Wed01242018

Last updateWed, 24 Jan 2018 1pm

Latest News

ரயில் போக்குவரத்தை வழமைக்குக் கொண்டுவர நடவடிக்கை.

சீனாவில் உற்பத்தி செய்யப்பட்ட ரயில்களை போக்குவரத்தில் ஈடுபடுத்துவதற்கு எதிர்ப்பு தெரிவித்துள்ள ரயில் சாரதிகளுடனும், கட்டுப்பாட்டாளர்களுடனும் பேச்சுவார்த்தை இடம்பெறுவதாக ரயில்வே கட்டுப்பாட்டு நிலையம் அறிவித்துள்ளது.

Read more...

உள்ளுராட்சி மன்றத் தேர்தலுக்காக தபால்மூல வாக்களிப்பு நாளையும், நாளை மறுதினமும் இடம்பெறவுள்ளது.

எதிர்வரும் உள்ளுராட்சி மன்றத் தேர்தலுக்கான தபால்மூல வாக்களிப்பு நாளையும், நாளை மறுதினமும் இடம்பெறவுள்ளது. தேர்தல்கள் செயலகம், பொலிஸ் திணைக்களம் என்பனவற்றின் அதிகாரிகளுக்கு தபால் மூலம் வாக்களிக்க கடந்த திங்கட்கிழமை ஒதுக்கப்பட்டிருந்தது.

Read more...

அரசியல் பழிவாங்கல் அற்ற அரச சேவையை கட்டியெழுப்ப நடவடிக்கை எடுக்கப்பட்டுள்ளதாக அரச நிர்வாக அமைச்சர் அறிவித்துள்ளார்.

அரசியல் பழிவாங்கல் அற்ற அரச சேவையை கட்டியெழுப்ப அரசாங்கம் நடவடிக்கை எடுத்துள்ளதாக அமைச்சர் ரஞ்சித் மத்தும பண்டார தெரிவித்துள்ளார். அரச சேவை அரசியல் தலையீடுகளிலிருந்து மீட்டெடுக்கப்பட்டிருக்கிறது. அரச சேவையை வலுப்படுத்துவதன் மூலம் அரச நிர்வாகமும் வலுவடையும் என அமைச்சர் கூறினார். இலங்கை ஒலிபரப்பு கூட்டுத்தாபனத்தில் இன்று காலை இடம்பெற்ற சுபாரதி நிகழ்ச்சியில் அவர் கருத்து வெளியிட்டார்.

Read more...

சிங்கப்பூருக்கும், இலங்கைக்கும் இடையிலான இருதரப்பு உறவுகள் தொடர்ந்தும் முன்னெடுக்கப்படவிருக்கின்றன - இரு நாடுகளுக்கும் இடையிலான சுதந்திர வர்த்தக ஒப்பந்தமும் கைச்சாத்து.

இலங்கைக்கும், சிங்கப்பூருக்கும் இடையிலான இருதரப்பு வர்த்தக முதலீட்டு உறவுகள் மேலும் வலுப்படுத்தப்படும் என்று சிங்கப்பூர் பிரதமர் லீ ஷீ லுங் தெரிவித்துள்ளார். ஜனாதிபதி மைத்ரிபால சிறிசேனவுடன் ஜனாதிபதி செயலகத்தில் இன்று இடம்பெற்ற செயலமர்வில் அவர் கருத்து வெளியிட்டார்.

இருதரப்பு வர்த்தக நடவடிக்கைகளை தொடர்ந்தும் முன்னெடுக்கும் நோக்கில் சுதந்திர வர்த்தக ஒப்பந்தமும் இதன் போது கைச்சாத்திடப்பட்டது. புதிய ஒப்பந்தத்தின் மூலம் இரண்டு நாடுகளுக்கும் பல்வேறு நன்மைகள் கிடைக்கும் என அவர் கூறினார். இலங்கையின் தொழிற்பயிற்சி, தொழில்வாய்ப்பு, உட்கட்டமைப்பு அபிவிருத்தி போன்ற துறைகளுக்கு சிங்கப்பூர் உதவவிருக்கிறது. இலங்கையின் சிறிய மற்றும் நடுத்தர தொழின்முயற்சி சார்ந்த முதலீடுகள் பாரியளவில் அதிகரித்துள்ளன. இலங்கையில் முதலீடுகளை மேற்கொள்வதற்காக சிங்கப்பூர் தொழில் முயற்சியாளர்களை ஊக்குவிக்குமாறு ஜனாதிபதி மைத்ரிபால சிறிசேன சிங்கப்பூர் பிரதமரிடம் கோரிக்கை விடுத்தார்.

