Sri Lanka Brodcasting Corporation

Mon07242017

Last updateMon, 24 Jul 2017 1pm

விளையாட்டு

2017 உலகக் கிண்ண மகளிர் கிரிக்கெட் போட்டியில் இங்கிலாந்து அணி சம்பியன்.

உலகக் கிண்ண மகளிர் கிரிக்கெட் போட்டியில் இங்கிலாந்து அணி சம்பியனாகியுள்ளது. இந்திய மகளிர் அணிக்கு எதிராக நேற்று இலண்டனின் லோட்ஸ் மைதானத்தில் நடைபெற்ற இறுதிப் போட்டியில் இந்த அணி 9 ஓட்டங்களால் வெற்றி பெற்றது. முதலில் துடுப்பெடுத்தாடிய இங்கிலாந்து மகளிர் அணி 50 ஓவர்கள் நிறைவில் 7 விக்கெட்டுகளை இழந்து 228 ஓட்டங்களை பெற்றது. பதிலுக்கு துடுப்பெடுத்தாடிய இந்திய மகளிர் அணி 48 ஓவர்கள் 4 பந்துகள் நிறைவில் சகல விக்கெட்டுகளையும் இழந்து 219 ஓட்டங்களை மாத்திரமே பெற்றது. இங்கிலாந்து மகளிர் அணி இம்முறை 4வது தடவையாக உலகக் கிண்ணத்தை சுவீகரித்துள்ளது.

உலகக்கிண்ண மகளிர் கிரிக்கெட் போட்டியில் இந்தியா - இங்கிலாந்து அணிகளுக்கு இடையிலான போட்டி இன்று மாலை 3.00 மணிக்கு லோட்ஸ் விளையாட்டு மைதானத்தில்.

உலகக்கிண்ண மகளிர் கிரிக்கெட் போட்டியின் இறுதிப் போட்டி இன்று நடைபெறவுள்ளது. இந்தியா மற்றும் இங்கிலாந்து மகளிர் கிரிக்கெட் அணிகளுக்கு இடையில் லோட்ஸ் விளையாட்டு மைதானத்தில் இன்று இடம்பெறவுள்ளது. இலங்கை நேரப்படி இன்று மாலை 3.00 மணிக்கு போட்டி ஆரம்பமாகின்றது.

மகளிர் உலகக் கிண்ணக் கிரிக்கட் சுற்றுத்தொடரின் இரண்டாவது அரையிறுதிப் போட்டி இன்று.

மகளிர் உலகக் கிண்ணக் கிரிக்கட் சுற்றுத்தொடரின் இரண்டாவது அரையிறுதிப் போட்டி இன்று நடைபெறவுள்ளது. இந்தப் போட்டியில் அவுஸ்திரேலிய, இந்திய மகளிர் அணிகள் மோதுகின்றன.

Read more...

சமிந்த எரங்கவின் பந்து வீச்சு சட்டரீதியானது என சர்வதேச கிரிக்கெட் வாரியம் முடிவு.

வேகப்பந்து வீச்சாளர் சமிந்த எரங்கவின் பந்து வீச்சு சட்டரீதியானது என சர்வதேச கிரிக்கெட் வாரியம் தீர்மானித்துள்ளது. இதற்கமைய, எதிர்காலத்தில் நடைபெறும் சர்வதேச போட்டிகளில் பங்கேற்கும் வாய்ப்பை அவர் பெற்றுள்ளார். கடந்த வருடம் இங்கிலாந்து அணியுடன் நடைபெற்ற இரண்டாவது ரெஸ்ட் போட்டியைத் தொடர்ந்து எரங்கவின் பந்து வீச்சு சட்டவிரோதமானதென முறைப்பாடு செய்யப்பட்டதைத் தொடர்ந்து அவருக்கு போட்டித் தடை விதிக்கப்பட்டிருந்தமை குறிப்பிடத்தக்கது.

ஸிம்பாப்வே அணிகளுக்கு இடையிலான ரெஸ்ட் போட்டியின் இறுதி நாள் இன்று.

இலங்கை ஸிம்பாப்வே அணிகளுக்கு இடையிலான டெஸ்ட் போட்டியின் இறுதி நாள் இன்றாகும். இந்தப் போட்டி கொழும்பு ஆர்.பிரேமதாச மைதானத்தில் இடம்பெறுகிறது. இதில் வெற்றி பெற வேண்டுமாயின், இலங்கை வீரர்கள் இன்னமும் 218 ஓட்டங்களைப் பெறுவது அவசியம். இலங்கை அணியின் வசம் ஏழு விக்கட்டுக்கள் எஞ்சியிருக்கின்றன. நம்பிக்கையுடன் விளையாடினால் வெற்றி பெற முடியுமென ஆரம்ப துடுப்பாட்ட வீரர் திமுத் கருணாரட்ன தெரிவித்தார். அஞ்சலோ மெத்தியூஸ், குசல் மெண்டிஸ் ஆகியோர் துடுப்பாட்டத்தில் ஸ்திரமாக இருப்பதாகவும் அவர் கூறினார்.

மகளிர் ஒருநாள் கிரிக்கெட் போட்டிகளி;ல் கூடிய ஓட்டங்களைக் குவித்த இந்திய அணியின் தலைவி மிதாலி ராஜ் உலக சாதனை.


