Sri Lanka Brodcasting Corporation

Wed03292017

Last updateTue, 28 Mar 2017 12pm

දේශීය පුවත්

අපොස සාමාන්‍ය පෙළ ප්‍රතිඵල වලට අනුව පලමු ස්ථානය කොළඹ විශාඛා විද්‍යාලයට.

2016 අධ්‍යයන පොදු සහතික පත්‍ර සාමාන්‍ය පෙළ විභාගයෙන් දිවයිනේ විශිෂ්ට ප්‍රතිඵල ලබා පලමු ස්ථානයේ පසුවන්නේ කොළඹ විශාඛා විද්‍යාලයේ අනුකි චමත්කා පැස්කුවල් සිසුවියයි. දෙවැනි ස්ථානය මහනුවර මහාමායා විද්‍යාලයේ එස් එම් මුණසිංහ ශිෂ්‍යාවට හිමි වී තිබෙ. තෙවැනි ස්ථානය  කොළඹ ආනන්ද විද්‍යාලයේ සුගත් රවිදු සන්වර සහ   මාතර රාහුල විද්‍යාලයේ දිමුත් ඕෂධී මිරිස්සගේ සිසුවාට හිමි වී තිබෙ.

  ගම්පහ රත්නාවලි බාලිකා විද්‍යාලයේ පබසරා මලිති කුමාර හේරත්  ශිෂ්‍යාව සිව්වන ස්ථානයේ පසුවෙයි.   දේවිබාලිකා විද්‍යාලයේ රනුමි දිසරණී නානායක්කාර  . ගාල්ල සංඝමිත්තා බාලිකා විද්‍යාලයේ දම්සරා මේධාවී  සහ යාපනය හින්දු විද්‍යාලයේ ඒ අභිනන්දන යන අය පස්වන ස්ථානයේ පසුවෙති.

මහනුවර නගරයේ රථවාහන තදබදය වසර දෙකකින් අවසන්

ශ්‍රි දළදා මාලිගාව අභියස මාර්ගය විවෘත නොකරන බව අමාත්‍ය ලක්ෂ්මන් කිරිඇල්ල මහතා සඳහන් කරයි.  ඉකුත්දා පුවත්පත්වල සඳහන්වි තිබුනේ ශ්‍රි දළදා මාලිගාව අභියසින් ඇති මාර්ගය විවෘත කිරීමට ඇතැම් පාර්ශව උත්සාහ කරමින් සිටින බවයි.

 යහපාලන රජය තිබෙනතාක් මෙම මාර්ගය විවෘත නොකරන බව ඔහු අවධාරණය කලේය.  මහනුවර නගරයේ රථවාහන තදබදය නිමා කිරීමට අවශ්‍ය වැඩපිළිවෙල රජය සකස්කර තිබේ.  තව වසර දෙකකින් තැන්නෙකුඹුර සිට දිවෙන උමං මාර්ගයේ ඉදිකිරිම් අවසන් කිරීමෙන් පසු මෙම මාර්ග තදබදය අවසන් වෙයි.  ජපන් රජයේ ආධාර ඇතිව මහනුවර නගරය පුඑල්කොට නව නගර සැලැස්ම ක්‍රියාත්මක කරන බව ද ඇමතිවරයා කිවේය.

අපොස සාමාන්‍ය පෙළ ප්‍රතිඵල හෙට.

2016 අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල හෙට නිකුත් කරන බව විභාග කොමසාරිස් ජනරාල් ජයන්ත පුෂ්පකුමාර මහතා කියයි

රුසියානු සංචාරයේ ප්‍රතිලාභ මාතෘ භූමියේ අනාගතය ගොඩනැගීම වෙනුවෙන් විධිමත් හා සැලසුම් සහගතව භාවිතා කරන බව ජනපති කියයි.