சுகாதாரம், சுற்றுலா, இணையத்தளத்தின் ஊடான வர்த்தகம், வலுசக்தி, உட்கட்டமைப்பு வசதிகள் போன்ற துறைகளுக்கு முக்கியத்துவம் வழங்கி, பொருளாதார ஒத்துழைப்புக்களை முன்னெடுப்பது தொடர்பாக இரு நாட்டுத் தலைவர்களும் கவனம் செலுத்தினார்கள். திருகோணமலை மாவட்டத்தின் அபிவிருத்தித் திட்டங்களை நடைமுறைப்படுத்த சிங்கப்பூர் வழங்கும் உதவிகளை அவர் பாராட்டி பேசினார்.

இலங்கையர்களுக்கு மேலும் சிங்கப்பூரில் தொழில் வாய்ப்புக்களை வழங்குவது பற்றி கவனம் செலுத்துமாறு ஜனாதிபதி சிங்கப்பூர் பிரதமரிடம் கோரிக்கை விடுத்தார். ஆசியான் அமைப்புடன் மேலும் நெருங்கி செயற்படுவது இலங்கையின் எதிர்ப்பார்ப்பாகும். இதனால், ஆசியான் அமைப்பின் கலந்துரையாடல் ரீதியான பங்குதாரர்களை இலங்கையில் இணைத்துக் கொள்ள ஒத்துழைப்பு வழங்குமாறும் ஜனாதிபதி கோரிக்கை விடுத்தார். நல்லாட்சி இலக்குகளை அடைந்து கொள்வதற்காகவும், நல்லிணக்கத்திற்காகவும் இலங்கை ஆரம்பித்துள்ள வேலைத்திட்டங்கள் பற்றியும் ஜனாதிபதி விளக்கம் அளித்தார்.

திறைசேரி முறிகள் தொடர்பான ஆணைக்குழுவின் அறிக்கை பற்றி தவறான கருத்துக்களை வெளியிட வேண்டாம் என்று சபாநாயகர் கோரிக்கை.

திறைசேரி முறிகள் தொடர்பான ஆணைக்குழுவின் அறிக்கை பாராளுமன்றத்தில் சமர்ப்பிக்கப்பட்டுள்ளமையினால், அதுபற்றி தவறான முறையில் கருத்துக்களை வெளியிட வேண்டாமென்று சபாநாயகர் கரு ஜயசூரிய கோரிக்கை விடுத்துள்ளார். பாராளுமன்றம் இன்று கூடியபோது அவர் இது தொடர்பாக கருத்து வெளியிட்டார்.

திறைசேரி முறிகள் தொடர்பான ஜனாதிபதி ஆணைக்குழு, பாரியளவிலான ஊழல் மோசடிகளை விசாரிக்கும் ஆணைக்குழு என்பனவற்றின் அறிக்கைகளை அமைச்சர் லக்ஷ்மன் கிரியெல்ல பாராளுமன்றத்தில் இன்று சமர்ப்பித்தார். திறைசேரி முறிகள் தொடர்பான ஆணைக்குழுவின் அறிக்கையை பாராளுமன்றத்தில் சமர்ப்பிப்பது அவசியம் என்று விவாதத்தில் கலந்து கொண்ட பாராளுமன்ற உறுப்பினர் அனுரகுமார திஸாநாயக்க வலியுறுத்தினார்.

பொதுமக்களின் பணம் முறைகேடாக பயன்படுத்தப்பட்டுள்ளமை பற்றி இதில் சுட்டிக்காட்டப்பட்டுள்ளது. அடுத்த மாதம் 10ஆம் திகதிக்கு முன்னர் இதுபற்றி கலந்துரையாடுவதன் அவசியம் இதன் போது சுட்டிக்காட்டப்பட்டது. குழுவின் அறிக்கை பற்றி விவாதிக்க அரசாங்கம் தயார் என்று அமைச்சர் லக்ஷ்மன் கிரியெல்ல தெரிவித்தார்.

