Sri Lanka Brodcasting Corporation

Fri04272018

Last updateThu, 26 Apr 2018 9am

விளையாட்டு

தேசிய கனிஷ்ட மெய்வாண்மை விழா இன்று நிறைவு.

கொழும்பு சுகததாஸ விளையாட்டரங்கில் நடைபெறும் தேசிய கனிஷ்ட மெய்வாண்மை விழா இன்று முடிவடைகிறது. இந்த விழாவில் தேசிய மட்டத்திலான ஒரு சாதனையும், போட்டி மட்டத்திலான பல சாதனைகளும் நிலைநாட்டப்பட்டுள்ளன. எதிர்காலத்தில் இலங்கை போட்டியாளர்கள் பல சர்வதேச நிகழ்வுகளில் பங்கேற்கவுள்ளதால், தேசிய கனிஷ்ட மெய்வாண்மை போட்டிகள் மிகவும் போட்டித் தன்மை வாய்ந்ததாக அமைந்திருந்ததென எமது செய்தியாளர் அறிவித்துள்ளார்.

பொநலவாய விளையாட்டு விழாவில் திறமை காட்டிய இலங்கை போட்டியாளர்களுக்கு ஜனாதிபதி பாராட்டு.

2018 ஆம் ஆண்டிற்குரிய பொதுநலவாய விளையாட்டு விழாவில் திறமை காட்டிய இலங்கை வீர, வீராங்கனைகளை பாராட்டி கௌரவித்து விருதுகளையும், பரிசில்களையும் வழங்கும் வைபவமும் இன்று ஜனாதிபதியின் தலைமையில் ஜனாதிபதி செயலகத்தில் இடம்பெற்றது. இம்முறை பொதுநலவாய விளையாட்டு விழாவில் வரலாற்றில் ஆகக்கூடுதலான பதக்கங்களைப் பெற்று தாய்நாட்டுக்கு பெருமை சேர்த்த சகலருக்கும் நன்றி தெரிவிப்பதாக ஜனாதிபதி குறிப்பிட்டார். இந்த போட்டியாளர்களுக்கு எதிர்காலத்தில் தம்மாலான அனைத்து உதவிகளையும் வழங்கப் போவதாக அவர் உறுதியளித்தார்.

தேசிய மெய்வல்லுநர் விளையாட்டுப் போட்டியில் ஒரு இலங்கை சாதனையுடன் ஒன்பது போட்டி சாதனைகள்.

கொழும்பு சுகததாஸ மைதானத்தில் இடம்பெற்றுவரும் தேசிய கனிஷ்ட மெய்வல்லுநர் விளையாட்டுப் போட்டியில் இதுவரை ஒரு இலங்கை சாதனையுடன், ஒன்பது போட்டி சாதனைகள் நிலைநாட்டப்பட்டுள்ளன. அக்குரம்பட - வீரகெப்பட்டிபொல

Read more...

ஐபிஎல் சுற்றுத்தொடரின் 22ஆவது போட்டியில் கிங்ஸ் லெவன் பஞ்சாப் வெற்றி

இந்தியன் பிரிமியர் லீக் சுற்றுத்தொடரின் 22ஆவது போட்டி நேற்று டெல்லியில் இடம்பெற்றது. இதில் டெல்லி டெயார் டெவில்ஸ் அணியை எதிர்கொண்ட கிங்ஸ் லெவன் பஞ்சாப் அணி நான்கு ஓட்டங்களால் வெற்றியீட்டியது.

முதலில் துடுப்பெடுத்தாடிய பஞ்சாப் வீரர்கள் எட்டு விக்கட் இழப்பிற்கு 143 ஓட்டங்களை எடுத்தார்கள். டெல்லி வீரர்களால் எட்டு விக்கட்டுக்களை இழந்து 139 ஓட்டங்களை மாத்திரமே பெற முடிந்தது.

உள்ளுர் மெய்வாண்மை போட்டியாளர்கள் வெளியூர் போட்டிகளில் பங்கேற்பது அவசியம் என தேசிய ஒலிம்பிக் கமிட்டி அறிவிப்பு.

இலங்கையின் மெய்வாண்மைப் போட்டியாளர்கள் வெளிநாட்டுப் போட்டிகளில் கூடுதலாக பங்கேற்பது அவசியம் என தேசிய ஒலிம்பிக் கமிட்டியின் தலைவர் சுரேஷ் சுப்ரமணியம் தெரிவித்துள்ளார். அவுஸ்திரேலியாவில் நடைபெற்ற 21ஆவது பொதுநலவாய விளையாட்டுப் போட்டியில் பங்கேற்ற இலங்கையின் வீர வீராங்கனைகள் ஆகக் கூடுதலான பதக்கங்களுடன் நாடு திரும்பியதை அடுத்து, அவர் கருத்து வெளியிட்டார். ஒரு வெள்ளி, ஐந்து வெண்கலம் அடங்கலாக ஆறு பதக்கங்களுடன் இலங்கை போட்டியாளர்கள் நாடு திரும்பினார்கள். அவர்களை பாராட்டி கௌரவிக்கும் வைபவம் இன்று இடம்பெறவுள்ளது.

இலங்கை உதைப்பந்தாட்ட அணிக்கான பயிற்சிகள் இன்று முதல்.

