Sri Lanka Brodcasting Corporation

Tue02202018

Last updateTue, 20 Feb 2018 6pm

විශේෂාංග පුවත්

සංහිඳියා රූපවාහිනී නාළිකාව විකාශනය අරඹයි

ශ්‍රි ලංකා රූපවාහිනි සංස්ථාවේ සංහිදියා නාළිකාවේ විකාශන කටයුතු අද පස්වරුවේ ඇරඹුනි. ඒ සඳහා පැවති උත්සවයේ ප්‍රධාන ආරාධිතයා ලෙස ජනාධිපති මෛත්‍රිපාල සිරිසේන මැතිතුමා සහභාගි විය. මෙහිදී අදහස් දැක්වු අමාත්‍ය මංගල සමරවිර මහතා පැවසුවේ රටේ සංහිඳියාව සඳහා මෙම නාළිකාවෙන් විශාල පිටිවහලක් ලැබෙනු ඇති බවයි. ඒ සඳහා වු රජයේ අරමුණු ශාක්සාත් කරගැනීමට ද එය රුකුලක් වනු ඇත. මෙරට නිදහස ලබාගැනිමට සිංහල. දෙමළ. ඉස්ලාම්. මැලේ හා බර්ගර් යන ජන කොටස් එක්ව ක්‍රියා කලේය. එහෙත් පසුව ජාති ආගම් හා කුල වශයෙන් වෙන්විමේ ප්‍රතිඵලයක් ලෙස යුද්ධයකට හා කැරලි දෙකකට මුහුණ දිමට සිදුවු බව ඔහු සිහිපත් කලේය. 2015 වසරේදි බලයට පත්වු වත්මන් ජනාධිපතිතුමා රට නව දිසාවකට යොමුකළ බව ඇමතිවරයා සඳහන් කලේය. ගෙවුනු කෙටි කාලයේදි ජනාධිපතිතුමා 17 ත් වතාවක් උතුරේ සංචාරය කර ඇතැයි ද අගමැතිවරයා 9 වතාවක් සංචාරය කොට ඇතැයි ද ඇමතිවරයා කිවේය.
රටේ සංහිඳියාව ගොඩනැගිීත්‍ම් කාලය දැන් එළඹ ඇතැයි ඇමති මනෝ ගනේෂන් මහතා කීවේය. ජාතීන් 19 ක් ශ්‍රි ලංකාවේ ශක්තිය බවට පත්වි ඇත. සංහිඳියාව දකුණෙන් මෙන්ම උතුරෙන් ද ලගාවිය යුතුය.
මෙම නාළිකාව ආරම්භ කලේ සංහිඳියාව ගොඩනැගිමේ අරමුණින් බවත් ලාභ අපේක්ෂාවක් නොමැති බවත් රූපවාහිනි සංස්ථාවේ සභාපති රවි ජයර්ධන මහතා පැවසිය. නියෝජ්‍ය අමාත්‍යවරුන් වන ලසන්ත අලගියවන්න. කරුණාරත්න පරණවිතාන. රාජ්‍ය අමාත්‍ය ඒ එච් එම් ෆවුසි. සංහිඳියාව පිළිබඳ අමාත්‍යාංශයේ ලේකම් වී ශිවඥාන සෝති. ශ්‍රි ලංකා ගුවන්විදුලි සංස්ථාවේ සභාපති සිද්ධි ෆාරුක් යන මහත්වරු ද මෙම අවස්ථාවට එක්වුහ.

තේ නැවත වගා කිරිමේ පුලුල් වැඩසටහනක්

තේ නැවත වගා කිරීමේ පුඵල් වැඩසටහනක් ක්‍රියාත්මක කෙරේ. ඒ යටතේ ගාල්ල. මාතර. රත්නපුර. බදුල්ල සහ නුවරඑළිය දිස්ත්‍රික්කයේ හෙක්ටයාර් 5500 ක තේ නැවත වගා කිරීමට  සැලසුම් කර තිබේ.  වසර 6 ක ව්‍යාපෘතියක් ලෙස එය ක්‍රියාත්මකයි.  මේ යටතේ පවුල් 3200 කට අයත් එක්ලක්ෂ හතලිස් හතර දහසකට සෙත සැලසෙන බව කුඩා තේවතු සංවර්ධන අධිකාරිය පවසයි.