ஹம்பாந்தோட்டை துறைமுகத்தில் பணியாற்றிய 135 பேருக்கு துறைமுக அதிகாரசபையில் வேலைவாய்ப்பு.

ஹம்பாந்தோட்டை துறைமுகத்தில் பணியாற்றும் 464 ஊழியர்களில் 135 ஊழியர்களுக்கு துறைமுக அதிகாரசபையில் தொழில்வாய்ப்புக்கள் வழங்கப்படும் என்று அமைச்சர் மஹிந்த சமரசிங்க தெரிவித்துள்ளார்.

ஏனைய ஊழியர்களுக்கு இழப்பீட்டுத் தொகை வழங்கப்படவிருக்கிறது. ஒவ்வொருவருக்கும் தலா பத்து லட்சம் ரூபாவிற்கும் அதிகமான இழப்பீட்டுத் தொகை வழங்கப்படவிருப்பதாக அவர் கூறினார். தொழிலாளர்கள் சட்டத்திற்கு மேலதிகமாக வழங்கப்படும் உயர்ந்த இழப்பீட்டுத் தொகை இதுவாகும்.

ஊவா மாகாண முதலமைச்சரின் செயற்பாடுகளுக்கு எதிராக ஜனாதிபதி உரிய நடவடிக்கைகளை எடுத்துள்ளதாக அமைச்சர் மஹிந்த சமரசிங்க கூறினார். ஊழல் மோசடிகள் அற்ற தூய்மையான நல்லாட்சி உடைய இடமாக உள்ளுராட்சி மன்றங்கள் மாற்றி அமைக்கப்படும் என்று அமைச்சர் கூறினார்.

ஊவா மாகாண முதலமைச்சர் பதுளை பொலிஸில் ஆஜராகியுள்ளார்.

ஊவா மாகாண முதலமைச்சர் சாமர சம்பத் தஸநாயக்க சட்டத்தரணி ஊடாக பதுளை பொலிஸாரிடம் ஆஜராகியுள்ளார். பதுளை நீதவான் முன்னிலையில் அவர் இன்று ஆஜர்படுத்தப்படவிருக்கிறார். பதுளை தமிழ் மகளிர் கல்லூரியின் அதிபரை மண்டியிடச் செய்த சம்பவம் தொடர்பான குற்றச்சாட்டு அவருக்கு எதிராக சுமத்தப்பட்டிருந்தமை குறிப்பிடத்தக்கது.

ஜனாதிபதிக்கும், சிங்கப்பூர் பிரதமருக்கும் இடையிலான உத்தியோகபூர்வ பேச்சுவார்த்தை இன்று பிற்பகல் இடம்பெறவுள்ளது.

உத்தியோகபூர்வ விஜயத்தை மேற்கொண்டு இலங்கை வந்துள்ள சிங்கப்பூர் பிரதமர் லீ ஷீ லுங்க்கு ஜனாதிபதி செயலகத்தில் இன்று இராணுவ மரியாதை அளிக்கப்பட்டது. ஜனாதிபதி மைத்ரிபால சிறிசேனவுக்கும், சிங்கப்பூர் பிரதமருக்கும் இடையிலான இருதரப்பு

Read more...

மீனவர்களுக்கோ, குறைந்த வருமானம் பெறும் குடும்பங்களுக்கோ மண்ணெண்ணெய் விற்பனை வரையறுக்கப்படவில்லை என பெற்றோலியக் கூட்டுத்தாபனம் வலியுறுத்தியுள்ளது.

மீனவர்களுக்கோ, குறைந்த வருமானம் பெறும் குடும்பங்களுக்கோ மண்ணெண்ணெய்யை விநியோகிக்கும் நடவடிக்கை வரையறுக்கப்படவில்லை என்று இலங்கை பெற்றோலியக் கூட்டுத்தாபனம் அறிவித்துள்ளது.

Read more...

