Sri Lanka Brodcasting Corporation

Sun12172017

Last updateSun, 17 Dec 2017 8am

විදෙස් පුවත්

කොරියානු අර්ධද්විපයේ ඕනෑම හමුදාමය ක්‍රියාමාර්ගයක් දැඩි අවදානම් සහගත බව එක්සත් ජාතින්ගේ මහලේකම් කියයි

 

කොරියානු අර්ධද්විපයේ ඇතිවිය හැකි ඕනෑම හමුදාමය ක්‍රියාමාර්ගයක් දැඩි අවදානම් සහගත බව එක්සත් ජාතින්ගේ සංවිධානයේ මහලේකම් ඇන්තෝනියෝ ගුටරෙස් මහතා පවසයි. මේ තුලින් ලැබෙන ප්‍රතිඵලය ඉතාමත් භයානක බව ඔහු ආරක්ෂක මණ්ඩල රැස්විමේදි කිවේය. වර්තමානයේදි කිසියම් පාර්ශ්වයක් ගන්නා සුඵ් ක්‍රියාමාර්ගයන්ගෙන් වුවද විශාල අර්බුදයක් ගොඩ නැගෙන බව ඔහු පෙන්වා දෙයි. මෙම තත්ත්වය වලක්වා ගැනිමට දැන් සිටම රාජ්‍යතාන්ත්‍රික ක්‍රියාමාර්ග අනුගමනය කර සාමය ස්ථාපිත කළ යුතු යැයි ඔහු කියා සිටි.
---------
ලොස් ඇන්ජලිස් හි පැවැත්වෙන ඔස්කාර් සම්මාන උළෙලට ඉදිරිපත් කර තිබු ඉන්දියාවේ නිව්ටන් චිත්‍රපටයට ඉදිරියට තරග කිරිමේ අවස්ථාව අහිමි වි තිබෙ.් එය හොදම විදේශ භාෂා අංශය යටතේ 90 වැනි ඇකඩමි සම්මාන උළෙලට ඉදිරිපත් කර තිබු අතර. අවසන් වටයට තෝරාගත් චිත්‍රපට නවය සදහා එය ඇතුළත් නොවේ . 90 වැනි ඇකඩමි සම්මාන උළෙලේ ප්‍රතිඵල ලබන මස 23 වැනිදා ප්‍රකාශයට පත් කිරිමට නියමිතයි .
----------
ඉන්දුනිසියාවේ ජාවා දූපත් ප්‍රදේශයට ඊයේ රාත්‍රි ඇතිවූ රිච්ටර් ඒකක හයයි දශම නවයක ප්‍රබල භූමි කම්පාවෙන් සැලකිය යුතු පිරිසක් තුවාල ලබා රෝහල් ගත කර තිබෙ.් ගොඩනැගිලි කිහිපයක්ම කඩා වැටී ඇත. ජාවා මුහුදුබඩ ප්‍රදේශවලට නිකුත් කළ අනතුරු ඇගවිම හේතුවෙන් ඊයේ රාත්‍රියේ එරට දැඩි රථවාහන තදබදයක් ද ඇති විය. ශ්‍රි ලංකාවේ වේලාවෙන් රාත්‍රි 10.00 ට පමණ මෙය සිදු වී තිබෙ

උතුරු කොරියාවට එරෙහිව ජපානයෙන් තවදුරටත් සම්බාධක.

ජපානය උතුරු කොරියාවට එරෙහිව තවදුරටත් සම්බාධක පනවයි.  උතුරු කොරියාවේ න්‍යෂ්ටික හා මිසයිල වැඩපිළිවෙලට තවදුරටත් බලපෑම් එල්ල කිරීම එහි අරමුණයි. 

Read more...

සෞදි අරාබියට ප්‍රහාර එල්ල කිරීම සදහා යේමනයේ හවුති කැරළිකරුවන්ට මිසයිල ලබා දුන් බවට අමෙරිකාවෙන් ඉරානයට චෝදනා


. සෞදි අරාබියට ප්‍රහාර එල්ල කිරීම සදහා යේමනයේ හවුති කැරළිකරුවන්ට ඉරානය මිසයිල ලබා දුන් බවට එක්සත් ජාතීන්ගේ ඇමරිකානු නිත්‍ය නියෝජිත නිකී හේලි මහත්මිය චෝදනා කරයි. ඉකුත් සතියේ රියාද් ගුවන්තොටුපල වෙත ප්‍රහාර එල්ල කිරීම සදහා රැගෙන ආ බැලැස්ටික් මිසයිලක් වාර්තාකරුවන්ට පෙන්වමින් ඇය මේ බව ප්‍රකාශ කර තිබේ. කෙසේවෙතත් හවුති කැරලිකරුවන්ට ආයුධ සපයන බවට එල්ලවී ඇති චෝදනා ඉරානය ප්‍රතික්ෂේප කරයි.