Read more...

පවතින අධික උෂ්ණත්වය ළමයින් විජලනයට ලක්විය හැකියැයි වෛද්‍යවරුන්ගෙන් අනතුරු ඇගවිමක්

 

පවතින උෂ්ණ අධික කාලගුන තත්ත්වය නිසා කුඩා ළමයින් විජලයෙන් ආරක්ෂා කරගත යුතු යැයි ළමාරෝග විශේෂඥ වෛද්‍යවරු පවසති.  පසුගිය දිනවල ළමයින් විවිධ රෝගාබාධවලට ලක්වීමේ ප්‍රවනතාවයක් දක්නට ලැබුනි.  මේ සඳහා වැඩි වශයෙන් ජලය පානය කිරීමට ළමයින් පෙළඹවිය යුතු යැයි වෛද්‍යවරු කියති.

මිනිපේ ව්‍යාපාරය යටතේ ගොවි පවුල් පහලොස්දහසකට පමණ ප්‍රතිලාභ

 

මිනිපේ වම් ඉවුරුඇල පුනරුත්ථාපන ව්‍යාපෘතිය මගින් මිනිපේ ව්‍යාපාරය යටතේ  ගොවි පවුල් පහලොස්දහසකට පමණ ප්‍රතිලාභ හිමිවන බව මහවැලි ජල සුරක්‍ෂිතතා ආයෝජන වැඩසටහනේ අධ්‍යක්‍ෂ ඉංජිනේරු නීල් බණ්ඩාර මහතා පවසයි.  මිනිපේ අමුණු වේල්ලේ උස මිටර් තුනයි දශම පහකින් වැඩිකිරීම හා වේල්ලට අතිරේක මඩසොරොව්වක් ඉදිකර සියඵ මඩ සොරොව් විදුලිබලයෙන් ක්‍රියාත්මක කරවීම. කාර්යක්‍ෂ්ම ජල කලමනාකරණයක් සදහා කිලෝමිටර් 74 ක් දිග වම් ඉවුරු ඇල සම්පුර්ණයෙන් ප්‍රතිසංස්කරණය කිරීම. මෙන්ම ස්වයංක්‍රියව පාලනය වන ප්‍රධාන සොරොව්වක් අලුතින් ඉදිකිරීම මේ යටතේ සිදුකෙරේ.  මෙමගින් වගාබිම් හෙක්ටයාර 7500 ක් දෙකන්නයේදීම වගා කිරීමට හැකියාව ලැබේ.  මෙම ව්‍යාපෘතිය සදහා ශ්‍රී ලංකා රජය සහ ආසියානු සංවර්ධන බැංකුව ප්‍රතිපාදන සපයයි.  වැය කෙරෙන මුදල රුපියල් මිලියන 2800 කි.  2016 වසරේ ආරම්භ කළ ව්‍යාපෘතිය 2020 වසරේදී නිම කිරීම ඉලක්කයයි

ලබන වසරේ සිට රාජ්‍ය නාට්‍ය උළෙල නව මුහුණුවරකින්

 

රාජ්‍ය නාට්‍ය සම්මාන උලෙල ලබන මස 27 වැනිදා කොළඹ නෙඵම් පොකුණ රගහලේ දී පැවැත්වේ. මෙවර එම උලෙල පැවැත්වෙන්නේ 46 වැනි වතාවටයි. රාජ්‍ය නාට්‍ය උලෙල සදහා තෝරා ගත් නාට්‍ය 8 ක් ලබන සදුදා සිට කොළඹ ටවර් රගහලේ දී ප්‍රදර්ශනය කිරීමට විධිවිධාන යොදා ඇතැයි සංස්කෘතික දෙපාර්තමේන්තුවේ සහකාර අධ්‍යක්ෂ සුධීර තිලංග විතාන මහතා කියයි. දිනපතා පස්වරු 6.30 ට නාට්‍ය දර්ශන ඇරඹේ. ප්‍රවේශ පත්‍රයක මිල රුපියල් සියයකි. එමගින් ලැබෙන ආදායම නාට්‍යකරුවන්ගේ සුභසාධනය උදෙසා යොමු කරන බව ජාතික ගුවන් විදුලියේ ඇතුල් පැත්ත වැඩසටහනට අද පෙරවරුවේ එක්වු සහකාර අධ්‍යක්ෂවරයා පැවසීය.
මේ අතර රාජ්‍ය නාට්‍ය උපදේශක මණ්ඩලයේ ප්‍රධාන සම්බන්ධිකාරක රුවිනි මනම්පේරි මහත්මිය පවසන්නේ ලබන වසරේ සිට රාජ්‍ය නාට්‍ය උලෙල නව මුහුණුවරකින් පවත්වන බවයි. ඒ අනුව දේශීය නාට්‍යවලට අමතරව විදේශීය නාට්‍යය ද උලෙලට එක් කර ගැනේ.

