Sri Lanka Brodcasting Corporation

Tue10242017

Last updateTue, 24 Oct 2017 11am

දේශීය පුවත්

සාමය හා සංහිඳියාව යන අංශවලින් ශ්‍රි ලංකාව ලබා ඇති ප්‍රගතිය ජගත් සංවිධානයේ ඇගයීමට

පසුගිය වසර දෙක තුල සාමය හා සංහිඳියාව යන අංශවලින් ශ්‍රි ලංකාව ලබා ඇති ප්‍රගතිය එක්සත් ජාතින්ගේ සංවිධානයේ ඇගයීමට ලක්වෙයි. එක්සත් ජාති්නගේ කොළඹ කාර්යාලයේ අද පැවති මාධ්‍ය හමුවකදී එම සංවිධානයේ විශේෂ නියෝජිත පැබ්ලෝ ඩී ග්‍රයිෆ් මහතා ඒ බව පැවසීය. ශ්‍රි ලංකා රජය සංහිඳියාව කෙරෙහි දක්වා ඇති කැපවිම ද ඔහු අගය කලේය මානව හිමිකම් සුරැකීම. බලහත්කාරයෙන් අතුරුදන් කිරීමට එරෙහි ක්‍රියාමාර්ග. ජාතික සංහිඳියාව තහවුරු කිරීම හා සංක්‍රාන්ති යුක්තිය පිලිබඳ ක්‍රියාමාර්ග ආදියෙන් ශ්‍රි ලංකාව පැසසුම් සහගත තත්ත්වයක පසුවෙයි. සිවිල් සමාජය රජයේ නිලධාරින්. ස්වේච්ඡා කණ්ඩායම් මෙන්ම ජනමාධ්‍යවලින්ද ඒ සඳහා නොමද සහයෝගයක් ලැබි තිබේ.. දේශ පාලන සිරකරුවන් නිදහස් කිරීම. උතුරේ සාමාන්‍ය ජනතාවගේ ඉඩම් ප්‍රශ්න. විසඳීම. ජාතීන් අතර නොසන්සුන්තාවට හේතුවන ක්‍රියා වැලැක්විම පිළිබඳව රජය තවදුරටත් කැපවිය යුතු බව පැබ්ලෝ ඩී ග්‍රයිෆ් මහතා පැවසීය.
සංක්‍රාන්ති යුක්තිය පිළිබඳ විස්තිර්ණ උපායමාර්ග ප්‍රතිපත්තියක් භාවිතා කරමින් සියලුදෙනාට යුක්තිය ඉටුකිරිම හා හිංසාක්‍රියා යළි ඇතිවිම වැලැක්විමට තමා නිර්දේශ කරන බව ද ඒ මහතා පැවසිය..තමා පසුගිය සති දෙක තුල උතුරු නැගෙනහිර ඇතුඑ දිවයිනේ විවිධ ස්ථානවල සංචාරය කරමින් දේශපාලන පක්ෂ හා ආගම් නියෝජිතයින් සිවිල් සමාජ ක්‍රියාකාරීන් අපරාධ වින්දිතයින් ඇතුඑ සියලු කොටස් මෙන්ම ජනාධිපතිතුමා අගමැතිතුමා. ඇමතිවරුන් රජයේ ඉහළ නිලධාරින් ආරක්ෂ අංශ සාමාජිකයින් හා නිති අංශවල සියලු නියෝජිතයි්න ද හමුවි අදහස් ලබාගත් බව ද ඔහු සඳහන් කලේය.

1978 ව්‍යවස්ථාව අහෝසිකළ යුතු බව පැවසු අයම දැන් එය අවශ්‍ය බව පැවසීම හාස්‍යයට කරුණක් බව මාධ්‍යවේදි ගාමිණී වියන්ගොඩ මහතා කියයි

නව ව්‍යවස්ථාවක් හදුන්වාදීමට විරුද්ධ වන්නේ ජාතිවාදි කණ්ඩායම් හා පරාජිත දේශපාලන බලවේග බව ප්‍රවීන මාධ්‍යවේදි ගාමිණි වියන්ගොඩ මහතා පවසයි.  වත්මන් ව්‍යවස්ථාව හදුන්වාදුන් එක්සත් ජාතික පක්ෂය එය අහෝසි කිරීමට සුදානමින් සිටියදී මුල සිට එය වෙනස් කළ යුතු බව පැවසු පිරිස් එම මතය වර්තමානයේ වෙනස්කර ඇත්තේ දේශපාලන අරමුණු වෙනුවෙන් බව ඔහු පෙන්වා දෙයි.  ජාතික ගුවන් විදුලියේ සුභාරතී වැඩසටහනට අද පෙරවරුවේ එක්වෙමින්  ඒ පිළිබඳව අදහස් දැක්වුහ

