உள்ளூர்

தென் மாகாணத்தில் பரவிய இன்புளுவென்வா ஏ வைரஸ் பற்றிய அநாவசிய அச்சத்தை ஏற்படுத்திக் கொள்ள வேண்டிய தேவை இல்லை என்று சுகாதார அமைச்சு அறிவித்துள்ளது.


தென் மாகாணத்தில் பரவிய இன்புளுவென்சா ஏ வைரஸ் காய்ச்சல் பற்றி அநாவசிய அச்சத்தை ஏற்படுத்திக் கொள்ள வேண்டிய தேவை இல்லை என்று சுகாதார சேவைகள் பணிப்பாளர் நாயகம் டொக்டர் அஜித் ஜாசிங்க தெரிவித்துள்ளார்.

நோயை கட்டுப்படுத்துவதற்கான வேலைத்திட்டம் மாகாண சுகாதார அதிகாரிகள் உட்பட துறைசார் முக்கியஸ்தர்களை இணைத்து நடைமுறைப்படுத்தப்படுவதாகவும் அவர் கூறினார்.

சுகாதார அமைச்சில் இன்று இடம்பெற்ற செய்தியாளர் மாநாட்டில் டொக்டர் அஜித ஜாசிங்க கருத்து வெளியிட்டார்.

காய்ச்சல் பற்றி அறிந்து நோயாளர்களின் நோய் எதிர்ப்பு சக்தியை அதிகரிப்பது அவசியமாகும். இதற்கு தேவையான மருந்துகளும் உபகரணங்களும் உரிய வைத்தியசாலைக்கு வழங்கப்பட்டுள்ளன.

கம்புருபிட்டிய ஆதார வைத்தியசாலையில் மே மாதம் முதலாம் திகதி முதல் 20 நோயாளர்கள் தங்கி சிகிச்சை பெற்றுள்ளதோடு இந்த எண்ணிக்கை தற்சமயம் பத்து வரை குறைவடைந்துள்ளது.