Sri Lanka Brodcasting Corporation

Thu10192017

Last updateWed, 18 Oct 2017 6pm

ව්‍යාපාරික පුවත්

ජාත්‍යන්තර වී පර්යේෂණ ආයතනයේ මෙහෙයුම් කාර්යාලයක් ශ්‍රී ලංකාවේ

පිලිපීනයේ මුලස්ථානය පිහිටා ඇති ජාත්‍යන්තර වී පර්යේෂණ ආයතනය මෙහෙයුම් කාර්යාලයක් ශ්‍රී ලංකාවේ ස්ථාපිත කෙරේ. බතලගොඩ වී පර්යේෂණ ආයතනයේ එය ස්ථාපිත කිරීමට යෝජනා වී තිබේ. ඒ සදහා ජාත්‍යන්තර සහල් පර්යේෂණ ආයතනය සහ ශ්‍රී ලංකාවේ වී පර්යේෂණ ආයතනය අතර අවබෝධතා ගිවිසුමක් අත්සන් තැබීමට ඇමති දුමින්ද දිසානායක මහතා ඉදිරිපත් කළ යෝජනාවකට ඇමති මණ්ඩල අනුමැතිය ලැබී තිබේ. ශ්‍රී ලංකාවට අවශ්‍ය විද්‍යාත්මක හා තාක්‍ෂණික දැනුම ලබාගැනීම ජාත්‍යන්තර වී පර්යේෂණායතනයේ මෙහෙයුම් කාර්යාලයක් ශ්‍රී ලංකාවේ ස්ථාපිත කිරීමේ අරමුණයි.
පොදු වෙළෙඳ සංකිර්ණ නවීන හා අංගසම්පුර්ණ පහසුකම් සහිතව සංවර්ධනය කිරීමේ ව්‍යාපෘතියක් ක්‍රියාත්මක කෙරේ. නාගරික සංවර්ධන අධිකාරිය හා අදාළ පලාත්පාලන ආයතන එක්ව එම වැඩපිළිවෙල ක්‍රියාත්මක කරයි. ඒ සදහා ඇමති පාඨලී චම්පික රණවක මහතා ඉදිරිපත් කළ යෝජනාවක්ද ඇමති මණ්ඩලය අනුමත කර තිබේ. කොල්ලුපිටිය. බම්බලපිටිය. බොරැල්ල. නුගේගොඩ. මහරගම. දෙහිවල. ගල්කිස්ස. මොරටුව හා කටුබැද්ද යන නගරවල පිහිටි පොදු වෙළෙඳ සංකිර්ණ ඒ යටතේ සංවර්ධනය කෙරේ.

මෙරට ජනතාවගෙන් බහුතරයක් පොලිතින් තහනමට අනුගතව සිටින බව පරිසර අධිකාරියේ සභාපතිවරයා කියයි

 

මෙරට ජනතාවගෙන් සියයට අනුවක් මේ වන විට පොලිතින් තහනමට අනුගතව සිටින බව පරිසර අධිකාරියේ සභාපති ලාල් මර්වින් ධර්මසිරි මහතා පවසයි. ඉකුත් සැප්තැම්බර් 1 වැනිදා සිට පොලිතින් නිෂ්පාදන කිහිපයක් තහනම් කිරිමට අදාල ගැසට් පත්‍රය ප්‍රකාශට පත්කෙරිණ. නාගරික අර්ධ නාගරික හා ග්‍රාමිය ප්‍රදේශවල ඊට අදාලව සිදුකල නියමු පරික්ෂණයකදි මේ බව අනාවරණය වි තිබේ. මේ පිලිබද දැනුවත් කිරිම දුෂ්කර ප්‍රදේශවල ද ඉදිරියේදි සිදුකිරිමට නියමිතයි.

