Sri Lanka Brodcasting Corporation

Fri06222018

Last updateFri, 22 Jun 2018 1pm

දේශීය පුවත්

වතුකම්කරුවන් එක්ලක්ෂ පනස් දහසකට ඉඩම් හිමිකම්


වතු කම්කරුවන් එක්ලක්ෂ පනස් දහසකට ඉඩම් හිමිකම ලබාදීමේ වැඩපිළිවෙලක් රජය ක්‍රියාත්මක කර ඇතැයි ඇමති ලක්ෂ්මන් කිරිඇල්ල මහතා අද පාර්ලිමේන්තුවෙදී පැවසීය. එක් අයෙකුට පර්චස් 07 ක බිම් කොටසක් හිමිවෙයි. වැඩපිළිවෙලේ පලමු අදියර ලබන මස පලමුවැනිදා ඇරඹේ. එදින අගමැති රනිල් වික්‍රමසිංහ මහතාගේ ප්‍රධානත්වයෙන් වතුකම්කරුවන් 500 දෙනෙකුට ඉඩම් පිරිනැමේ. වතුකම්කරුවන්ට ඔවුන් පදිංචි ඉඩම් සදහා සින්නක්කර ඔප්පු ලබාදෙන බව එහිදී අදහස් දැක්වු ඇමති ගයන්ත කරුණාතිලක මහතා පැවසීය.
චිත්‍රපට බෙදාහැරීමේ අයිතිය චිත්‍රපට සංස්ථාව යලි පවරා ගැනීම සැබැවින්ම අගය කරන බව පාර්ලිමේන්තු මන්ත්‍රි වෛද්‍ය නලීන් ද ජයතිස්ස මහතා පැවසීය. සංස්ථාවේ චිත්‍රපට සංරක්ෂණ ඒකකය විධිමත් කිරීම පිළිබඳව ලැබුනු ප්‍රශ්නයකට පිලිතුරු දෙමින් ඇමති විජයදාස රාජපක්ෂ මහතා පැවසුවේ චිත්‍රපට සංරක්ෂණය සදහා අවශ්‍ය නවිනතම උපකරණ ආනයනය කරන බවයි. චිත්‍රපට බෙදාහැරීමේ ඒකාධිකාරය හේතුවෙන් කර්මාන්තය බිඳ වැටුනු බව ඔහු පෙන්වා දුන්නේය.
පසුගියදා දිවියෙකු අමානුෂික අන්දමින් මරා දැමිමේ සිද්ධිය පිළිබඳව පුඵල් පරීක්ෂණයක් පවත්වන බව ඇමති ලක්ෂ්මන් කිරිඇල්ල මහතා පැවසුවේ පාර්ලිමේන්තු මන්ත්‍රි නලීන් ද ජයතිස්ස මහතා නැගු ප්‍රශ්නයකට පිලිතුරු වශයෙනි. ඇමති ගාමිණි ජයවික්‍රම පෙරේරා මහතා එහිදී පැවසුවේ එම අමානුෂික ඝාතනය සිදුකළ පුද්ගලයන් අත්අඩංගුවට ගෙන නීතිය හමුවට ඉදිරිපත් කළ යුතු බවයි.
දේශිය කර්මාන්ත සම්බන්ධයෙන් නව බදු පනවා නැතැයි ඇමති රිෂාඩ් බදියුදීන් මහතා කියයි. නව බදු පනවා ඇත්තේ ආනයනික භාණ්ඩ සදහා පමණි. දේශිය කර්මාන්ත වැඩිදියුණු කිරීම සදහා කර්මාන්ත කොමිසම යලි සක්‍රීයකර තිබේ. භාණ්ඩාගාර ලේකම්වරයා එහි සභාපතිවරයා ලෙස කටයුතු කරයි. දේශිය කර්මාන්තකරුවන් මුහුණදෙන ගැටඵ කෙරෙහි රජයේ අවධානය යොමුවී තිබේ. කුඩා හා මධ්‍ය පරිමාන කර්මාන්තකරුවන් සදහා ප්‍රතිපත්තියක් සකස්කර ක්‍රියාත්මක කරන බවද ඇමතිවරයා පැවසීය.