ගල්කිස්ස ප්‍රදේශයේ ඉඩමක් මිලදිගත් ආකාරය තහවුරු කිරිමට නොහැකිවිම සම්බන්ධයෙන් යෝෂිත රාජපක්ෂ මහතාට එරෙහි නඩුව විභාගයට

ගල්කිස්ස මිහිඳු මාවතේ ඉඩමක් මිලදී ගත් ආකාරය තහවුරු කිරිම නොහැකි විම සම්බන්ධයෙන් සිදුකරන විමර්ශනවලට අදාලව යෝෂිත රාජපක්ෂ හා ඩේසි ෆෝරසිටි යන දෙදෙනාට එරෙහිව අංක බි 828/2017 යටතේ ගොනුකර ඇති නඩුව ගල්කිස්ස මහේස්ත්‍රාත් අධිකරණයේ දි අද විභාගයට ගැනිනි. එමෙන්ම ශ්‍රි ලංකා ඉංජිනේරු සංස්ථාව සඳහා කුලී පදනම යටතේ වාහන ලබාගෙන රුපියල් හාරකෝටි දසලක්ෂයකට ආසන්න මුදලක් වංචා කිරිම සම්බන්ධයෙන් විමල් වීරවංශ හා සමන්ත ලොකුහැන්නදිගේ යන දෙදෙනාට එරෙහිව අංක බී 3088/2016 යටතේ පවරා ඇති නඩුව කොළඹ කොටුව මහේස්ත්‍රිත් අධිකරණයේදි අද විභාගයට ගැනින. මේ අතර රාජකාරි කටයුත්තක් ඉටුකර දිමට රුපියල් හයකෝටි හතලිස් ලක්ෂයක් ලබාගැනිමට කුමන්ත්‍රනය කිරීම. ඉන් රුපියල් ලක්ෂ 80ක් කළින් ලබාගැනිම හා එමවැරදි සඳහා අනුබල දිම යන චෝදනා යටතේ ප්‍රසන්න රණතුංග. මොරින් ස්ටෙලා රණතුංග. හා නරේජ් කුමාර් පාරික්. යන අයට එරෙහිව අංක 01 එච් සී /8264/2016 යටතේ කොළඹ මහාධිකරණයේ ගොනුකර ඇති ලබන බ්‍රහස්පතින්දා විභාගයට ගැනේ. දිවිනැගුම සංවර්ධන දෙපාර්තමේන්තුවේ රුපියල් තුන්කෝටි හැටපන් ලක්ෂයක් වටිනා බට තොගයක් භාණ්ඩාර අනුමැතියකින් තොරව ලබාගැනිම සම්බන්ධයෙන් බැසිල් රාජපක්ෂ හා ආර් ඒ ඒ කේ රණවක යන අයට එරෙහිව අංක 02 එච් සී /8546/2016 යටතේ පවරා ඇති නඩුව ලබන සිකුරාදා විභාගයට ගැනිමට නියමිතයි. මේ අතර සැලසිනේ රූපවාහිනි ආයතනයට අයත් නොවන කාර්යයන් වෙනුවෙන් එම ආයතනයේ ගිණුමෙන් රුපියල් දහනම ලක්ෂ විසිපන්දහස් 900 ක මුදලක් පෞද්ගලික ආයතනයකට ගෙවීම මගින් මුල්‍ය වංචාවක් සිදුකළ බවට මනීෂා ජයලත් හා ප්‍රදිප් උදයකුමාර එදිසිංහ යන අයට එරෙහිව අංක බී 31154/01/2015 යටතේ පවරා ඇති නුඩුව ද කොළඹ අලුත්කඩේ මහේස්ත්‍රාත් අධිකරණයේදී ලබන සිකුරාදා විභාගයට ගැනේ.

