Sri Lanka Brodcasting Corporation

Fri10202017

Last updateThu, 19 Oct 2017 1pm

Headliens

 

Latest News

புதிய அரசியல் யாப்பை தயாரிப்பது பற்றி சில ஊடகங்கள் மக்களை தவறாக வழி நடத்துவதாக பிரதமர் தெரிவித்துள்ளார்.

புதிய அரசியல் யாப்பை தயாரிப்பது பற்றி சில ஊடகங்கள் மக்களை தவறாக வழிநடத்தி வருவதாக பிரதமர் ரணில் விக்ரமசிங்க தெரிவித்துள்ளார். புதிய அரசியல் யாப்புக்கான இறுதி சட்டமூலம் இதுவரை தயாரிக்கப்படவில்லை. இது தொடர்பாக இடைக்கால அறிக்கை மாத்திரமே சமர்ப்பிக்கப்பட்டுள்ளதாகவும் பிரதமர் கூறினார். மகாநாயக்கர்கள் புதிய அரசியல் யாப்புக்கு எதிர்ப்புத் தெரிவித்துள்ளார்கள் என்று சில பத்திரிகைகள் இன்று செய்தி வெளியிட்டுள்ளன. மல்வத்து மகாநாயக்கர் தற்சமயம் வெளிநாடு சென்றுள்ளதாகவும், அஸ்கிரி மகாநாயக்கர் இது பற்றி இதுவரை தம்முடன் பேச்சுவார்த்தை நடத்தவில்லை என்று பிரதமர் சுட்டிக்காட்டியுள்ளார். இவ்வாறான நிலையில் மகாநாயக்கர்களின் புகைப்படங்களை பயன்படுத்தி போலிப் பிரசாரங்கள் முன்னெடுக்கப்படுவது ஏற்றுக் கொள்ள முடியாது என்றும் பிரதமர் ரணில் விக்ரமசிங்க வலியுறுத்தினார். புதிய அரசியல் யாப்பு தொடர்பாக இலங்கை ஊடகவியல் கல்லு{}ரி உட்பட மூன்று நிறுவனங்கள் மேற்கொண்ட ஆய்வின் அறிக்கையை பெற்றுக் கொள்ளும் நிகழ்வில் பிரதமர் உரையாற்றினார்.

சைற்றம் நிறுவனம் தொடர்பான அரசாங்கத்தின் நிலைப்பாடு திங்கடக்கிழமை அறிவிக்கப்படவுள்ளது.

சையிற்றம் தொடர்பான அரசாங்கத்தின் நிலைப்பாட்டை எதிர்வரும் திங்கட்கிழமை ஜனாதிபதி அறிவிப்பார் என சபை முதல்வர் அமைச்சர் லக்ஷ்மன் கிரியெல்ல தெரிவித்துள்ளார். நெருக்கடிகளுக்கு தீர்வு காண அரசாங்கம் பல தடவைகள் உரிய தலைப்புக்களுடன்;;;;; பேச்சுவார்த்தை நடத்தியதாகவும் அவர் சுட்டிக்காட்டினார். சையிற்றம் நிறுவனத்தை மூடுவது தவிர வேறு எந்த நடவடிக்கைகள் பற்றியும் கலந்துரையாட அரசாங்கம் தயார் என்று அமைச்சர் கூறினார். பாராளுமன்றத்தில் இன்று இடம்பெறும் விவாதத்தில் அமைச்சர் உரையாற்றினார். ஹம்பாந்தோட்டை நகரில்  அண்மையில் இடம்பெற்ற ஆர்ப்பாட்டம் நீதிமன்ற உத்தரவையும் மீறி சட்டவிரோதமான முறையில் நடத்தப்பட்டதாகும் என்று விவாதத்தில் கலந்து கொண்ட அமைச்சர் சாகல ரட்நாயக்க தெரிவித்தார். இதேவேளை கோப் குழுவின் நான்காவது அறிக்கையில் குழுவின் தலைவர், பாராளுமன்ற உறுப்பினர் சுனில் ஹந்துன்நெத்தி இன்று பாராளுமன்றத்தில் சமர்ப்பித்தார்.