එන්ටප්‍රයිස් ශ්‍රී ලංකා ණය යෝජනා ක්‍රමය ජනපති ප්‍රධානත්වයෙන් අද ඇරඹේ

ශ්‍රී ලංකාව ව්‍යවසායකයන්ගේ පාරාදිසයක් බවට පත්කිරීමේ අරමුණින් 2018 අයවැය මගින් යෝජනා කළ එන්ටප්‍රයිස් ශ්‍රී ලංකා ව්‍යවසායකත්ව පාරාදිසය ණය යෝජනා ක්‍රමය අද ඇරඹෙයි. ඒ පිළිබඳ උත්සවය ජනාධිපති මෛත්‍රිපාල සිරිසේන මැතිතුමාගේ ප්‍රධානත්වයෙන් කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී අද පස්වරුවේ පැවැත්වේ. අගමැති රනිල් වික්‍රමසිංහ මහතා ද මංගල සමරවීර හා ලක්ෂ්මන් කිරිඇල්ල යන ඇමතිවරු ද ඊට එක්වෙති.


මෙම වැඩපිළිවෙල යටතේ පොලි සහන ණය යෝජනා ක්‍රම 11 ක්. විදේශාධාර යටතේ ක්‍රියාත්මක ප්‍රතිමුල්‍ය ණය යෝජනා ක්‍රම තුනක් සහ මුල්‍ය හා මුල්‍ය නොවන පහසුකම් සැලසෙන වැඩසටහන් දෙකක් ක්‍රියාත්මක කෙරේ. සම්මත බැංකු පොලියට වඩා අඩු පොලියක් යටතේ ණය සැපයේ. ණය ලබා ගන්නන් ගෙවිය යුතු පොලියේ ඉතිරි කොටස රජය අදාල බැංකුවලට ගෙවයි. ඒ වෙනුවෙන් රජය රුපියල් කෝටි 525 ක් වෙන්කර තිබේ. මෙම මුදල උපයෝගි කර ගනිමින් ආර්ථිකය තුළ රුපියල් කෝටි හයදහසකට ආසන්න ප්‍රාග්ධන සම්පාදනයක් සිදුකළ හැකි වෙතැයි අපේක්ෂා කෙරේ. උත්පාදනය කිරීමට අපේක්ෂිත නව රැකියා අවස්ථා සංඛ්‍යාව 50 දහසකි.

එකාධිපති පාලනයකට හා ආඥාදායකත්වයකට යළි රට තුල ඉඩ නොතබන බවට ජනාධිපතිතුමා ප්‍රතිඥා දෙයි

 

2015 ජනවාරි 08 වැනිදා මෙරට ජනතාව රටේ පාලනයේ වෙනසක් සිදුකලේ එදා රට තුල ගොඩනැගෙමින් තිබූ එකාධිපති පාලනයට එරෙහිව බව ජනාධිපති මෛත්‍රිපාල සිරිසේන මැතිතුමා කියයි.  ඒ බව අමතක වු පිරිසක් වර්තමානයේ නැවතත් රටට ඒකාධිපති පාලනයක් ඉල්ලා සිටිති.  එහෙත්  2015 ජනවාරි 08 වැනිදා මෙරට ජනතාව තැබූ අපේක්ෂා බිඳ වැටීමට කිසිසේත් ඉඩ නොතබන බවට ජනාධිපතිතුමා සහතික වෙයි.  නිකවැරටිය ප්‍රදේශයේ ඊයේ පැවති උත්සවයකට එක්වෙමින් එතුමා පැවසුවේ ඒකාධිපති පාලනය නිමා කරමින් ජනතාව ඉල්ලා සිටි නිදහස හා ප්‍රජාතන්ත්‍රවාදය සියයට සියයකින් නොව සියයට දෙසීයකින් වර්තමානයේ රට තුල ස්ථාපිත කර ඇති බවයි.  පන නැති පාලනයක් ලෙස වත්මන් පාලනය ඇතැමුන් හැඳින්වුව ද එය නිදහස හා ප්‍රජාතන්ත්‍රවාදය සමග යන ගමනක් බව ඔවුන් අවබෝධකරගත යුතු බව ජනාධිපතිතුමා පැවසීය