නෙදර්ලන්තයේ අධික හිමපතනය නිසා කිලෝමිටර් 1500 කට වැඩි මාර්ග තදබදයක්

නෙදර්ලන්තයට බලපා ඇති දැඩි හිමපතනය නිසා එරට මාර්ග රැසක ප්‍රවාහන කටයුතු අඩපන විය.  රථවාහන තදබදයක් ඇති වු අතර එහි දුර කිලෝමිටර් 1500 ක් විය.  නෙදර්ලන්තයේ ප්‍රධාන නගර සියල්ලම පාහේ ඝන හිම තට්ටුවකින් වැසී ගොස් තිබේ. මේ නිසා ඇමස්ටර්ඩෑම් ගුවන් තොටුපොලේ කටයුතුද ඇන හිටියේය.

අධික හිම පතනයෙන් යුරෝපයේ බොහෝ රටවල ගමනාගමනයට බාධා.

උතුරුදිග යුරෝපයේ රටවල් බොහෝමයකට හිම පතනයෙන් බාධා එල්ල වෙයි. මෙම තත්ත්වය නෙදර්ලන්තයට සහ බෙල්ජියමයට වැඩි බලපෑමක් එල්ල වී ඇත. බෙල්ජියමේ බ්‍රසල්ස් ගුවන් තොටුපල ගුවන් වාර දෙසියයක් අවලංගු කර තිබේ. ජර්මනියේ ෆ්රැක්ෆර්ට් ගුවන් තොටුපලද ගුවන් වාර තුන් සියයක් අත්හිටුවා  ඇත.

Read more...

ඊශ්‍රායලය ත්‍රස්තවාදී රාජ්‍යයක් ලෙස කටයුතු කරන බවට තුර්කි ජනපතිගෙන් චෝදනා

. පලස්තීන දේශසීමා අඛණ්ඩව අල්ලා ගැනීමට කටයුතු කරන ඊශ්‍රායලය ත්‍රස්තවාදී රාජ්‍යයක් බවට තුර්කි ජනාධිපති ටායිප් එර්ඩොගාන් මහතා ප්‍රකාශ කරයි.  ඇමරිකානු ජනාධිපතිවරයා ඊශ්‍රායලයේ අගනුවර ලෙස ජෙරුසෙලම පිළිගන්නා බවට කළ ප්‍රකාශයද ඔහුගේ විවේචනයට ලක් වෙයි.  මේ අතර තුර්කි ජනාධිපතිවරයා අහිංසක මිනිසුන් මරා දමන බවට ඊශ්‍රායල අගමැති බෙන්ජමින් නෙතන්යාහු මහතා චෝදනා කරයි.  පැරිස් නුවර ඊයේ පැවති මාධ්‍ය හමුවකට එක්වෙමින් ඔහු මේ බව කිවේය.  ප්‍රංශ ජනාධිපති එමානුවෙන් මැක්‍රොන් මහතාද ඊට එක්ව සිටියේය.

ලොව පුරා වාර්ෂිකව ඇමරිකානු ඩොලර් ට්‍රිලියනයක අල්ලස් ගැනීම්

ලොව පුරා වාර්ෂිකව ඇමරිකානු ඩොලර් ට්‍රිලියනයක අල්ලස් ගැනීම් සිදුවන බව එක්සත් ජාතීන්ගේ සංවර්ධන වැඩසටහන පෙන්වා දෙයි. ඒ අනුව මෙම දූෂණ ක්‍රියාකාරකම් හේතුවෙන් ලෝක ආර්ථිකයට වාර්ෂිකව අහිමිවන මුදල ඇමරිකානු ඩොලර් ට්‍රිලියන 2 යි දශම 5 කි.

Read more...

චන්ද්‍රයා වෙත මිනිසුන් රහිත යානයක් යැවීමට ජපානය සහ ඉන්දියාව සුදානම් වෙයි

 

චන්ද්‍රයා වෙත මිනිසුන් රහිත යානයක් යැවීමට ජපානය සහ ඉන්දියාව සුදානම් වෙයි.  2020 වර්ෂයේදී  මෙය ක්‍රියාවට නැංවෙන අතර ජපානයේ සහ ඉන්දියාවේ අභ්‍යාවකාශ ආයතන මේ සදහා කටයුතු කරයි.  චන්ද්‍රා වෙත ගොස් නැවතී සිටිීමට අවශ්‍ය ආධාරකය ඉන්දියාව සකස් කරන අතර අදාල යානය ජපානය විසින් නිෂ්පාදනය කරනු ලබයි.  මේ සදහා ලබන මාර්තු මාසයේ දී සැලසුම් සකස් කිරීමට දෙරටේ අභ්‍යාවකාශ ආයතන තීරණය කර ඇත