இலங்கை தேசிய உதைப்பந்தாட்ட அணிக்கான பயிற்சிகள் இன்று முதல் ஆரம்பமாகும் என்று இலங்கை உதைப்பந்தாட்ட சம்மேளத்தின் தலைவர் அனுர டி சில்வா தெரிவித்துள்ளார். பெத்தகான தேசிய உதைப்பந்தாட்ட மைதானத்தில் ஏ மற்றும் பி பிரிவுகளின் கீழ் பயிற்சி வழங்கப்படும். பாடசாலை மட்டத்திலான நான்கு வீரர்களும் இந்த அணியில் உள்வாங்கப்பட்டுள்ளமை விசேட அம்சமாகும். தேசிய உதைப்பந்தாட்ட பயிற்றுவிப்பாளர் ரூமி ஃபக்கீர் அலி தலைமையில் பயிற்சிகள் வழங்கப்படும்.

ஐபிஎல் சுற்றுத்தொடரின் எஞ்சிய சென்னை போட்டிகள் புனேயிற்கு இடமாற்றம்.

இந்தியன் பிரிமியர் லீக் சுற்றுத்தொடருக்குரிய போட்டிகளில் சென்னையில் நடைபெறவிருந்த எஞ்சிய ஆறு போட்டிகளும் அங்கிருந்து இடமாற்றப்பட்டுள்ளன. இந்தப் போட்டிகள் புனே நகரில் நடைபெறும் என ஏற்பாட்டாளர்கள் அறிவித்துள்ளனர். கடந்த செவ்வாய்க் கிழமை சென்றை சுப்பர் கிங்ஸ் அணிக்கும், கொல்கத்தா நைட் ரைடர்ஸ் அணிக்கும் இடையிலான போட்டி சென்னையில் இடம்பெற்றது. இதன்போது, காவிரி பிரச்சினையை முன்வைத்து அரசியல் கட்சிகள் ஆர்ப்பாட்டம் செய்தன. இத்தகைய சூழ்நிலையில் சென்னை ரசிகர்களை ஏமாற்ற விரும்பாவிட்டாலும், பாதுகாப்பு என்ற பிரச்சினை இருப்பதாக ஐபிஎல் நிர்வாக சபைத் தலைவர் ரஜீவ் சுக்;;;;;லா தெரிவித்தார்.

பொதுநலவாய விளையாட்டு விழாவில் இலங்கைக்கு மற்றொரு பதக்கம்.

21ஆவது பொதுநலவாய விளையாட்டு விழாவில் அனுஷா கொடிதுவக்கு என்ற வீராங்கனை இலங்கைக்காக முதல் தடவையாக குத்துச்சண்டை போட்டிகளில் பதக்கம் ஒன்றை வென்றுள்ளார். இவர் 45-48 கிலோ எடைப் பிரிவில் வெண்கலப் பதக்கம் வென்றார். 1950ஆம் ஆண்டுக்குப் பின்னர் இலங்கை குத்துச்சண்டை வீராங்கனை ஒருவர் பதக்கம் ஒன்றை வென்ற முதல் சந்தர்ப்பம் இதுவாகும்.

Read more...

பொதுநலவாய விளையாட்டு விழாவில் இலங்கை வீரர் தேசிய சாதனை

அவுஸ்திரேலியாவின் கோல்ட்-கோஸ்டில் நடைபெறும் பொதுநலவாய விளையாட்டு விழாவின் நேற்றைய தினத்தில் இலங்கை வீரர் மஞ்சுள குமார உயரம் பாய்தலில் இறுதிச் சுற்றுக்குத் தகுதி பெற்றார். அவர் இரண்டு தசம் இரண்டு-ஒரு மீற்றர் உயரத்;தைப் பாய்ந்தார். இறுதிப் போட்டி நாளை நடைபெறும்.

Read more...

21ஆவது பொதுநலவாய விளையாட்டு விழாவின் முதல் தினப் போட்டிகளில் களமிறங்கும் இலங்கையர்கள்.

21வது பொதுநலவாய விளையாட்டு விழாவில் இன்று இலங்கை வீரர்கள் களமிறங்குகிறார்கள். இந்த விளையாட்டு விழாவின் முதல் தினத்திற்குரிய விளையாட்டுப் போட்டிகள் இன்று இடம்பெறவுள்ளன. இதில் பட்மின்ட்டன், ஜிம்னாஸ்டிக், டேபிள் டென்னிஸ், பளுதூக்குதல், மல்யுத்தம் உள்ளிட்ட ஆறு போட்டிகளில் இலங்கை போட்டியாளர்கள் களமிறங்கவுள்ளதாக எமது பிரத்தியேக செய்தியாளர் அறிவித்துள்ளார். பொதுநலவாய விளையாட்டு விழாவின்  அங்குரார்ப்பண விழா நேற்று அவுஸ்திரேலியாவின் கோல்ட்-கோஸ்ட் நகரில் இடம்பெற்றது. அங்குரார்ப்பண விழாவின் தொடக்கத்தில் அடை மழை பெய்தாலும், அது விளையாட்டின் உயிரோட்டத்தை எந்த வகையிலும் பாதிக்கவில்லை என ஊடகங்கள் செய்தி வெளியிட்டுள்ளன. பொதுநலவாய விளையாட்டு விழா தொடர்ந்து 11 நாட்கள் நீடிக்கும். இதில் 71 நாடுகளையும், பிராந்தியங்களையும் சேர்ந்த நான்காயிரத்து 500ற்கு மேற்பட்ட போட்டியாளர்கள் கலந்து கொள்வார்கள். இவர்கள் 275 தங்கப்பதக்கங்களுக்காக போட்டியிடுவார்கள்.

உள்ளூர் செய்திகள்

 

வெளிநாட்டு செய்தி