අපනයන හා සේවා අංශය දියුණු කිරීම තුලින් රට සංවර්ධනය කිරීම රජයේ අරමුණ බව අගමැතිවරයා පවසයි

 

අපනයන හා සේවා අංශය දියුණු කිරීම තුලින් රට සංවර්ධනය කිරිම  වත්මන් රජයේ අරමුණ බව අගමැති රනිල් වික්‍රමසිංහ මහතා පවසයි.  සැම නගරයක්ම සැලැස්මකට අනුව සංවර්ධනය කරන බව අගමැතිවරයා ප්‍රකාශ කලේ බොරලැස්ගමුව සංර්ධන කලාපයේ ඉදිකළ මෙරට ප්‍රථම කෙළිමඩල ළමා උද්‍යානය හා ඇවිදින මං තිීරුව විවෘත කිරීමේ අවස්ථාවට අද පස්වරුවේ එක්වෙමිනි.  මහා නගර හා බස්නාහිර සංවර්ධන අමාත්‍යාංශයේ මූළිකත්වයෙන් ශ්‍රි ලංකා ඉඩම් ගොඩකිරීමේ හා සංවර්ධනය කිරිමේ සංස්ථාව වේරැස් ගග වැසි ජල අපවහන හා පරිසරය වැඩිදියුණු කිරීමේ ව්‍යාපෘතිය මගින් මෙය ඉදිකර තිබේ.  විශේෂ අවශ්‍යතා සහිත දරුවන් වෙනුවෙන් ඉදිකළ මෙම ළමා උද්‍යානය හා ඇවිදින මංතීරුව හෙක්ටයාර 3 යි දශම 6 ක භූමියක් පුරා ව්‍යාප්තව තිබේ.  එම දරුවන්ගේ උපරිම ආරක්ෂාව සහ සුවපහසුව ඇතිවන පරිදි සාමාන්‍ය දරුවන් සමග සාමුහීක ක්‍රියාකාරම්කරම්වල යෙදිය හැකි ආකාරය එම ළමා උද්‍යානය ඉදිකර ඇත.  ඇවිදින මංතීරුව කිලෝමිටරයකට වැඩි දිගින් යුක්ත වෙයි.  එහි ආහාර පාන මිලදී ගතහැකි අලෙවි කුටි 19 ක් ද මෙම කෙළිමඩල උද්‍යානයේ ඉදිකර තිබේ

ඒකාබද්ධ විපක්ෂයේ ඉදිරි රැස්විම් සඳහා තමන් සහභාගි වන බව රජයෙන් ඉවත්වු 16 දෙනාගේ කණ්ඩායම පවසයි

 

නිදහසේ නීති උපදේශන කාර්යාලයක් ආරම්භ කළ බව පාර්ලිමේන්තු මන්ත්‍රි ඩබ්ලිව් ඩී ජේ සෙනවිරත්න මහතා පවසයි. එමගින් නීති ගැටඑ සඳහා උපදෙස් සහ ආධාරලබාදෙන බව හෙතෙම පැවසුවේ නිදහසේ මාධ්‍ය කේන්ද්‍රයේ අද පෙරවරුවේ පැවති මාධ්‍ය හමුවකදීය. ඉදිරියේදි ඒකාබද්ධ විපක්ෂ කණ්ඩායමේ රැස්වීම් සඳහා රජයෙන් ඉවත්වු ශ්‍රි ලංකා නිදහස් පක්ෂයේ මන්ත්‍රිවරුන් 16 දෙනා සහභාගි වන බව හෙතෙම කීය. 16 දෙනාගේ කණ්ඩායම ශක්තිමත් පදනමක් මත ඉදිරියට ක්‍රියා කරන බව ද ඔහු කිය.

පාර්ලිමේන්තු මන්ත්‍රි ඩිලාන් පෙරේරා මහතා අදහස් දක්වමින් අමෙරිකාව මානව හිමිකම් කවුන්සිලයෙන් ඉවත්වී ඇති බැවින් ශ්‍රි ලංකාවට එරෙහි චෝදනා තවදුරටත් වලංගු වේදැයි විමසා බැලිමට කාලය පැමිණ ඇතැයි කීවේය. පෞද්ගලික විශ්ව විද්‍යාල ආරම්භ කිරිම පිළිබඳව කිසිඳු විරුද්ධත්වයක් නැතැයි පැවසු ඒ මහතා ඒවායේ ප්‍රමිතිය නිසි පරිදි තිබිය යුතු බව ප්‍රකාශ කලේය.