++++++

ජොර්ජියාවේ හිටපු ජනාධිපති මිකායෙල් සාකෂ්විලි මහතා අත්අඩංගුවට ගැනේ. යුක්රේනයේ දී පොලිස් වෑන් රථයක සිටියදී ඔහුගේ හිතවාදීහු පිරිසක් සාකෂ්විලි මහතාට පලා යාමට පසුගියදා අවස්ථාව සලසා දුන්හ. හිටපු ජනාධිපතිවරයා යුක්රේනයේ හිටපු ජනාධිපති වික්ටර් යනුකොවිච් මහතාට සම්බන්ධ අපරාධ කණ්ඩායමකින් මුදල් ලබා ගෙන ඇති බවට සැක කෙරේ.
====
ඊශ්‍රායලයේ අගනුවර ලෙස ජෙරුසෙලම පිළිගන්නා බවට ඇමරිකානු ජනාධිපතිවරයා ගනු ලැබු තීරණය එක්සත් ජාතීන්ගේ ආරක්ෂක මණ්ඩලයේ දී විවේචනයට ලක් වී තිබේ. මේ සම්බන්ධයෙන් සාකච්ඡා කිරීමට සදහා ආරක්ෂක මණ්ඩලය ඊයේ හදිසි රැස්වීමක් කැදවීය. එක්සත් ජාතීන්ගේ බ්‍රිතාන්‍ය තානාපතිවරයා එහිදි පැවසුවේ ඊශ්‍රායලයේ මෙන්ම පලස්තීනයේ ද අගනුවර වන බවයි. එහි ප්‍රංශ තානාපතිවරයා සදහන් කලේ ජෙරුසෙලම සම්බන්ධයෙන් ඊශ්‍රායලය සහ පලස්තීනය එකගතාවයකට පැමිණ විසදුම් සෙවිය යුතු බවයි.

බ්‍රිතාන්‍ය යුරෝපා සංගමයෙන් ඉවත් වීමට අදාලව පැවති සාකච්ඡාවල දි එකගත්වයක්.

බ්‍රිතාන්‍ය යුරෝපා සංගමයෙන් ඉවත් වීමට අදාලව පැවති සාකච්ඡාවල දි එකගත්වයකට පැමිණීමට හැකි වෙයි.  ඒ අනුව ඉදිරි සාකච්ඡා පැවැත්වීමට මග හෙලිවී ඇත.  පැවති සාකච්ඡාවල දී අයර්ලන්තය .පිළිබද ගැටඵවට බ්‍රිතාන්‍යයේ සිටින යුරෝපා සංගමයේ රටවල පුරවැසියන් හා එම රටවල සිටින බ්‍රිතාන්‍ය පුරවැසියන් සම්බන්ධයෙන් කිසියම් එකගත්වයකට පැමිණීමට හැකි විය. 

Read more...

අමෙරිකාව ජෙරුසලම ඊශ්‍රායලයේ අගනුවර ලෙස ප්‍රකාශයට පත් කිරිමත් සමග ගාසා තීරයේ හා බටහිර ඉවුරේ විරෝධතා

එක්සත් ජනපදය ජෙරුසලම ඊශ්‍රායලයේ අගනුවර ලෙස ප්‍රකාශයට පත් කිරිමත් සමග ගාසා තීරයේ හා බටහිර ඉවුරේ විරෝධතා හටගනි.   විරෝධතාකරුවන් හා ආරක්ෂක අංශ අතර හටගත් ගැටුම් වලින් ඊයේ දිනයේ 31 දෙනෙක් තුවාල ලැබුහ .  මේ අතර උප ජනාධිපති  මයික් පෙන්ස් මහතා සමග පැවති සාකච්ඡා අවලංගු කිරිම සම්බන්ධයෙන් එක්සත් ජනපදය  පලස්තිනයට  අනතුරු අගවා තිබෙ.්  පෙන්ස් මහතා හා  පලස්තින ජනාධිපති මහමුද් අබ්බාස් මහතා අතර සාකච්ඡා මේ මස අගදි පැවැත්විමට නියමිතව තිබිණි.    එහෙත් එක්සත් ජනපදය ගෙන ඇති තිරණය හේතුවෙන් පලස්තිනය  එම සාකච්ඡා අවලංගු කර තිබෙ.්

විශේෂාංග පුවත්

 

දේශීය පුවත්