හැටවසරක රුසියානු ශ්‍රි ලංකා ද්විපාර්ශවික සබදතා ඉදිරි සියවස සදහා ශක්තිමත්ව ඉදිරියට ගෙන යාම අරමුණ බව ජනාධිපති මෛත්‍රිපාල සිරිසේන මැතිතුමා පවසයි. රුසියාවේ මොස්කව් නුවර ශ්‍රි ලංකා තානාපති කාර්යාලයේදි රුසියාවේ සිටින ශ්‍රි ලාංකිකයන් සමග පැවැති හමුවකදි එතුමා මේ බව කිවේය. එරට විවිධ ක්ෂේත්‍රවල වෘත්තිකයින් . සිසුන්. ව්‍යාපාරික ප්‍රජාව එම අවස්ථාවට සම්බන්ධ වුහ. තමාගේ මෙම සංචාරය වත්මන් රජය ජාත්‍යන්තර වශයෙන් අනුගමනය කරන ප්‍රතිපත්තිවල ඇති පැහැදිලිතාවය හා ශක්තිමත්භාවය ජාත්‍යන්තර වශයෙන් තහවුරු කල සුවිශේෂි අවස්ථාවක් බවද එතුමා සදහන් කලේය.

Read more...

මෙරට ජාතික සංහිදියාවට හා සංවර්ධනයට අඛණ්ඩව සහාය දක්වන බව යුරෝපා සංගමය පවසයි.

ශ්‍රී ලංකාවේ ජාතික සංහිදියා ක්‍රියාවලිය ගැන යුරෝපා සංගමය සතුටට පත්වන බව යුරෝපා සංගමයේ තානාපති තුන් ලායි මාග් මහතා පවසයි. වත්මන් රජය ඒ සදහා කැපවී ක්‍රියාකරයි. එබැවින් මෙරට සියඵ ජාතීන්ට සහයෝගීතාවයෙන් ජිවත්විමේ පරිසරය ඇති කිරීමට යුරෝපා සංගමයේ සියඵ රටවල සහාය ලබාදෙන බවද ඊයේ කොළඹ පැවැති උත්සවයකදී ඒ මහතා කීය. යුරෝපා සංගමය පිහිටුවීමට මුල් වු රෝම සම්මුතියට වසර 60 ක් පිරීම නිමිත්තෙන් එම උත්සවය පැවැත්වුණි.

Read more...

හම්බන්තොට නව ආයෝජන කලාපයේ රටවල් රැසකට ආයෝජන අවස්ථා.

හම්බන්තොට නව ආයෝජන කලාපය චීනයට පමණක් විවෘත නොවන බව රාජ්‍ය අමාත්‍ය නිරෝෂන් පෙරේරා මහතා පවසයි.  එහි ආයෝජනය කිරීමට ඉන්දියාව. ඕස්ට්‍රේලියාව ඇතුඵ සියඵ රටවලට ආරාධනා කෙරේ.  ඒ සදහා බොහෝ රටවල් දැනටමත් එකගතාව පල කර ඇතැයි රාජ්‍ය ඇමතිවරයා ඕස්ට්‍රේිලියානු ගුවන් විදුලි සංස්ථාව සමග සාකච්ඡාවට එක්වෙමින් පැවසීය.  

Read more...

සාමය හා සංහිදියාව පිළිබඳ නව අධ්‍යාපන ඒකකයක්.

ජාතික සමගිය හා සංහිදියා කාර්යාංශය අධ්‍යාපන අමාත්‍යංශය සමග එක්ව සාමය හා සංහිදියාව පිළිබඳව නව අධ්‍යාපන ඒකකයක් ආරම්භ කර තිබේ.  සිසු සිසුවියන් අතරේ ජාතික සමගිය හා එකමුතුබව ඇති කිරීමේ වැඩපිළිවෙලක් ලෙස මෙය ක්‍රියාත්මකයි.  එම කාර්යාංශයේ සභාපතිනී හිටපු ජනාධිපතිනී චන්ද්‍රිකා බණ්ඩාරනායක කුමාරතුංග මහත්මියගේ ප්‍රධානත්වයෙන් වැඩසටහන ක්‍රියාත්මකයි.

