Sri Lanka Brodcasting Corporation

Wed08232017

Last updateTue, 22 Aug 2017 1pm

ව්‍යාපාරික පුවත්

ආයුර්වේද ඖෂධ අලෙවිසල් සදහා ද ප්‍රමිතියක්

ආයුර්වේද ඖෂධ අලෙවිසල් සදහා ප්‍රමිතියක් හදුන්වා දෙන බව ඇමති වෛද්‍ය රාජිත සේනාරත්න මහතා කියයි.  ඌව පළාතේ ඔසු උයන් රැසක් ද සංවර්ධනය කෙරෙනු ඇත.  අනුරාධපුරයේ යොවුන් නිකේතනයේ දී පසුගියදා පැවති උතුරුමැද පළාතේ ලියාපදිංචි පාරම්පරික වෛද්‍යවරුන් ඇගයීමේ උත්සවයකට එක් වෙමින් ඇමතිවරයා ඒ බව සදහන් කළේය.  කොළඹ ජාතික රෝහල මෙන් බොරැල්ල ආයුර්වේද රෝහල ද වැඩිදියුණු කෙරේ.

Read more...

යෝජිත නව බදු පනතින් ගැටඵ රැසකට විසදුම් ලැබෙනු ඇති බවට ප්‍රකාශයක්.

 

 

රටේ සංවර්ධන ක්‍රියාදාමය සදහා රජයට බදු ගෙවීම ජනතා වගකීමක් බව වයඹ විශ්ව විද්‍යාලයේ ජ්‍යෙෂ්ඨ කථිකාචාර්ය ආචාර්ය ආමින්ද මෙත්සිල මහතා පවසයි.  රජය අලුතින් ගෙන එන බදු පනතින් රටේ බදු සම්බන්ධයෙන් පැන නැගිී ඇති ගැටඵවලට විසදුම් ලැබෙනු ඇතැයි හෙතෙම කියයි.  නව බදු පනතින් බදු සරල කිරීම අරමුණු කෙරේ.  මෙරට බදු වර්ග 35 ක් පමණ පවතී.  මෙම සංකීර්ණ බව නැති කර අනවශ්‍ය බදු ඉවත් කිරිමට මෙමගින් ක්‍රියා කෙරෙන බව හෙතෙම පැවසුවේ ජාතික ගුවන් විදුලියේ සුභාරතී වැඩසටහනට අද එක් වෙමිනි.  

Read more...

බලපිටිය ප්‍රාදේශිය ලේකම් කොට්ඨාශයේ නව සංචාරක හෝටල් පහක ඉදිකිරීම් දැන් සිදුවෙයි

 

බලපිටිය ප්‍රාදේශිය ලේකම් කොට්ඨාශයේ නව සංචාරක හෝටල් පහක ඉදිකිරීම් දැන් සිදුවෙයි. මෙමගින් සෘජු නව රැකියා අවස්ථා 200 ක් උත්පාදනය වන බව පළාත් සංචාරක කාර්යාංශය පවසයි. සංචාරක ආකර්ෂණය දිනු ඡ්‍රදේශයක් හේතුවෙන් වක්‍ර රැකියා අවස්ථා රැසක්ද බිහිවෙයි.

*******

සාම්ප්‍රදායික කර්මාන්ත ප්‍රවර්ධනය සදහා යටිතල පහසුකම් සම්පාදනයට දකුණු පළාත් කාර්මික සංවර්ධන දෙපාර්තමේන්තුව පියවර ගනී.  මේ යටතේ නොහු ආශ්‍රිත නිෂ්පාදන ප්‍රවර්ධනයට රුපියල් ලක්ෂ 27 ක් වැය කෙරේ.  ලණු. පාපිසි සහ පැදුරු නිෂ්පාදනය පුඵල් කෙරේ.  කොහු ඇඹරීමේ යන්ත්‍ර සහන මිලට සැපයේ.  අහංගම කොහු ිනෂ්පාදන ආයතනය මීට සහාය පළ කරයි.

 

 

 

ශ්‍රී ලංකා ටෙලිකොම් සමුහය මේ වසරේ ගෙවුනු මාස හයේදී රුපියල් බිලියන 37 කට වැඩි ආදායමක්

නව තාක්ෂණය වේගයෙන් හදුන්වාදීම. එමගින් පාරිභෝගික සංඛ්‍යාව ඉහලයාම මෙම වර්ධනයට ප්‍රධාන හේතුවකි. ශ්‍රී ලංකා ටෙලිකොම් පී එල් සී ආයතනය රුපියල් බිලියන 22 කට වැඩි ආදායමක් මෙම කාලසීමාවේදී වාර්තාකර තිබේ.  එය ඉකුත් වසරට සාපේක්ෂ්ව සියයට 04 ක වර්ධනයකි.