நாட்டின் உட்கட்டமைப்பு வசதிகளை அபிவிருத்தி செய்ய முதலீட்டு வாய்ப்புக்களை விஸ்தரிக்கப்போவதாக பிரதமர் அறிவிப்பு.

நாட்டின் உட்கட்டமைப்பு வசதிகளை அபிவிருத்தி செய்து, முதலீட்டு வாய்ப்புக்களை மேம்படுத்தப்போவதாக பிரதம மந்திரி ரணில் விக்கிரமசிங்க தெரிவித்துள்ளார்.

வர்த்தக முதலீட்டு வாய்ப்புக்களை மேம்படுத்தி கொழும்பை வணிக நகராக பரிணமிக்கச் செய்ய நடவடிக்கை எடுக்கப்படும் என பிரதம மந்திரி குறிப்பிட்டார். அவர் களுத்துறை மில்லேனிய பிரதேசத்தில் இடம்பெற்ற பொதுக் கூட்டமொன்றில் உரையாற்றினார்.

இலங்கை மீண்டும் ஜீ.எஸ்.பி.வரிச் சலுகை கிடைத்துள்ளது. மேல் மாகாணத்தை அபிவிருத்தி செய்யும் திட்டம் வகுக்கப்பட்டுள்ளது. இதன் கீழ் களுத்துறையில் வர்த்தக வலயம் ஒன்று ஸ்தாபிக்கப்படும்.

அபிவிருத்தி முயற்சிகளை தொடர்ந்து முன்னெடுக்கும் வகையில் அரசாங்கத்தில் அங்கம் வகிக்கும் கட்சிகளின் தரத்தை மக்கள் வலுப்படுத்த வேண்டும் என பிரதமர் கோரிக்கை விடுத்தார்.

ஸ்ரீலங்கன் எயார்லைன்ஸ் நிறுவனம் வரலாற்றில் ஆகக்கூடுதலான மாதாந்த வருமானம்

கடந்த ஆண்டு டிசெம்பர் மாதம் ஸ்ரீலங்கன் எயார்லைன்ஸ் நிறுவனம் வரலாற்றில் ஆகக்கூடுதலான மாதாந்த வருமானத்தைப் பெற்றுள்ளது.

Read more...

இலங்கை வரும் ஜப்பானின் உயர்மட்ட வணிக தூதுக்குழு.

ஜப்பானில் முன்னணி வகிக்கும் 70 நிறுவனங்களைச் சேர்ந்த பிரதிநிதிகளும், அதிகாரிகளும் அடங்கிய உயர்மட்டக் குழு நாளை இலங்கை வருகின்றது.

Read more...

இனிப்புப் பானங்களுக்கு வரி நிவாரணம் இல்லை - சுகாதார அமைச்சர் திட்டவட்டம்.

இனிப்புப் பானங்களை உற்பத்தி செய்வோருக்கு வரி நிவாரணம் வழங்க தயாரில்லை என சுகாதார அமைச்சர் டொக்டர் ராஜித்த சேனாரத்ன தெரிவித்துள்ளார்.

Read more...

பிரபல பாடகரும் நடிகருமான பொப்பிசை சக்கரவர்த்தி ஏ.ஈ.மனோகரன் காலமானார்.

பொப்பிசை சக்கரவர்த்தி என்ற பெயரால் புகழ்பெற்ற ஈழத்துப் பாடகரும், பிரபல நடிகருமான ஏ.ஈ.மனோகரன் காலமானார்.

Read more...

சிங்கப்பூர் பிரதமர் இலங்கை வந்துள்ளார்


சிங்கப்பூர் லீ ஷி லூங் உத்தியோகபூர்வ விஜயத்தை மேற்கொண்டு இலங்கை வந்துள்ளார். அமைச்சர் சாகல ரட்நாயக்க விமான நிலையத்தில் வைத்து அவருக்கு மகத்தான வரவேற்று அளித்தார்.

ஜனாதிபதி மைத்ரிபால சிறிசேனவின் அழைப்பிற்கிணங்க அவரது விஜயம் அமைகிறது. சிங்கப்பூர் பிரதமரை இராணுவ மரியாதையுடன் வரவேற்பதற்கான ஏற்பாடுகளை ஜனாதிபதி செயலகம் மேற்கொண்டுள்ளது. நாளை காலை அங்கு அவர் உத்தியோகபூர்வமாக வரவேற்கப்படுகிறார்.

