிபதி டொனால்ட் ட்ரம்ப்

Read more...

உள்துறை அமைச்சொன்றை உருவாக்க உள்ளதாக அவுஸ்திரேலியப் பிரதமர் அறிவிப்பு.

நாட்டின் பாதுகாப்புச் சம்பந்தப்பட்ட அனைத்து பிரதான நிறுவனங்களையும் உள்ளடக்கியதாக உள்துறை அமைச்சொன்றை உருவாக்க உள்ளதாக அவுஸ்திரேலிய பிரதமர் மெல்கம் டேர்ன்புல் தெரிவித்துள்ளார். அடுத்த வருடத்தின் முதல் 6 மாத காலப்பகுதிக்குள் இந்த அமைச்சை உருவாக்கும் பணிகளை பூர்த்தி செய்ய அவர் எதிர்பார்த்துள்ளார். தற்போதைய குடிவரவு மற்றும் தேச எல்லை பாதுகாப்பு அமைச்சர் பீற்றர் டெட்டன் இந்தப் பணிகளை கவனிப்பதற்காக நியமிக்கப்பட்டுள்ளார். அந்நாட்டு ஊடகங்கள் புதிய உள்துறை அமைச்சை சிறப்பு பாதுகாப்பு அமைச்சாக சுட்டிக்காட்டியுள்ளன.

அவுஸ்திரேலியாவின் மெல்பர்ன் நகரில் பாரிய தீ விபத்தொன்று ஏற்பட்டுள்ளது.

அவுஸ்திரேலியாவின் மெல்பர்ன் நகரில் பாரிய தீ விபத்தொன்று ஏற்பட்டுள்ளது. இதனால், அந்த நகரில் உள்ள நூற்றுக்கும் அதிகமான வீடுகள் சேதமடைந்துள்ளன. அந்த நகரத்தில் உள்ள மக்கள் துரிதகதியில் அப்பகுதியிலிருந்து வெளியேற்றப்பட்டு வருகின்றனர். காயமடைந்த நான்கு பேர் வைத்தியசாலையில் அனுமதிக்கப்பட்டுள்ளனர்.

Read more...

இந்தோனேசியாவில் அந்நாட்டின் உத்தியோகபூர்வ அரசியல் யாப்பை எதிர்க்கும் குழுக்களை தடை செய்வதற்கு நடவடிக்கை.


இந்தோனேசியாவில் அந்நாட்டின் உத்தியோகபூர்வ அரசியல் யாப்பை எதிர்க்கும் குழுக்களை தடை செய்வதற்கு நடவடிக்கை மேற்கொள்ளப்பட்டுள்ளது. கடும் போக்காளர்களை இலக்காகக் கொண்டே இந்த நடவடிக்கை இடம்பெற்றுள்ளது. தற்போதைய உலகிற்கு ஏற்ற மத நடைமுறைகளை முன்னெடுத்து வரும் பெரும் எண்ணிக்கையான முஸ்லிம் மக்களைக் கொண்ட இந்தோனேசியாவில் இவ்வாறான இவ்வாறான குழுக்களை தடைசெய்வதற்கான சட்டத்தில் அந்நாட்டு ஜனாதிபதி ஜொகோ விடோடோ நேற்று கைச்சாத்திட்டுள்ளார்.

மோசூல் நகரம் விடுவிக்கப்பட்டுள்ளமை தொடர்பில் ஈராக் பிரதமர் படையினருக்கு பாராட்டு.

ஈராக்கின் மோசுல் நகருக்குச் சென்றுள்ள அந்நாட்டு பிரதமர் ஹைதர் அல் அபாதி ஐ.எஸ்.அமைப்பு தோற்கடிக்கப்பட்டுள்ளமை தொடர்பில் பாதுகாப்புப் படையினரைப் பாராட்டியுள்ளார். நகரின் பழைமை வாய்ந்த தைக்கிரிஸ் நதியோரத்தில் ஈராக்கின் தேசிய கொடி பறக்கவிடப்பட்டுள்ளதாக இதற்கு முன்னர் செய்திகள் வெளியாகியமை இங்கு குறிப்பிடத்தக்கது.

கடும் மழை மற்றும் வெள்ளம் காரணமாக சீனாவிலும், இந்தியாவிலும் இயல்பு வாழ்க்கை பாதிப்பு.

சீனாவின் குவான் மாகாணத்தில் வெள்ளம் காரணமாக 12 மில்லியனுக்கும் மேற்பட்ட மக்கள் பாதிக்கப்பட்டுள்ளனர். 83 பேர் உயிரிழந்து அல்லது காணாமல் போயுள்ளனர். நான்கு இலட்சத்து 70 ஆயிரத்திற்கு மேற்பட்ட மக்கள் அவசர உதவிகளை நாடி நிற்பதாக வெளிநாட்டு ஊடகங்கள் தெரிவிக்கின்றன. 52 ஆயிரத்திற்கும் மேற்பட்ட படைவீரர்களும் பொலிசாரும் நிவாரணப்; பணிகளில் ஈடுபட்டு வருகின்றன.

இதேவேளை, இந்தியாவின் அசாம் மாநிலத்தில் ஏற்பட்ட வெள்ளம் காரணமாக 27 பேர் உயிரிழந்துள்ளனர். ஒரு லட்சத்திற்கும் அதிகமான கிராமங்கள் நீரில் மூழ்கியுள்ளன. 5 இலட்சத்திற்கும் அதிகமான மக்கள் பாதிக்கப்பட்டுள்ளதாக ஊடகங்கள் தெரிவிக்கின்றன.

இடம்பெற்றது செய்தி

 

உள்ளூர் செய்திகள்