Sri Lanka Brodcasting Corporation

Wed04252018

Last updateWed, 25 Apr 2018 8pm

வணிக

பண்டிகைக் காலத்தில் பொருட்களை கொள்வனவு செய்வோருக்கு விசேட அறிவித்தல்

பண்டிகைக் காலத்தில் பொருட்களை கொள்வனவு செய்கையில் கவனம் தேவை என நுகர்வோர் அலுவல்கள் அதிகார சபை கோரிக்கை விடுத்துள்ளது.

முன்கூட்டியே திட்டமிடப்பட்ட பொருட்களின் பட்டியலை கொண்டு செல்வதன் மூலம் வர்த்தக மோசடிகளிலிருந்து தப்பித்துக் கொள்ளலாம் என அதிகார சபையின் பிரதிப் பணிப்பாளர் சமந்தா கருணாரட்ன தெரிவித்துள்ளார்.

பொருட்களின் விலை மட்டங்களை அறிந்து அவற்றை கொள்வனவு செய்வதும், பற்றுச்சீட்டை வாங்குவதும் கட்டாயமானது. உணவுப் பொருட்களை வாங்குகையில் உற்பத்தித் திகதி, எடை முதலான விடயங்களை கவனத்தில் கொள்ள வேண்டும் என திருமதி கருணாரட்ன தெரிவித்தார்.

வர்த்தக மோசடிகள் பற்றி தொலைபேசி வாயிலாக முறையிடலாம். அழைக்க வேண்டிய இலக்கம் 1977 என்பதாகும்.

சதொஸ கிளைகளில் ஆகவும் குறைந்த விலையில் பொருள் விற்பனை

நாடெங்கிலும் உள்ள சதொச விற்பனை நிலையங்களில் குறைந்த விலையில் பொருட்கள் விற்பனை செய்யப்படுவதாக அதன் பிரதான நிறைவேற்று உத்தியோகத்தர் கலாநிதி எஸ்.எச்.எம். ஃபராஸ் தெரிவித்துள்ளார்.

Read more...

பண்டிகைக்காலத்தில் சலுகை விலையில் அத்தியாவசியப் பொருட்களை வழங்க சதொச நிறுவனம் நடவடிக்கை.

புத்தாண்டுக்காலப் பகுதியில் மக்களுக்கு தேவையான அத்தியாவசியப்பொருட்களை நடமாடும் வாகனங்களின் மூலம் வழங்க நடவடிக்கை எடுக்கப்படும் என்று அமைச்சர் ரிஷாத் பதியுத்தீன் தெரிவித்துள்ளார். உரிய பொருட்களை குறைந்த விலையில் நாடு பூராகவும் அமைந்துள்ள சதோச விற்பனை நிலையங்களின் ஊடாக வழங்கவும் நடவடிக்கை எடுக்கப்பட்டுள்ளது. நாடெங்கிலும் 400 சதொச கிளைகள்

Read more...

காஸ், பால்மா என்பனவற்றின் விலை அதிகரிக்கப்பட மாட்டாதென்று வலியுறுத்தப்பட்டுள்ளது.

பால்மா, காஸ் என்பவற்றின் விலை அதிகரிக்கப்பட மாட்டாதென அரசாங்கம் அறிவித்துள்ளது. பால்மாவின் விலையை 100 ரூபாவினாலும், காஸின் விலையை 275 ரூபாவினாலும் அதிகரிக்குமாறும், உரிய நிறுவனம் கோரியிருந்தாலும் அது தொடர்பான தீர்மானங்கள் எடுக்கப்படவில்லை. புத்தாண்டுக் காலப்பகுதியில் அத்தியாவசியப் பொருட்களின் விலை அதிகரிக்கப்பட மாட்டாதென்று அரசாங்கம் வலியுறுத்தியுள்ளது.

பண்டிகைக் காலத்தில் நுகர்வோரின் தேவைகளை பூர்த்தி செய்ய கூ.மொ.வி தயார்

எதிர்வரும் பண்டிகைக் காலத்தில் நுகர்வோரின் தேவைகளை பூர்த்தி செய்ய தற்போது இருந்தே தயாராகி வருவதாக கூட்டுறவு மொத்த விற்பனவு நிறுவனத்தின் தலைவர் மொஹமட் ரிஸ்வான் ஹமீட் தெரிவித்துள்ளார்.

Read more...

தடை செய்யப்பட்ட பொலித்தீன் வகைகளின் பாவனை குறித்து ஆராய நடவடிக்கை

தடை செய்யப்பட்ட பொலித்தீன் வகைகளின் பாவனையை தடுத்து நிறுத்தும் திட்டம் மும்முரமாக முன்னெடுக்கப்படுகிறது.

மத்திய சுற்றாடல் அபிவிருத்தி அதிகார சபையின் மாகாண மற்றும் மாவட்ட அலுவலகங்களை ஒன்றிணைந்து சுற்றாடல் பொலிஸ் பிரிவின் பங்களிப்புடன் திட்டம் முன்னெடுக்கப்படுவதாக அதிகார சபை அறிவித்துள்ளது.

கடந்த செப்டெம்பர் மாதம் முதலாம் திகதி தொடக்கம் பொலித்தீன் தடை நடைமுறையில் உள்ளது. இதன்கீழ் சில வகை பொலத்தீன்களின் உற்பத்தி, விற்பனை, பயன்பாடு போன்றவை தடை செய்யப்பட்டிருந்தன.

இந்தத் தடை முறையாக அமுலாகிறதா என்பதை கண்டறிவதற்காக நாடு முழுவதிலும் விசேட சோதனைகள் நடத்தப்பட்டு வருகின்றன.