அதனைத் தொடர்ந்து சிங்கப்பூர் பிரதமருக்கும், ஜனாதிபதி மைத்ரிபால சிறிசேனவுக்கும் இடையில் இருதரப்பு பேச்சுவார்த்தை நடைபெறும். இரு நாடுகளுக்கும் இடையிலான சுதந்திர, வர்த்தக உடன்படிக்கையும் கைச்சாத்திடப்படவுள்ளது. சிங்ப்பூர் பிரதமர் தமது இந்த விஜயத்தின் போது பிரதமர் ரணில் விக்ரமசிங்கவையும் சந்தித்;து பேச்சு நடத்துகிறார். சிங்கப்பூர் பிரதமர் ஒருவர் 13 ஆண்டுகளுக்கு பின்னர் இலங்கைக்கு விஜயம் செய்கின்றமை குறிப்பிடத்தக்கது.

போலி குற்றச்சாட்டை மறுக்கும் நிதி மற்றும் ஊடக அமைச்சு

அமைச்சர் மங்கள சமரவீர கடந்த 18ம் திகதி வெளியிட்ட வர்த்தகமானி அறிவித்தலின் மூலம் அத்தியாவசிய பொருட்கள் மீதான வரி அதிகரிக்கப்பட்டுள்ளதாக முன்னெடுக்கப்படும் பிரசாரங்களில் எந்தவித உண்மையும் இல்லை என நிதி மற்றும் ஊடக அமைச்சு அறிவித்துள்ளது.

மாசி உட்பட சில பொருட்கள் மீது கடந்த வருடம் ஜூலை மாதம் 19ம் திகதி விதிக்கப்பட்டிருந்த வரி தற்சமயம் அமுலுக்கு வரும் என்றே வர்த்தமானியில் குறிப்பிடப்பட்டுள்ளதாகவும் அமைச்சு சுட்டிக்காட்டியுள்ளது.

உரிய வர்த்தமானி அறிவித்தலினால் பொருட்களின் விலைகள் அதிகரிகப்பட மாட்டாதென அமைச்சு அறிவித்துள்ளது.

தூய்மையான ஆட்சிக்காக ஸ்ரீலங்கா சுதந்திர கட்சியின் வேலைத்திட்டம் அறிவிப்பு

ஸ்ரீலங்கா சுதந்திர கட்சி தலைமையிலான ஐக்கிய மக்கள் சுதந்திர முன்னணி வெற்றி கொள்ளும் உள்ளுராட்சி மன்றங்களில் ஊழல் மோசடிகள் அற்ற தூய்மையான ஆட்சி ஏற்படுத்தப்படும் என்று அமைச்சர் சுசில் பிரேமயஜந்த தெரிவித்துள்ளார்.

இதற்கான வேலைத்திட்டம் அமுலாகிறது. திண்ம கழிவகற்றும் வேலைத்திட்டம் பற்றி இதன்போது கூடுதல் கவனம் செலுத்தப்படும்.

ஜனாதிபதியின் வறுமை ஒழிப்பு வேலைத்திட்டத்திற்கு உள்ளுராட்சி மன்றங்களின் பிரதிநிதிகளும் இணைத்துக் கொள்ளப்படவுள்ளார்கள் என்று அமைச்சர் கூறினார்.

சமகால அரசாங்கம் பொருளாதாரத்தை உறுதியான நிலையில் பேணியுள்ளதாக பிரதமர் தெரிவிப்பு

 

பல்வேறு சவால்களுக்கு மத்தியில் அரசாங்கம் சில கடன்களை மீளச் செலுத்தி பொருளாதாரத்தை உறுதியான நிலையில் பேணியுள்ளதுஎன்று பிரதமர் ரணில் விக்ரமசிங்க தெரிவித்துள்ளார்.

நிக்கவரட்டிய பிரதேசத்தில் இடம்பெற்ற தேர்தல் பிரச்சார கூட்டமொன்றில் அவர் உரையாற்றினார்.