மகளிர் ஒருநாள் கிரிக்கெட் போட்டிகளில் அதிக ஓட்டங்களைக் குவித்த இந்திய மகளிர் அணியின் தலைவி மிதாலிராஜ் உலக சாதனை படைத்துள்ளார். இங்கிலாந்தில் நடைபெற்று வரும் சர்வதேச மகளிர் கிரிக்கெட் போட்டித் தொடரில் அவுஸ்திரேலிய மகளிர் அணிக்கு எதிரான போட்டியில் 32 ஓட்டங்களை எடுத்து இவர் இந்த சாதனையை நிலைநாட்டியுள்ளார்.

Read more...

அஞ்சலோ மத்தியுஸ் கிரிக்கெட் அணியின் தலைமைப் பதவியிலிருந்து விலகல்.

இலங்கை கிரிக்கெட் அணியின் தலைமைப் பதவியில் இருந்து விலகுவதாக அஞ்சலோ மத்தியுஸ் கிரிக்கெட் தெரிவுக் குழுவிற்கு வாய்மொழி மூலம் அறிவித்துள்ளார். இதற்கமைய இன்று காலை விசேட செய்தியாளர் சந்திப்பொன்றை நடத்துவதற்கு இலங்கை கிரிக்கெட் கட்டுப்பட்டு நிலையம் நடவடிக்கை எடுத்திருப்பதாக தெரிவிக்கப்பட்டுள்ளது. நாட்டின் கிரிக்கெட் வரலாற்றில் முதல் தடவையாக சிம்பாப்வே அணிக்கு எதிரான ஒருநாள் சர்வதேச போட்டித் தொடரில் தோல்வியடைந்ததைத் தொடர்ந்து அஞ்சலோ மத்தியுஸ் பதவி விலக வேண்டுமென சமூக ஊடகங்களில் அழுத்தம் கொடுக்கப்பட்டமை இங்கு குறிப்பிடத்தக்கது.

இலங்கை - சிம்பாவே அணிகளுக்கு இடையிலான தீர்மானமிக்க இறுதி ஒருநாள் சர்வதேச கிரிக்கெட் போட்டி இன்று சூரியவேவ மைதானத்தில்.

இலங்கை - ஸிம்பாப்வே அணிகளுக்கு இடையிலான ஐந்தாவதும் இறுதியுமான ஒருநாள் சர்வதேசக் கிரிக்கெட்போட்டி இன்று சூரியவௌ சர்வதேச மைதானத்தில் நடைபெறும். இரண்டு நாடுகளுக்கும் இடையிலான ஒருநாள் சர்வதேச கிரிக்கெட் போட்டியில் இரண்டு அணிகளும் தலா இரண்டு போட்டிகளில் வெற்றிபெற்றுள்ளன. அதனால் இன்று நடைபெறும் போட்டி தொடரின் வெற்றியைத் தீர்மானிக்கும் முக்கிய போட்டியாக விளங்குகின்றது.

ஆசிய மெய்வல்லுனர் போட்டியில் இலங்கைக்கு ஒரு தங்கப்பதக்கம்.

இந்தியாவின் ஒடிஸ்ஸா நகரில் நடைபெற்று வரும் ஆசிய மெய்வல்லுனர் விளையாட்டுப் போட்டியில் பெண்களுக்கான 800 மீற்றர் போட்டி நிகழ்ச்சிப் பிரிவில் நிமாலி லியனாராச்சி தங்கப்பதக்கம்; வென்றுள்ளார். நேற்று நடைபெற்ற போட்டியில் வெற்றி பெற்ற இந்திய வீராங்கனை அர்ச்சனா போட்டி விதிமுறைகளை மீறி நிமாலிக்கு தடங்கலாக செயற்பட்டமை இதற்கான காரணமாகும். இந்த தீர்மானத்தைத் தொடர்ந்து வெண்கலப் பதக்கத்தை வென்ற கயந்திகா அபேரத்னவுக்கு வெள்ளிப்பதக்கம் கிடைத்துள்ளது. இதேவேளை நேற்று நடைபெற்ற மகளிருக்கான 200 மீற்றர் ஓட்டப்போட்டியில் ருமேசிகா ரத்னாயக்க வெள்ளிப்பதக்கம் வென்றுள்ளார். இதற்கமைய ஒரு தங்கப்பதக்கத்தையும் 4 வெள்ளிப்பதக்கத்தையும் வென்றுள்ள இலங்கை 9வது இடத்தில் உள்ளது. 12 தங்கப்பதக்கங்களையும் 5 வெள்ளிப்பதக்கங்களையம் 12 வெண்கலப்பதக்கங்களையும் வென்றுள்ள இந்தியா முதலாவது இடத்தில் உள்ளது. சீனா, கசகஸ்தான் ஆகிய நாடுகள் 2ம் மூன்றாம் இடங்களில் உள்ளன.

சேர் ஜோன் டார்பெட் மெய்வல்லுனர் விளையாட்டுப் போட்டியில் புதிதாக 14 சாதனைகள்.

தியகம மஹிந்த ராஜபக்ஷ விளையாட்டு மைதானத்தில் இன்று நிறைவடைந்த சேர் ஜோன் டார்பெட் மெய்வல்லுனர் விளையாட்டுப் போட்டியில் புதிதாக 14 சாதனைகள் நிலைநாட்டப்பட்டுள்ளன. 18 வயதிற்கு உட்பட 800 மீற்றர் ஓட்டப் போட்டியில் புதிய சாதனையை நிலைநாட்டுவதற்கு இரத்நாயக்க வித்தியாலத்தைச் சேர்ந்த டி.எம்.எஸ்.கருனாரத்னவினால் முடிந்தது.

உள்ளூர் செய்திகள்

 

வெளிநாட்டு செய்தி