රාජ්‍ය ආයතනවල ගිණුම් පරීක්ෂා කිරීමට රාජ්‍ය ගිණුම් කාරක සභාවෙන් විශේෂ වැඩපිළිවෙලක්

 

පාර්ලිමේන්තුව අයවැය සම්මත කළද 1978 සිට මේ දක්වා රාජ්‍ය ආයතන නිසි පරිදි මුදල් වැය කර නැතැයි රාජ්‍ය ගිණුම් කාරක සභාවේ සභාපති නියෝජ්‍ය ඇමති ලසන්ත අලගියවන්න මහතා කියයි.  රාජ්‍ය ගිණුම් කාරක සභාවට ආයතන 837 ක් ඇතුලත්ය.  ඒවායේ ගිණුම් වාර්ෂිකව පරීක්ෂා කිරීම ප්‍රායෝගිකව කළ හැක්කක් නොවේ.  එම නිසා ඒ සදහා සාර්ථක ක්‍රියාමාර්ග කිහිපයක් දැරීමට කාරක සභාවට හැකිවී ඇතැයි ඔහු පැවසුවේ පාර්ලිමේන්තු සංකීර්ණයේ අද පැවති මාධ්‍ය හමුවකදීය

තැපැල් සේවක වර්ජනය රජය පෙරළීමේ කුමන්ත්‍රණයක් බව තැපැල් ඇමති කියයි

 

තැපැල් සේවක වර්ජනය රජය පෙරළීමේ කුමන්ත්‍රණයක් බව තැපැල් ඇමති ඒ එච් එම් හලීම් මහතා කියයි. තැපැල් සේවක ඉල්ලිම් 2 කට රජය සාර්ථක පිළියම් ලබාදී තිබේ. ඒ අනුව තැපෑලට ආවේනික වැඩපිළිවෙලක් ක්‍රියාත්මක කිරීමටත් තුන්වන ශ්‍රේණිය ඉවත් කිරිමටත් රජය එකග වී සිටී. එවැනි තත්ත්වයක් හමුවේ තවදුරටත් වර්ජනය ක්‍රියාත්මක කිරීම කිසිසේත් අනුමත කළ නොහැකි බව තැපැල් ඇමතිවරයා පාර්ලිමේන්තුවේ දී අද පැවසීය
නකල්ස් රක්ෂිතයේ බිම් අගලක් හෝ පෞද්ගලික අංශයට පවරා නැතැයි ඇමති ලක්ෂ්මන් කිරිඇල්ල මහතා අවධාරණය කරයි. පාර්ලිමේන්තු මන්ත්‍රී බන්දුල ගුණවර්ධන මහතා මතු කළ ප්‍රශ්නයකට පිළිතුරු දෙමින් ඔහු ඒ බව සදහන් කළේය. රාජ්‍ය වතු නඩත්තුව සදහා මහා භාණ්ඩාගාරය වාර්ෂිකව රුපියල් කෝටි 150 ක් වැය කරයි. පසුගිය රජය සමයේ රාජ්‍ය වතුවල සේවකයන් සදහා සේවක අර්ථසාධක අරමුදල් කෝටි 180 ක් ගෙවා නැත. වත්මන් රජය ඉන් රුපියල් කෝටි සියයක් මේ වනවිට ගෙවා ඇතැයි ඇමතිවරයා පැවසීය. රාජ්‍ය ආයතන නඩත්තුව සදහා වාර්ෂික රජය රුපියල් කෝටි හතලිස් පන්දහසක් වැය කරයි.
දෙමළ මාධ්‍ය ගුරු පුරප්පාඩු සදහා විශ්‍රාමික ගුරුවරුන් බඳවා ගන්නා බව ඇමති අකිල විරාජ් කාරියවසම් මහතා කියයි. සිංහල මාධ්‍ය විද්‍යාව හා ගණිතය යන විෂය සදහා උපාධිධාරී ගුරු හිගයක් පවතී. පාර්ලිමේන්තු මන්ත්‍රි හේෂාන් විතානගේ මහතාගේ නැගු ප්‍රශ්නයකට පිළිතුරු දෙන ඇමතිවරයා එම කරුණු සදහන් කළේය.
1990 සුවසැරිය පදනම පනත් කෙටුම්පත . සුරාබදු ආඥා පනත යටතේ නිවේදන 2 ක් සහ ආනයන හා අපනයන පාලන පනත යටතේ නියෝග පාර්ලිමේන්තුවේ දී අද විවාදයට ගැනිණි. 1990 සුවසැරිය නිදහස් ගිලන් රථ සේවය මෙරට සෞඛ්‍ය ක්‍ෂේත්‍රයේ සුවිශේෂී සේවාවක් බවට පත්ව ඇතැයි රාජ්‍ය ඇමති ආචාර්ය හර්ෂ ද සිල්වා මහතා යෝජනාව ඉදිරිපත් කරමින් පැවසීය. 1990 සුවසැරිය නිදහස් ගිලන් රථ සේවාව සදහා මේ වනවිට දුරකතන ඇමතුම් පන්ලක්ෂ අසුහතර දහස් පන්සිය විස්සක් ලැබි තිබේ.