වල්ලාපට්ටා කිලෝ 15 ක් හා ජංගම දුරකථන 157 ක් සමග ශ්‍රී ලාංකිකයන් දෙදෙනෙකු කටුනායකදී රේගු අත්අඩංගුවට

 

වල්ලාපට්ටා කිලෝ 15 ක් හා ජංගම දුරකථන 157 ක් නීති විරෝධි ලෙස ගෙනයාමට උත්සාහ කළ ශ්‍රී ලාංකිකයෝ් දෙදෙනෙක් කටුනායක ගුවන් තොටුපලේදී අත්අඩංගුවට ගැනෙති. ඒවායේ වටිනාකම රුපියල් 28 ලක්ෂයකට ආසන්න වේ.  ඒවා ඩුබායි බලා ගෙනයාමට උත්සාහ කිරීමේදී ගුවන් තොටුපල පිටවීම් පර්යන්තයේදී ඔවුන් අත්අඩංගුවට ගත් බව රේගු මාධ්‍ය ප්‍රකාශක සුනිල් ජයරත්න මහතා ජාතික ගුවන් විදුලියට පැවසීය.

මට්ටක්කුලියේ නව ශීතාගාරයක්

මට්ටක්කුලිය ධීවර සංස්ථා පරිශ්‍රයේ නව ශීතාගාරය විවෘත කෙරේ.  වැය කළ මුදල රුපියල් හයකෝටි පනස් ලක්ෂයකි.  මසුන් ඇසුරුම් කිරීමේ හා පුද්ගලික වෙලෙදසල්වලට බෙදා හැරීමේ වැඩපිළිවෙලක් ද එහි දැන් ක්‍රියාත්මකයි.

ඉල්ලුමට සරිලන මත්ස්‍ය නිෂ්පාදනයක් සිදු කිරීමට විශේෂ ව්‍යාපෘතියක්.

වසර 2020 දී ධීවර නිෂ්පාදන හා පෝෂණ ක්‍ෂේත්‍රයේ ඉලක්ක සපුරා ගැනීමට ධීවර හා ජලජ සම්පත් අමාත්‍යංශය කටයුතු යොදයි.  2017 අයවැයෙන් රුපියල් කෝටි 120 ක් ඒ සඳහා වෙන් කර ඇතැයි අමාත්‍යංශයේ ජ්‍යෙෂ්ඨ සහකාර ලේකම් කපිල ජනක බණ්ඩාර මහතා පැවසුවේ ජාතික ගුවන් විදුලියේ සුභාරතී සංවාද මණ්ඩපයට අදහස් දක්වමිනි. වැඩසටහන ප්‍රධාන තේමා 3කින් සමන්විතයි. මෙරට දළ ජාතික නිෂ්පාදනයෙන් වාර්ෂිකව සියයට 1 යි දශම 8 ක දායකත්වයක් ධීවර ක්‍ෂේත්‍රයෙන් හිමිවේ.  නමුත් රටේ සමස්ත ඉල්ලුම සපුරාලීමට ප්‍රමාණවත් නිෂ්පාදනයක් සිඳාුනොවේ.  මෙරට සමස්ත මත්ස්‍ය අවශ්‍යතාව මෙට්ට්‍රික් ටොන් හයලක්ෂ පනස් දහසකි.  නමුත් නිෂ්පාදනය කෙරෙන්නේ මෙට්ට්‍රික් ටොන් ලක්ෂ 5 ක් පමණක් බවද ඔහු පෙන්වා දෙයි.

ලිට්‍රෝ ගෑස් සමාගමට නව සභාපතිවරයෙක්.

 

ලිට්‍රෝ ගෑස් සමාගමේ සභාපති ධුරයට නිශ්ශංක නානායක්කාර මහතා පත් කෙරේ.
ශ්‍රී ලංකා රක්‍ෂණ සංස්ථාවේ සභාපති හේමක අමරසුරිය මහතා එම පත්කිරීම සිදුකර තිබේ. මුදල් විශුද්ධිකරණ පණත යටතේ අත්අඩංගුවට ගැනීම නිසා ලිට්‍රෝ සමාගමේ හිටපු සභාපති ශලීල මුණසිංහ මහතා එම තනතුරෙන් ඉවත් කරන ලෙස රාජ්‍ය ව්‍යවසාය සංවර්ධන අමාත්‍යංශයේ ලේකම් රවීන්ද්‍ර හේවාවිතාරණ මහතා කළ නියෝගයකට අනුව අමරසුරිය මහතා එම පත්කිරීම සිදුකර තිබේ.