කුඩා හා මධ්‍ය පරිමාණ ව්‍යවසාය සංවර්ධනයට ආසියානු සංවර්ධන බංකුවෙන් තවත් ආධාරයක්.

මෙරට කුඩා හා මධ්‍ය පරිමාන ව්‍යවසාය සංවර්ධනය සදහා ආසියානු සංවර්ධන බැංකුව අමෙරිකානු ඩොලර් හත්කෝටි පනස් ලක්‍ෂයක අතිරේක ණය ආධාරයක් ලබාදෙයි.  ඊට අදාළ ගිවිසුමට මුදල් හා ජනමාධ්‍ය අමාත්‍යංශයේදී අද අත්සන් තැබිණි.  ශ්‍රී ලංකා රජය වෙනුවෙන් මුදල් හා ජනමාධ්‍ය අමාත්‍යංශයේ ලේකම් ආචාර්ය ආර්. එච්. එස්. සමරතුංග මහතා ඊට අත්සන් තැබු අතර ආසියානු සංවර්ධන බැංකුව වෙනුවෙන් ඊට අත්සන් තැබුවේ එහි නේවාසික දුත මණ්ඩල අධ්‍යක්‍ෂ ශ්‍රී විදෝවතී මහත්මියයි. 

Read more...

අධිවේගී මාර්ගවල අද සිට වේගසීමා මාපක ක්‍රියාත්මකයි

අධිවේගී මාර්ග පද්ධතිය තුළ වේගසිමා උල්ලංඝනය කරනු ලබන වාහන සොයා ගැනීම සදහා ස්ථාපිත කළ නව වේගමාපක යන්ත්‍ර පද්ධතිය අද සිට ක්‍රියාත්මකයි.  එබැවින් අද සිට එම මාර්ගවල ගමන් ගන්නා සියඵ වාහනවල වේගය නිරීක්‍ෂණය කෙරේ. 

Read more...

මේ වසරේදි දිවයින පුරා ආදර්ශ ගම්මාන 600 ක් ඉදිකිරිමට සැලසුම්

 

මේ වසර තුළ දිවයින පුරා  ආදර්ශ ගම්මාන  600 ක් ඉදිකරන බව ජාතික නිවාස සංවර්ධන අධිකාරියේ සභාපති  ලක්විජය සාගර පලන්සූරිය මහතා කියයි.  ඒ සදහා අවශ්‍ය  භූමිය දැනටමත් හදුනාගෙන අවසන්ය.   2020 වනවිට ආදර්ශ  ගම්මාන 2500 ක් ඉදිකිරිම ඉලක්කය   බව  ජාතික ගුවන්විදුලියේ සුභාරති වැඩසටහනට අද පෙරවරුවේ  එක්වෙමින් පලන්සුරිය මහතා පැවසිය.    සැමට සෙවන ජාතික නිවාස වැඩපිළිවෙලේ  පසුගිය අත්දැකිම් මේ සදහා යොදා ගැනේ.  ඇමති  සජිත් ප්‍රේමදාස මහතාගේ මෙහෙයවිම යටතේ වැඩපිළිවෙල ක්‍රියාත්මකයි . සැබවින්ම නිවසක අවශ්‍යතාව පවතින පුද්ගලයන් හදුනාගෙන ඔවුන්ට මෙම නිවාස  ලබාදෙන බව ද සභාපතිවරයා කියයි. ඔවුන් හදුනාගැනිම සදහා ප්‍රාදේශිය ලේකම්  කාර්යාලවල නිවාස නිලධාරින්ගේ සහාය  ලබාගැනේ.  උතුර . නැගෙනහිර . වතුකරය ආදි ප්‍රදේශ ආවරණය වනපරිදි නිවාස ඉදිකෙරෙන අතර.  රාජ්‍ය සේවකයන් වෙනුවෙන් ද නිවාස සංකිර්ණ ඉදිකෙරේ . මෙම වැඩපිළිවෙල  සදහා රජය වෙන් කර ඇති මුදල රුපියල්  කෝටි දහසකි