Read more...

ශ්‍රි ලංකාවට සැම අවස්ථාවකදිම තම රටේ සහය ලැබෙන බව මෙරට සිටින පකිස්ථාන මහ කොමසාරිස් කියයි.

වර්තමානයේදි ශ්‍රි ලංකාවත් පකිස්ථානයත් අතර ද්විපාර්ශවික වෙළෙද සබදතා වෙන අන් කවරදාකටත් වඩා වර්ධනය වි ඇතැයි ශ්‍රි ලංකාවේ පකිස්ථාන මහා කොමසාරිස් සෙයිඩ් ෂකිල් හුසේන් මහතා කියයි. නියග ආරක්ෂක කටයුතු. වෙළෙදාම විවිධ ව්‍යාපෘති සදහා පකිස්ථානය දශක ගණනාවක් තිස්සේ ශ්‍රි ලංකාවත් සමග සහයෝගයෙන් කටයුතු කරමින් සිටින බව ඔහු ජාතික ගුවන් විදුලියේ ප්‍රවෘත්ති අංශය සමග කල සාකච්ඡාවකදි පැවසිය.

Read more...

ශ්‍රී ලංකා රුසියානු මිත්‍රත්වයේ ප්‍රතිලාභ ශ්‍රී ලාංකික ජනතාවට ලබාදීමට කැපවන බව රුසියානු අගමැතිවරයා කියයි.

ශ්‍රී ලංකා රුසියානු සබඳතාවල නව පිටුවක් පෙරලමින් ආරම්භ කර ඇති ද්විපාර්ශවික සාකච්ඡාවල ප්‍රතිලාභ ශ්‍රී ලාංකීය ජනතාවට ලබාදීමට කැප වනබව රුසියානු අගමැති දිමිත්‍රි මෙත්වෙදිව් මහතා කියයි. රුසියානු ජනාධිපති ව්ලැඩිමිර් පුටින් මහතාගේ ඇරයුමකට අනුව දැන් රුසියාවේ නිල සංචාරයක නිරතව සිටින ජනාධිපති මෛත්‍රිපාල සිරිසේන මැතිතුමා හා රුසියානු අගමැතිවරයා අතර නිල හමුව අද දහවල් පැවැත්විණි. රුසියානු අගමැතිවරයා එහිදී එම කරුණු සදහන් කළේය. රුසියානු අගමැතිවරයා ඉතාමත් ගෞරවයෙන් ජනාධිපති මෛත්‍රිපාල සිරිසේන මැතිතුමා පිළිගත්තේය.

60 වසරක සබඳතා ශක්තිමත් පදනමකින් පෙරට ගෙනයාම පිළිබඳව නායක දෙපල දිර්ග වශයෙන් සාකච්ඡා කළහ. 1957 දී ආරම්භ වු ශ්‍රී ලංකාව සහ රුසියාව අතර ද්විපාර්ශවික සබඳතා ක්‍රියාත්මක වන්නේ ආර්ථික වෙළෙඳ සංස්කෘතික යන ක්‍ෂේත්‍රවල පමණි. එම සබඳතා තවදුරටත් පුඵල් අන්දමින් පෙරට ගෙනයාම පිළිබඳවද නායක දෙපල අවධානය යොමු කළහ.