அத்தியாவசிய பொருட்களின் விலை குறைப்பு.

வுhழ்க்கைச் செலவினத்தை குறைக்கும் நோக்கில் அத்தியாவசிய உணவுப் பொருட்களின் விலை மேலும் குறைக்கப்படும் என்று சதொச நிறுவனத்தின் தலைவர் கலாநிதி கே.பி.தென்னக்கோன் தெரிவித்துள்ளார். ஒரு கிலோ சம்பா அரிசி 80 ரூபாவுக்கு விற்பனை செய்யப்படவுள்ளது. ஒரு கிலோ நாட்டரிசி 74 ரூபாவுக்கு சதொசவில் விற்பனை செய்யப்படுவதாக அவர் கூறினார். அரிசியை இறக்குமதி செய்வதற்காக திறைசேரியின் செயலாளர் தலைமையிலான கேள்விப்பத்திர குழவொன்றை நியமிக்கவும் அரசாங்கம் நடவடிக்கை எடுத்துள்ளது. இம்மாதத்தில் மேலும் 30 சதொச கிளைகள் திறக்கப்படும் என்றும் அவர் கூறினார்.

எதிர்வரும் வரவு செலவுத் திட்டம் மக்களுக்கான நிவாரணங்களை அடிப்படையாகக் கொண்ட அபிவிருத்தி இலக்குகளுடன் கூடிய வரவு செலவுத் திட்டமாக இருக்கும் என்கிறார் பிரதமர்.

எதிர்வரும் 2 வருடங்களுக்குள் மூன்று இலட்சம் கோடி வெளிநாட்டுக் கடனை செலுத்தி முடிப்பதாக பிரதமர் ரணில் விக்ரமசிங்க தெரிவித்துள்ளார். நாத்தாண்டி பிரதேசத்தில் இடம்பெற்ற வைபவமொன்றில் அவர் இந்தக் கருத்துக்களை வெளியிட்டார்.

Read more...

நிலவும் பிரச்சினைகளைத் தீர்த்து ஜனவரி மாதத்தில் உள்ளுராட்சி மன்றத் தேர்தலை நடத்துவதாக அமைச்சர் பைசர் முஸ்தபா தெரிவிப்பு.

நிலவும் பிரச்சினைகளைத் தீரத்து தீர்மானிக்கப்பட்டபடி உள்ளுராட்சி மன்ற தேர்தலை நடத்துவதாக அமைச்சர் பைசர் முஸ்தபா தெரிவித்துள்ளார். கொழும்பில் நடைபெற்ற செய்தியாளர் மாநாட்டில் அவர் இந்தக் கருத்துக்களை வெளியிட்டார்.

அம்பகமுவ மற்றும் நுவரெலியா பிரதேச சபைகளுக்கு உட்பட்ட பகுதிகளில் பெரும் எண்ணிக்கையான மக்கள் உள்ளனர். இவர்களுக்கு நியாயத்தைப் பெற்றுக் கொடுக்க வேண்டுமென அமைச்சரவைத் தீர்மானித்துள்ளது. அதனால், பெருந்தோட்ட மக்களின் கோரிக்கை நியாயம் என்பதை தாம் ஏற்றுக் கொண்டதாக அமைச்சர் குறிப்பிட்டார். அனைத்துத் தேர்தல்களையும் ஒரே தினத்தில் நடத்துவது அரசாங்கத்தின் கொள்கையாகும். அந்தத் தேர்தலைப் பிற்போடுவதற்கு இடமளிக்கப் போவதில்லை. இதன்படி எதிர்வரும் ஜனவரி மாதத்தில் தேர்தலை நடத்த திட்டமிட்டுள்ளதாக அமைச்சர் பைசர் முஸ்தபா தெரிவித்தார்.

மஞ்சள் காமாலை யினால் உயிரிழந்த கலிபோர்னியா மாநில மக்களின் எண்ணிக்கை 19 ஆக அதிகரிப்பு.