ඉන්දිය සාගර සංවර්ධන අරමුදලක් පිහිටුවිමට ශ්‍රි ලංකාවෙන් යොජනාවක්

ඉන්දිය සාගර සංවර්ධන අරමුදලක් පිහිටුවිමට විදේශ කටයුතු ඇමති තිලක් මාරපන මහතා යෝජනා කරයි.  ඉන්දිය සාගර කලාපිය රටවල අනාගත මුළ්‍ය අවශ්‍යතා සපුරාලීම සඳහා එය යොදාගත හැකි බව ඉන්දියසාගර කලාපීය සංවිධානයේ 17වැනි සැසිවරයා අමතමින් ඔහු පෙන්වා දුන්නේය.  සාගර සුරක්ෂිතතාව හා ආරක්ෂාව සඳහා යෝජිත විධායක කණ්ඩායමට ඔහු ශ්‍රි ලංකාවේ සහාය පලකලේය.  එහිදි එම විෂය සම්බන්ධයෙන් ප්‍රධාන සම්බන්ධීකරණ රට ලෙස ශ්‍රි ලංකාව තෝරාගැනීමට අනුමැතිය ලැබින.  එමෙන්ම ඉන්දිය සාගර කලාපීය රටවල සංවිධානයේ සභාපතිත්වය 2021 සිට 2023 දක්වා ශ්‍රි ලංකාවට ලබාගැනිමට අදාල යෝජනාව ඇමතිවරයා එහිදී  ඉදිරිපත් කලේය.  මෙම යෝජනාව පිළිගත් අමාත්‍ය සමුඑව එය සලකාබැලීම සඳහා සාමාජික රටවලට ඉදිරිපත් කරන බව පැවසීය.

ගංවතුරෙන් හා නායයාම්වලින් විපතට පත් පවුල් සදහා වන්දි ගෙවිම අගමැති ප්‍රධානත්වයෙන්

 

2016 වසරේ ඇති වු දරුණු ගංවතුරෙන් හා නායයාම්වලින් විපතට පත් පවුල් 70 දහසකට වන්දි ගෙවා ඇති බව රජය පවසයි. මුදල රුපියල් මිලියන 3360 කි. එම වසරේදී දිස්ත්‍රික්ක 21 කට අයහපත් කාලගුණ බලපෑම් එල්ල විය. මේ වසරේ නායයෑම් සහ ගංවතුරෙන් විපතට පත් පවුල් තිස් දහසක් සඳහා මේ වන විට ගෙවා ඇති වන්දි මුදල් සංඛ්‍යාව රුපියල් මිලියන 1300 කි. ඉතිරි පවුල් සදහා කඩිනමින් වන්දි පිරිනැමීමට නියමිතයි. ගංවතුරෙන් පීඩාවට පත් කොලොන්නාව ප්‍රාදේශීය ලේකම් කොට්ඨාශයේ ජනතාවට මුල්‍යාධාර පිරිනැමීම අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් අරලියගහ මන්දිරයේදී අද සිදු කෙරිණ.
ඇතැම් මුද්‍රිත මාධ්‍ය නව ආණ්ඩුක්‍රම ව්‍යවස්ථාව මුවාවෙන් රටේ සාමය උල්ලංඝනය කිරීමට කටයුතු කරමින් සිටින බවද වික්‍රමසිංහ මහතා එහිදී කියා සිටියේ ය

පලාත් පාලන ඡන්ද විමසිම නැවත කිසිසේත් කල් නොදමන බව නියෝජ්‍ය අමාත්‍ය අජිත් පි පෙරේරා මහතා අවධාරනය කරයි

 

පලාත් පාලන ඡන්ද විමසිම ලබන වසරේ ජනවාරි මාසයේ අවසන් සතියේදි පැවැත්විමට අවශ්‍ය සියලු කටයුතු සුදානම් කෙරෙමින් පවතින බව නියෝජ්‍ය අමාත්‍ය අජිත් පි පෙරේරා මහතා පෙන්වා දෙයි. කලුතර පැල්පොල ප්‍රදේශයේ ඊයේ පැවැති ජනහමුවක් ඇමතු නියෝජ්‍ය අමාත්‍යවරයා අවධාරනය කලේ . පලාත් පාලන ඡන්ද විමසිම කිසිසේත් කල් නොදමන බවයි

සියඵ ජාතීන්ගේ අයිතිවාසිකම් සුරක්‍ෂිතවන නව ව්‍යවස්ථාවක් රට වෙනුවෙන් නිර්මාණය කරන බව ඇමති ලක්‍ෂමන් කිරිඇල්ල මහතා කියයි.