නවක ආයුර්වේද වෛද්‍යවරු 650 දෙනෙක් ආයුර්වේද රෝහල්වලට අනුයුක්ත කෙරෙති

ආයුර්වේද වෛද්‍යවරුන් 650 දෙනෙකු අද සිට ආයුර්වේද රෝහල්වලට අනුයුක්ත කළ බව ආයුර්වේද දෙපාර්තමේන්තුව පවසයි.  පළාත් නවයේ ආයුර්වේද රෝහල්වලට අමතරව ප්‍රජා සෞඛ්‍ය සේවයේද ඔවුන් සේවය කරන බව ආයුර්වේද කොමසාරිස් මංගලා කරුණාතිලක මහත්මිය පවසයි.  එම පිරිසට ජනවාරී මාසයේදී පුහුණුවක්ද ලබාදී තිබේ.  මෙම නවක ආයුර්වේද වෛද්‍යවරුන්ට නිල වශයෙන් පත්වීම් ලිපි ප්‍රදානය ඇමති රාජිත සේනාරත්න මහතාගේ ප්‍රධානත්වයෙන් අරලියගහ මන්දිරයේදී ලබන බදාදා සිදුකෙරේ.

ඩෙංගු රෝග මර්දනයට ඕස්ට්‍රේලියානු ආධාර යටතේ විශේෂ වැඩසටහනක්

ශ්‍රී ලංකාවේ ජනතාවට දිගුකාලීන වශයෙන් ඩෙංගු රෝගයෙන් ආරක්‍ෂාවීම සදහා දායකවන වැඩසටහනක් ඕස්ට්‍රේලියානු ආධාර යටතේ අද ආරම්භ කෙරිණි. පසුගිය වසරේ ඕස්ට්‍රේලියානු විදේශ ඇමති ජුලී බිෂොප් මහත්මිය මෙම වැඩසටහන වෙනුවෙන් ඕස්ට්‍රේලියානු ඩොලර් ලක්‍ෂ 10 ක් ලබාදීමට යෝජනා කර තිබිණි.  මේ අනුව මොනෑෂ් විශ්ව විද්‍යාලයේ ලෝක මදුරු මර්දන වැඩසටහන ශ්‍රී ලංකාවේ ආරම්භ කිරීම සදහා වන සහයෝගීතා ගිවිසුමකට අද අත්සන් තැබිණි.  සෞඛ්‍ය අමාත්‍යංශයේ ලේකම් ජනක සුගතදාස සහ ඕස්ට්‍රියානු මහ කොමසාරිස් බ්‍රයිස් හචෙස්සන් යන මහත්වරු ඊට අත්සන් තැබුහ.  මේ අනුව ශ්‍රී ලංකාවේ ඩෙංගු වැනි  මදුරුවන්ගෙන් බෝවන වෛරස රෝග තර්ජන මැඩලීමට දෙපාර්ශවය ක්‍රියාකරති.  මෙම ගිවිසුම යටතේ ලෝක මදුරු වැඩසටහන තමන් ආරම්භ කර ඇති පර්යේෂණ අත්හදා බැලීම්වලට අඩංගු වොල්බැසියා නැමැති බැක්ටීරියාව ශ්‍රී ලංකාවේ මදුරු මර්දනයට යෙදීමට අපේක්ෂා කරයි.  මෙම බැක්ටිීරියාවෙන් ඩෙංගු රෝගය පැතිරයාම වළක්වයි.  එමෙන්ම ෂිකා සහ චිකන්ගුන්යා වැනි මදුරුවන්ගෙන් බෝවන රෝග වැළැක්වීමටද ඊට හැකියාවක් ඇත.  ප්‍රථම මදුරුවන් මුදාහැරීම ලබන වසරේදී සිදුකෙරේ.

දේශීය පුවත්

 

විදෙස් පුවත්