එම ගිලන් රථ මගින් රෝගීන් හැත්තැනව දහස් හත්සිය හතලිස් හතර දෙනෙකු රෝහල් ගතකර ඇත. දරුවන් 27 දෙනෙකු සුවසැරිය ගිලන් රථවල දී මෙලොව එළිය දැක ඇතැයි රාජ්‍ය ඇමතිවරයා පැවසීය. මෙම සේවය ආරම්භ කිරීමේ දී ඇතැමුන් විවිධ අසත්‍ය ප්‍රචාර ගෙන ගියද මේ වනවිට එය ජනතාව අතර ජනප්‍රිය සේවයක් බවට පත්ව තිබෙ.්
දේශීය ආදායම් විධිමත් කරමින් ජනතාවට සහන ලබා දෙමින් ආර්ථිකය ඉදිරියට ගෙන යන බව ඇමති මංගල සමරවීර මහතා ප්‍රකාශ කරයි. සුරාබදු ආඥා පනත යටතේ නිවේදන 2 ක් පිළිබද පාර්ලිමේන්තු විවාදය ආරම්භ කරමින් ඔහු මේ බව පැවසීය. දෙකෝටි දසලක්ෂයක් ජීවත් වන ශ්‍රීී ලංකාවේ බදු ගොනු පැවතියේ ලක්ෂ 4 කි. එහෙත් නව බදු පනත ක්‍රියාත්මක කළ පසු ඊයේ වනවිට නව බදු ලිපි ගොනු හැටනව දහසක් විවෘත කර තිබෙන බව ඇමතිවරයා පැවසීය. මෙම ප්‍රගතිය ඉදිරියට පැවතුනහොත් 2020 වනවිට වැට් බද්ද සියයට දෙකහමාරකින් අඩු කළ හැකිය. මේ වසරේ දී රුපියල් ට්‍රිලියන 1 යි දශම 9 ක ණය ගෙවීමට ශ්‍රීි ලංකාවට සිදුවී තිබේ. ඉන් සියයට 80 ක්ම 2015 ට පෙර ගත් ණය වෙනුවෙන් බව ඇමතිවරයා පැවසීය.

ශ්‍රී ලංකා ආර්ථිකය ස්ථාවර වෙමින් පවතින බව ජාත්‍යන්තර මුල්‍ය අරමුදල පවසයි

 