 

සියඵ ජාතීන්ගේ අයිතිවාසිකම් සුරක්‍ෂිතවන ශ්‍රී ලාංකික අනන්‍යතාව සහිත නව ව්‍යවස්ථාවක් රට වෙනුවෙන් නිර්මාණය කරන බව ඇමති ලක්‍ෂමන් කිරිඇල්ල මහතා පවසයි.  නිදහස ලැබීමෙන් පසු සකස් කළ ව්‍යවස්ථා දෙකේදීම සුඵ ජාතීන් පිළීබඳව අවධානය යොමුනොවිණ.  එහි එක් ප්‍රතිවිපාකයක් වුයේ 30 වසරක යුද්ධය බව ඇමතිවරයා පැවසුවේ මහනුවර පැවැති ජනහමුවකට එක්වෙමිනි.

ජාතික ආණ්ඩුව නිවැරදි මග ගෙනයාම සදහා ශ්‍රී ලංකා නිදහස් පක්‍ෂය සෑම විටම කැපවී කටයුතු කරන බවට ප්‍රකාශයක්.

 

ජාතික ආණ්ඩුව නිවැරදි මග ගෙනයාම සදහා ශ්‍රී ලංකා නිදහස් පක්‍ෂය සෑම විටම කැපවී කටයුතු කරන බව ඇමති මහින්ද අමරවීර මහතා පවසයි. ජාතික ආණ්ඩුව සාර්ථකව ජනතාවාදීව ඉදිරියට ගමන්කරන බව ඇමතිවරයා පැවසුවේ ගාල්ලේ ඊයේ පැවැති ජනහමුවකට එක්වෙමිනි.

මේ අතර ඊයේ පස්වරුවේ රාජාංගනය ප්‍රදේශයේ දී මාධ්‍යයට අදහස් දැක්වු ඇමති විජිත් විජයමුණි සොයිසා මහතා කියා සිටියේ ශ්‍රී ලංකා නිදහස් පක්‍ෂයට සැබෑ ලෙස ආදරය කරන සියඵ දෙනා පක්‍ෂයේ නායක ජනාධීපති මෛත්‍රිපාල සිරිසේන මැතිතුමාට සහාය දිය යුතු බවයි.

නායයෑමේ අවදානම් නිවේදන නිකුත් කර ඇති ප්‍රදේශවල ජනතාව තවදුරටත් සැලකිලිමත් වන ලෙස ඉල්ලීමක්.

 

පවතින වැසි සහිත කාලගුණික තත්ත්වය යටතේ නායයෑමේ අවදානම් නිවේදන නිකුත් කර ඇති ප්‍රදේශවල ජනතාව තවදුරටත් සැලකිලිමත් වියයුතු බව ආපදා කලමනාකරණ මධ්‍යස්ථානයේ සහකාර අධ්‍යක්‍ෂ ප්‍රදිප් කොඩිප්පිලි මහතා පවසයි.

රත්නපුර දුරෙයිකන්ද ගලබොඩ ප්‍රදේශවල නායයෑමේ අවදානම තවදුරටත් පවතී. ඉදිරියේදී ඇතිවිය හැකි වර්ෂාවත් සමග ඒ පිළීබඳව වැඩි අවධානයෙන් පසුවන ලෙස ජාතික ගොඩනැගිලි පර්යේෂණ සංවිධානයේ රත්නපුර දිස්ත්‍රික් නිලධාරී අභීත වනසුන්දර මහතා ජනතාවට දැණුම් දෙයි.

බලය බෙදීම දේශපාලනඥයන් සඳහා නොව ජනතාව සඳහා බව ජනාධිපතිතුමා කියයි.

බලය බෙදීම දේශපාලනඥයන් සදහා නොව ජනතාව ශක්තිමත් කරමින් ඔවුන්ගේ අවශ්‍යතා ඉටු කිරීම සදහා විය යුතු බව ජනාධිපති මෛත්‍රිපාල සිරිසේන මැතිතුමා කියයි. සෑම කෙනෙකුටම සංවර්ධනයේ සම ප්‍රතිලාභ ලබා දෙමින් සහ සම පහසුකම් සහිතව සාධාරණ සමාජයක ජිවත් විය හැකි පරිසරයක් නිර්මාණය කිරීම බලය බෙදීමේ අරමුණයි.

Read more...

විශේෂාංග පුවත්

 

විදෙස් පුවත්