உத்தரவாத விலையின் அடிப்படையில் நாடு மற்றும் சம்பா நெல் கொள்வனவு.

நெல் கொள்வனவுக்காக உத்தரவாத விலையை உறுதி செய்வதற்காக உரிய மாவட்டங்களில் அரசாங்கத்தின் தலையீட்டுடன் ஒரு கிலோ நாட்டரிசி நெல்லை 38 ரூபாவுக்கும், சம்பா நெல்லை 41ரூபாவுக்கும் கொள்வனவு செய்வதென தீர்மானிக்கப்பட்டுள்ளது.

நெல் சந்தைப்படுத்தல் சபை, மாவட்ட செயலகங்கள் ஊடாக அரசாங்கம் நெல்லை கொள்வனவு செய்யும். நெல் கொள்வனவு நடைமுறை பற்றிய பரிசீலனைக் கூட்டத்தில் பல யோசனைகள் முன்வைக்கப்பட்டன. இவற்றின் அடிப்படையில் அரசாங்கம் இந்த தீர்;மானத்தை எட்டியது.

நாட்டிற்குத் தேவையான பொதுமான அரிசி கையிருப்பில் காணப்படுவதாக சதோச, அத்தியாவசியப் பொருட்கள் விற்பனையாளர் சங்கம் என்பன அறிவித்திருக்கின்றன.

பெரும்போக அரிசி தற்சமயம் சந்தைக்குக் கிடைக்கின்றது. இதற்கு மேலதிகமாக இறக்குமதி செய்யப்பட்ட அரிசியும் சந்தையில் காணப்படுகின்றது. இதனால் புதிதாக அரிசி இறக்குமதி செய்யப்பட மாட்டாது என சதோச நிறுவனத்தின் தலைவர் மொஹமட் றிஸ்வான் தெரிவித்துள்ளார். இதேவேளை, இம்முறை பெரும்போகத்தில் 6 லட்சம் ஹெக்டயர் விஸ்தீரணமான நிலப்பரப்பில் நெல் பயிரிடப்பட்டுள்ளது.

நெஸ்லே நிறுவனத்தின் புதிய தேங்காய்ப்பால் பானம்

நெஸ்லே நிறுவனம் நெஸ்பிரே கொக்கோ அப் என்ற பானத்தை இலங்கை சந்தையில் அறிமுகம் செய்திருக்கிறது. பால் தேங்காய் என்பனவற்றை பயன்படுத்தி புத்துணர்ச்சி அளிக்கும் இந்தப் பானம் தயாரிக்கப்பட்டிருக்கிறது. செயற்கை நிறமூட்டிகளோ கலவைகளோ இன்றி தேங்காய் பாலை பயன்படுத்தி இந்தப் பானம் தயாரிக்கப்பட்டுள்ளமை சிறப்பம்சமாகும். நவீன சர்வதேச தொழில்நுட்பம் ஆராய்ச்சி என்பனவற்றை பயன்படுத்தி இந்தப் பானம் தயாரிக்கப்பட்டிருப்பதாக நெஸ்லே நிறுவன முகாமைத்துவப் பணிப்பாளர் ஷெவானி ஹெக்டே தெரிவித்துள்ளார். இந்நிகழ்வில் நெஸ்லேயின் உதவி துணைத்தலைவர் பந்துல எகொடகேயும் கலந்து கொண்டார்.

கடந்தாண்டு இலங்கையின் ஏற்றுமதி வருமானத்தில் சாதனை படைக்கும் அளவிலான வளர்ச்சி

கடந்தாண்டு இலங்கையின் வணிக ஏற்றுமதி துறையில் ஆகக் கூடுதலான வருமானம் பதிவு செய்யப்பட்டதாக அபிவிருத்தி மூலோபாய மற்றும் சர்வதேச வணிக அமைச்சு அறிவித்துள்ளது.

கடந்தாண்டு ஏற்றுமதி வருமானம் ஆயிரத்து 500 கோடி டொலராகும். தேயிலை ஏற்றுமதி வருமானம் 20 சதவீதத்தாலும், கடற்றொழில் உற்பத்தி ஏற்றுமதி வருமானம் 40 சதவீதத்தாலும் அதிகரித்திருந்தது.

குறிப்பாக ஈரான் முதலான மத்திய கிழக்கு நாடுகளுக்கு கூடுதலான தேயிலை ஏற்றுமதி செய்யப்பட்டதால் ஏற்றுமதி வரி வருமானம் உயர்ந்தது. ஐரோப்பிய ஒன்றியம் மீன்பிடி ஏற்றுமதி தடையை நீக்கியதாலும், ஜிஎஸ்பி பிளஸ் வரிச்சலுகை மீண்டும் கிடைத்தமையினாலும் கடற்றொழில் ஏற்றுமதி அதிகரித்தது.

அதேவேளை, இலங்கையும் சிங்கப்பூரும் சுதந்திர வர்த்தக உடன்படிக்கையில் கைச்சாத்திட்டுள்ளன. சீனா, இந்தியா ஆகிய நாடுகளுடன் வணிக உடன்படிக்கைகளை ஏற்றுபடுத்துவது பற்றி பேச்சுவார்த்தை நடத்தப்பட்டு வருவதாக அமைச்சர் மலிக் சமரவிக்கரம மேலும் தெரிவித்தார். 2020 ஆம் ஆண்டளவில் இரண்டாயிரத்து 200 கோடி அமெரிக்க டொலரை ஏற்றுமதி வருமானமாக பெறுவது அரசாங்கத்தின் இலக்கென அவர் கூறினார்.

உள்ளூர் செய்திகள்

 

வெளிநாட்டு செய்தி