වසර 43 කට පසුව ශ්‍රී ලංකා ජනාධිපතිවරයෙකුට ලැබුණු මෙම නිල ආරාධනය සමස්ත ශ්‍රී ලංකාවාසී ජනතාව ලද ගෞරවයක් ලෙස ජනාධිපතිතුමා එහිදී හැදින්වීය. ශ්‍රී ලංකාවට අවශ්‍ය ආර්ථික වෙළෙඳ සහයෝගය ලබාගැනීමට රුසියානු ජනාධිපතිවරයා සමග පැවැති සාකච්ඡාවල ප්‍රතිඵල ඉදිරියේදී
ශ්‍රී ලාංකික ජනතාවට ලැබෙනු ඇතැයි එතුමා සදහන් කළේය. නව සංවර්ධනයේ මංපෙත් සොයා යන ශ්‍රී ලංකාව සියඵ මිත්‍රශීලී රාජ්‍යවල සහාය එම සංවර්ධන වැඩපිළිවෙල සදහා අපේක්ෂා කරන බව පැවසු ජනාධිපතිතුමා වසර 43 කට පසුව සමීප මිතුරෙකු බවට පත් වු රුසියාව නොමසුරුව ශ්‍රී ලංකාවට එම අතහිත ලබාදෙනු ඇතැයි විශ්වාසය පල කලේය.

ජගත් මානව හිමිකම් කවුන්සලයේදී සහාය දුන් සැමට ශ්‍රී ලංකාව කෘතඥතාව පල කරයි.

එක්සත් ජාතින්ගේ මානව හිමිකම් කවුන්සලයට ඊයේ ඉදිරිපත් කෙරුණු ශ්‍රී ලංකාවේ සංහිදියාව වගවීම හා මානව හිමිකම් ප්‍රවර්ධනය යෝජනාව සම්මත කර ගැනීමට සහාය දැක්වු සියඵ රටවලට ශ්‍රී ලංකා රජය ප්‍රනාමය පුද කරයි. සියඵ ශ්‍රී ලාංකිකයන්ට සාමය සහ සෞභාග්‍යය ලගා කරවීම සදහා ශ්‍රී ලංකාවේ සංහිදියාව වෘත්තිය හා මානව හිමිකම් ප්‍රවර්ධනය කිරීමෙ ක්‍රියාවලිය පිළිබඳව දැක්වු අවබෝධය සහ සහාය අගය කරන බව එහි සදහන් වෙයි.

2015 ජනවාරී 08 වැනිදා පැවැති ජනාධිපතිවරණයෙන් ජනාධිපති මෛත්‍රිපාල සිරිසේන මැතිතුමාගේ සහ අගමැති රනිල් වික්‍රමසිංහ මහතාගේ නායකත්වයෙන් බිහිවු ජාතික ආණ්ඩුව ශ්‍රී ලාංකික ජනතාවට ප්‍රතිඥා දුන්නේ මානව හිමිකම් තහවුරු කර නිතියේ ආදිපත්‍ය ස්ථාපිත කරන බවටයි. ප්‍රජාතන්ත්‍රවාදය සහ යහපාලනය ශක්තිමත් කර රටට අවශ්‍ය සාමය ස්ථාපිත කිරීම සදහා මිතුරු රාජ්‍ය හා ජාත්‍යන්තර ප්‍රජාවේ සහකරුවන් ඇතුඵ සියඵ පාර්ශවකරුවන් සමග එක්ව කටයුතු කරන බවටද ප්‍රතිඥා දෙනු ලැබීය.

2015 දී ශ්‍රී ලංකාව සම අනුග්‍රහකත්වය දැක්වු යෝජනාවේ කාලසීමාව වසර දෙකකින් දිර්ග කිරීම මගින් ශ්‍රී ලංකාවේ මෙම ගමනට සහාය දැක්විම සදහා ජාත්‍යන්තර ප්‍රජාව වැදගත් පියවරක් තබා තිබේ. ජාත්‍යන්තර සහයෝගය සහිතව ක්‍රියාවලියක් පිහිටුවීමට ඉමහත් පරිශ්‍රමයක් දරණ බැවින් ශ්‍රී ලංකාව හා එහි ජනතාව කෙරෙහි විශ්වාසය තැබීම පිළිබඳව සියඵ රටවලට ස්තුතිය පල කරන බව ශ්‍රී ලංකා රජය කියයි.

විශේෂාංග පුවත්

 

විදෙස් පුවත්