පසුගිය වසරේ දී කාලගුණික වශයෙන් ආපදා ගණනාවකට මුහුණදීමෙන් පසු ශ්‍රී ලංකා ආර්ථිකය ස්ථාවර වෙමින් පවතින බව ජාත්‍යන්තර මුල්‍ය අරමුදල පවසයි.  මේ වසරේ දී දළ දේශීය නිෂ්පාදිතයේ මුර්ත වර්ධනය සියයට 4 ක් වනු ඇත.  කෘෂිකර්ම සහ කර්මාන්ත අංශ යලි යථා තත්ත්වයට පත් වෙමින් තිබීම හා සේවා අංශයේ ප්‍රබල වර්ධනය ඒ සදහා මුලික වශයෙන් දායක වෙයි.  මුල්‍ය ස්ථායිතාව සහ ඉන්ධන මිල සංශෝධනය යන අංශවලින් වැදගත් ප්‍රගතියක් දක්නට ලැබෙන බවද මුල්‍ය අරමුදල පවසයි.  ණය වර්ධනය සඵල ලෙස අඩු කිරිීමට විවිධ පීඩන මධ්‍යයේ වුවද උද්ධමනය ස්ථායි කිරීමට ශ්‍රීී ලංකා මහබැංකුව සමත් වී ඇත.  ජාත්‍යන්තර මුල්‍ය අරමුදල නිකුත් කර ඇති මාණ්ඩලික වාර්තාවේ සහ ශ්‍රීී ලංකාව සදහා විධායක අධ්‍යක්ෂ ඊයේ නිකුත් කළ ප්‍රකාශනයේ ඒ බව සදහන් වෙයි

මහා පරිමාණ වංචා හා දූෂණ පිලිබද විශේෂ අධිකරණය ලබන සතියේ

 

මහා පරිමාණ වංචා දුෂණ පිලිබද නඩු විභාග කරන පළමු විශේෂ අධිකරණය ලබන මස දෙවන සතියේ පිහිටුවේ. ඉදිරි අධිකරණ දෙකද කඩිනමින් ස්ථාපිත කිරීමට පියවර ගන්නා බව අජිත් පී පෙරේරා නියෝජ්‍ය අමාත්‍යවරයා පවසයි

තැපැල් සේවක වර්ජනය අද නිමාවන ලකුණු

තැපැල් සේවක වර්ජනයට අද දිනය තුළ විසදුමක් ලැබෙනු ඇතැයි බලාපොරොත්තු වන බව තැපැල් අමාත්‍යංශයේ ලේකම් ආර්. එම්. ඩී. බී. මීගස්මුල්ල මහතා පවසයි.  පස්වරු 300 ට වෘත්තීය සමිති නියෝජිතයන් සහ තමන් අතර සාකච්ඡාවක් පැවැත්වෙන බව ඔහු කියා සිටී.  මේ වනවිට අගමැති ලේකම්වරයා සහ වැටුප් කොමිසම සමගද සාකච්ඡා වට කිහිපයක් පවත්වා තිබේ.   මෙම ගැටඵවලට විසදුම් ලබාදීමට අවම වශයෙන් සති දෙකක කාලයක් අවශ්‍ය බව ලේකම්වරයා පවසයි.  ඇමති අනුකමිටුවට හා ඇමති මණ්ලඩයට ඉදිරිපත් කර අදාළ ඉල්ලීම්වලට සාධාරණය ඉටුකිරීම අපේක්ෂාවයි.

Subcategories

  • මේ වසරේදි දිවයින පුරා ආදර්ශ ගම්මාන 600 ක් ඉදිකිරීමට පියවර

    මේ වසර තුළ දිවයින පුරා  ආදර්ශ ගම්මාන  600 ක් ඉදිකරන බව ජාතික නිවාස සංවර්ධන අධිකාරියේ සභාපති ලක්විජය සාගර පලන්සූරිය මහතා කියයි. ඒ සදහා අවශ්‍ය  භූමිය දැනටමත් හදුනාගෙන අවසන්ය. 2020 වනවිට ආදර්ශ  ගම්මාන 2500 ක් ඉදිකිරිම ඉලක්කයවී තිබේ.  සැමට සෙවන ජාතික නිවාස වැඩපිළිවෙලේ  පසුගිය අත්දැකිම් මේ සදහා යොදා ගැනේ.  අමාත්‍ය  සජිත් ප්‍රේමදාස මහතාගේ මෙහෙයවිම යටතේ වැඩපිළිවෙල ක්‍රියාත්මකයි . නිවසක සැබෑ අවශ්‍යතාව පවතින පුද්ගලයන් හදුනාගෙන ඔවුන්ට මෙම නිවාස  ලබාදීමට කටයුතු කෙරේ..  . මෙම වැඩපිළිවෙල  සදහා රජය වෙන් කර ඇති මුදල රුපියල්  මිලියන දසදහසකි.

විශේෂාංග පුවත්

 

විදෙස් පුවත්