කොළඹ නගරයේ ඉඩම් ඉතා විශාල වටිනාකමකින් යුක්ත බව මෑතකදි කළ සමීක්ෂණයකදි හෙලි වී තිබෙ.්

කොළඹ නගරයේ ඉඩම් ඉතා විශාල  වටිනාකමකින් යුක්ත බව මෑතකදි කළ සමීක්ෂණයකදි හෙලි වී  තිබෙ.් පසුගිය වසරක  පමණ කාලයකදි ආයෝජන කේන්ද්‍රස්ථානයක් වශයෙන්  කොළඹ නගරයේ ඉඩම් වටිනාකම  සියයට  36 කින් පමණ ඉහළ ගොස් ඇත. වැඩිම වටිනාකමක් ඇති ඉඩම් ඇත්තේ කොළඹ 01 . කොළඹ 03 සහ කොළඹ 07

Read more...

ෆොන්ටේරා සමාගමෙන් නව හඳූන්වාදිමක්

ෆොන්ටේරා බ්‍රුන්ඩ්ස් ශ්‍රී ලංකා සමාගම ඇන්කර් ලයිෆ් නමින් නව කිරිපිටි වර්ගයක් හඳූන්වා දෙයි. පසුගිය සතියේ පැවති ලෝක හදවත් දිනය නිමිත්තෙන් සංවිධානය කෙරුණු විශේෂ සංවාදයකදී මෙය හඳුන්වා දෙන ලදී. මෙය රුධිරයේ කොලෙස්ටරෝල් මට්ටම අඩු කිරීම ඉලක්ක කරගත් ශාක ස්ටෙරෝල් සහිත සහ මේදය අඩු හෘද සෞඛ්‍යයට උපකාරී වන කිරිපිටි වර්ගයක් බව ෆොන්ටේරා බ්‍රුන්ඩ්ස් සමාගමේ කළමනාකාර අධ්‍යක්ෂ සුනිල් රස්ති මහතා එහිදී පැවසීය.

ඉන්දියාවේ ක්‍රියාත්මක විශාලතම විදේශීය ගුවන් සමාගම ශ්‍රී ලංකන් ගුවන් සේවයයි

ශ්‍රී ලංකන් ගුවන් සමාගම ඉන්දියාවේ ආන්ද්‍ර ප්‍රදේශ්හි විශාකාපට්නම්හි අලෙවි කාර්යාලයක් විවෘත කරයි. ඉන්දියාවේ ක්‍රියාත්මක විශාලතම විදේශීය ගුවන් සමාගම ශ්‍රී ලංකන් ගුවන් සේවයයි. සමාගම පසුගිය ජූලි 8 වෙනි දින සිට විශාකාපට්නම් දක්වා සිය මෙහෙයුම් සිදු කරයි.

ඉන්ධන මිල වැඩි නොකරන බව විෂය භාර ඇමතිවරයා පවසයි.

ලංකා ඛණිජතෙල් නිතිගත සංස්ථාව  තෙල් මිල වැඩි නොකරන බව ඛනිජතෙල්  සම්පත් සංවර්ධන ඇමති අර්ජුණ රණතුංග මහතා පවසයි. අයි.ඕ.සි. සමාගම  තෙල් මිල වැඩි කළහොත්  සංස්ථාව පාඩු ලබා හෝ  තෙල් සපයන බව  ඇමතිවරයා සදහන් කරයි.  කොළඹ ඊයේ  පැවැති මාධ්‍ය හමුවකදි ඔහු මේ බව කිය. ඉන්ධන මිල සදහා සාධාරන මිල සුත්‍රයක් කඩිනමින් හදුන්වා දිය යුතුව ඇතැයි ද හෙතෙම පැවසිය .

දේශීය පුවත්

 

විදෙස් පුවත්