கலிபோர்னியாவில் பரவியுள்ள மஞ்சள் காமாலை உயிரிழந்தவர்களது எண்ணிக்கை 19 ஆக அதிகரித்துள்ளது. மஞ்சள் காமாலை பரவி ஒரு வாரத்திற்குப் பின்னர் இந்த மாநிலத்தின் ஆளுநர் சுகாதார அவசர நிலைமையை பிரகடனப்படுத்தியுள்ளார். கடந்த நவம்பர் மாதம் முதல் கலிபோர்னியாவில் உள்ள 500ற்கு மேற்பட்ட மக்கள் வைரஸ் நோய் தொற்றுக்கு உள்ளாகியுள்ளனர். இவர்களில் பலர் வீடுகளை இழந்துள்ளனர். ஈரலை தாக்கும் இந்த வைரஸ் நோய் பாலியல் ஊடாக அல்லது மாசடைந்த உணவு மற்றும் பொருட்களை தொடுவதன் மூலம் தொற்றுகின்றது. கடந்த இரண்டு வருடங்களில் அமெரிக்காவில் பரவியுள்ள இரண்டாவது மிகப்பெரிய மஞ்சள் காமாலை வகையாக இந்த நோய் விளங்குகின்றது.

இலங்கை - பாகிஸ்தான் அணிகளுக்கு இடையிலான மூன்றாவது ஒரு நாள் சர்வதேச போட்டியில் பாகிஸ்தான் அணி 7 விக்கெட்டுகளால் வெற்றி.


சுற்றுலா இலங்கை அணிக்கும் பாகிஸ்தான் அணிக்கும் இடையிலான மூன்றாவது ஒருநாள் போட்டியில் பாகிஸ்தான் அணி 7 விக்கெட்டுகளால் வெற்றியீட்டி தொடரை 3ற்கு பூச்சியம் என்ற அடிப்படையில் வெற்றி கொண்டுள்ளது. போட்டி அபுதாபி மைதானத்தில் நேற்று நடைபெற்றது. நாணய சுழற்சியில் வெற்றி பெற்று முதலில் துடுப்பெடுத்தாடிய இலங்கை அணி 48 ஓவர்கள் இரண்டு பந்துகள் நிறைவில் சகல விக்கெட்டுகளையும் இழந்து 208 ஓட்டங்களைப் பெற்றது. இதில் உபுல் தரங்க 61 ஓட்டங்களையும், திசர பெரேரா 38 ஓட்டங்களையும் பெற்றனர். பதிலுக்கு துடுப்பெடுத்தாடிய பாகிஸ்தான் அணி 42 ஓவர்கள் 3 பந்துகள் நிறைவில் 3 விக்கெட்டுகளை மாத்திரம் இழந்து வெற்றி இலக்கைத் தாண்டியது. இமாமுல் ஹக் 100 ஓட்டங்களைப் பெற்றார்.

ஸ்ரீலங்கா சுதந்திரக் கட்சி எதிர்வரும் தேர்தல்களில் ஐக்கிய மக்கள் சுதந்திர முன்னணியின் கீழ் போட்டியிடும் என்று அமைச்சர் மஹிந்த அமரவீர தெரிவித்துள்ளார்.

ஸ்ரீலங்கா சுதந்திரக் கட்சியை பிளவுபடுத்தத் தயாரில்லை என்று அமைச்சர் மஹிந்த அமரவீர தெரிவித்துள்ளார். அரசாங்கம் வழங்கியுள்ள சுதந்திரத்தைப் பயன்படுத்தி சுதந்திரக் கட்சி உறுப்பினர்கள் வேறு கட்சிகளை ஊக்குவிக்க இடமளிக்கக்கூடாது என்றும் அவர் கூறினார். கொழும்பில் இன்று இடம்பெற்ற செய்தியாளர் மாநாட்டில் அவர் கருத்து வெளியிட்டார். எதிர்வரும் தேர்தல்களில் ஸ்ரீலங்கா சுதந்திரக் கட்சி ஐக்கிய மக்கள் சுதந்திர முன்னணியின் கீழ் போட்டியிடும் என்றும் அவர் கூறினார்.

உள்ளூர் செய்திகள்

 

வெளிநாட்டு செய்தி