எதுவித எதிர்காலமும் இன்றி மிகவும் வங்குரோத்து நிலையிலிருந்த பொருளாதாரத்தையேகடந்த ஆட்சியிலிருந்துசமகால அரசாங்கம்பொறுப்பேற்றதுகூடுதலான கடன் பெற்றமை காரணமாக 2013 ஆண்டிலேயே நாட்டின் வருமானத்தின் மூலம் அந்த கடன்களை மீளசெலுத்த முடியாத நிலை இருந்ததுஎனவே 2015ம் ஆண்டில் கடந்த அரசாங்கம் தனது அதிகாரத்தை மேலும் பலப்படுத்தவே தேர்தலைநடத்தியதுஅதில் கடந்த அரசாங்கம் தோல்வி கண்டது.

வன்னி மற்றும் அதன் சுற்றுப்புற பிரதேசங்களை அபிவிருத்தி செய்வதற்கு இந்த வருடத்தில் விசேட வேலைத்திட்டம் ஒன்றுஅமுல்படுத்தப்படும் என்று பிரதமர் இங்கு தெரிவித்தார்.

கல்கமுவயிலிருந்து யாப்பகுவ வரையிலான பகுதியில் தொழிற்பயிற்சி நிலையங்கள் மற்றும் குடிநீர் திட்டங்களை அமுல்படுத்துவதும்இந்த வேலைத்திட்டத்தின் மற்றுமொரு அம்சமாகும் என்று பிரதமர் குறிப்பிட்டார்.

இலங்கையின் விவசாயத்துறை மேம்பாட்டுக்கு தொழில்நுட்ப உதவிகளை வழக்க தாய்வான் தயார்

இலங்கையில் விவசாயத்துறை மேம்பாட்டுக்கான பல்வேறு அபிவிருத்தி திட்டங்களை முன்னெடுக்க தாய்லாந்து முழு ஆதரவையும்வழங்கும் என அறிவிக்கப்பட்டுள்ளது.

இன்று காலை ஜனாதிபதியின் உத்தியோகபூர்வ இல்லத்தில் தாய்லாந்து தூதுவர் சூலமணி சாட்சுவன்ஜனாதிபதி மைத்திரிபாலசிறிசேனவை சந்தித்த வேளையில்இந்த உறுதிமொழியை வழங்கினார்.

இருதரப்பு நல்லுறவை மேம்படுத்தும் பல்வேறு விடயங்கள் குறித்தும் இந்தப் பேச்சுவார்த்தையில் கூடுதல் கவனம் செலுத்தப்பட்டன.

விளைச்சலின் பின்னரான தொழில்நுட்ப உதவி மற்றும் செயற்கை மழையை ஏற்படுத்தும் வழிமுறைகள் குறித்து தொழில்நுட்பஉதவிகளையும் இலங்கைக்கு வழங்க தாய்லாந்து முன்வந்துள்ளது.

யாழ்ப்பாணம் மற்றும் கற்பிட்டிய பிரதேச மக்களின் குடிநீர் பிரச்சனையை தீர்க்க நடவடிக்கை

 

யாழ்ப்பாணம் மற்றும் கற்பிட்டிய பிரதேச மக்களின் குடிநீர் பிரச்சனையை தீர்ப்பதற்கு கற்பிட்டி பிரதேசத்தில் கடல்நீர் சுத்திகரிப்புஇயந்திரம் ஒன்று நிறுவப்படும் என அறிவிக்கப்பட்டுள்ளது.

இது தவிர வேறு மாற்று வழிகள் இல்லை என்று அமைச்சர் ரவூப் ஹக்கீம் தெரிவித்துள்ளார்.

இந்தப் பகுதியில் காற்று வலு சக்தியை பிறப்பிக்கும் இயந்திர தொகுதி ஒன்றை நிறுவுவது குறித்து ஜேர்மன் நிறுவனம் ஒன்றுடன்பேச்சுவார்த்தை நடத்தப்பட்டு வருவதாக அமைச்சர் தெரிவித்தார்.

அந்த காற்று வலுச் சக்தி இயந்திரத்தின் உதவி கொண்டு கடல் நீர் சுத்திகரிப்பு வேலைத்திட்டத்தை முன்னெடுப்பதற்குதீர்மானிக்கப்பட்டுள்ளது.