ජාතික ඉතිරි කිරීමේ බැංකුව ශ්‍රී ලංකා මොබිටෙල් ආයතනය සමග එක්ව නව වැඩසටහනක්

මෙරට ජනතාවගේ ඉතිරි කිරීමේ පුරුද්ද තවදුරටත් වර්ධනය කිරීමේ අරමුණින් ජාතික ඉතිරි කිරීමේ බැංකුව ශ්‍රී ලංකා මොබිටෙල් ආයතනය සමග එක්ව නව වැඩසටහනක් හදුන්වා දෙයි. ඒ යටතේ එන්. එස් බී අයි සේවර් සේවාව හදුන්වාදීම කොළඹ ජාතික ඉතිරි කිරීමේ බැංකු ප්‍රධාන ශාඛා පරිශ්‍රයේදී සිදුකෙරුණි.  මෙය ඩිජිටල්කරණයේ නවතම අත්දැකීමකි.  දිවයිනපුරා ඇති 16 දහසකට වැඩි මොබිටෙල් එම් කෑෂ් නියෝජිත මධ්‍යස්ථාන ඔස්සේ මෙම සේවාව හරහා ඕනෑම වේලාවක සිය මුදල් ජාතික ඉතිරි කිරීමේ බැංකු ගිණුමේ තැන්පත් කල හැකිය.

ලෝක වෙළඳපලේ රන් මිල පහතට

ලෝක වෙළඳපලේ රන් මිල පහත වැටෙයි. ඇමරිකා එක්සත් ජනපදය හා උතුරු කොරියාව අතර නොසන්සුන්කාරීත්වය සමනය වීමත් සමග ආරක්ෂිත සංචිත කොටස් ක්ෂය වීම ඊට හේතුව බව ආර්ථික විශ්ලේෂකයෝ පවසති. ඒ අනුව ලෝක වෙළඳපලේ රන් අවුන්සයක මිල ඊයේ පස්වරුවේ වාර්තා වූයේ ඇමරිකානු ඩොලර් 1287 යි ශත 7 ක් වශයෙනි.

Read more...

රැකියා සදහා ගුණාත්මක පුහුණුවක්

කාලීන අවශ්‍යතාවයට ගැලපෙන  රැකියා සදහා ගුණාත්මක පුහුණුවක් ලබාදිමට වෘත්තිය පුහුණු අමාත්‍යංශය සූදානම් බව චන්දිම විරක්කොඩි අමාත්‍යවරයා පවසයි . ලංකාව  පුරා වෘත්තිය පුහුණු මධ්‍යස්ථාන  ආශ්‍රිතව නව පාඨමාලා  දැන් ආරම්භ කර ඇත.   විදෙස් රැකියා සදහා අවශ්‍ය  භාෂා පුහුණුව   ප්‍රමානවත් නොවිමේ ගැටඵවට විසදුම් ලබාදිම සදහා ඉංග්‍රිසි භාෂා පුහුනුව  ද ලබාදෙයි.

ලෝකයේ විශාලතම ගුවන් යානය කටුනායක ජාත්‍යන්තර ගුවන් තොටපල වෙත අද ලගාවෙයි.

 

ලෝකයේ විශාලතම ගුවන් යානය කටුනායක ජාත්‍යන්තර ගුවන් තොටපල වෙත අද ලගාවෙයි.  එමිරේට්ස් ගුවන් සමාගමට අයත් ඒ 380 දරණ මෙම යානය ඩුබායි සිට අද පස්වරු 400 ට දිවයිනට ලගාවීමට නියමිතයි.  ගුවන් තොටුපොල නවීකරණයෙන් පසු ලොව විශාලතම ගුවන් යානය දිවයිනට පැමිණෙන ප්‍රථම අවස්ථාව මෙයයි.

දේශීය වෙලෙදපොලේ පුන්නක්කු මිලගණන් ඉහල යාම නිසා කිරි ගොවීන්ට තම ව්‍යාපාරය පවත්වාගෙන යාමේ දි ගැටඵ

 

දේශීය වෙලෙදපොලේ පුන්නක්කු මිලගණන් ඉහල යාම නිසා කිරි ගොවීන්ට තම ව්‍යාපාරය පවත්වාගෙන යාමේ දි ගැටඵ රැසකට මුහුණපෑමට සිදුවී තිබෙ.්  රුපියල් 2000 ක්ව පැවති කිලෝ 50 ක පුන්නක්කු මිටිය දැන් රුපියල් 3000 දක්වා ඉහල ගොස් තිබේ.  කිරි ගවයෙකුට දිනකට දෙවතාවක් ලබාදීම සදහා පුන්නක්කු කිලෝ 20 ක් පමණ අවශ්‍ය වේ.  මීට අමතරව කිරි ගවයන්ට විටමින් හා ඖෂධ වර්ග ලබාදීමට ද විශාල මුදලක් දැරිමට සිදු වන බව කිරි ගොවිහු පවසති.  මේ පිළිබදව සොයා බලා තමන්ට යම් සහනයක් ලබා දෙන ලෙස ඔවුහු අදාල බලධාරින්ගෙන් ඉල්ලා සිටිති.

ඉකුත් ආපදා තත්ත්වයන් නිසා හානියට පත් ණය ගණුදෙනුකරුවන්ගේ ව්‍යාපාර නගා සිටුවිමට බැංකු වලින් විශේෂ සහන.

 

ඉකුත් කාලයේ පැවැති ගංවතුර . අයහපත් කාලගුණ තත්ත්වයක් හා ඊට සම්බන්ධ සිද්ධින් නිසා  හානියට පත් ණය ගනුදෙනුකරුවන්ගේ ව්‍යාපාර කටයුතු යලි නගා සිටුවිමට විශේෂ සහන ලබාදිමට සියලු බලපත්‍රලාභි බැංකු සදහා ශ්‍රි ලංකා මහා බැංකුව අවසර ලබාදෙයි. එම ගනුදෙනුකරුවන් වෙත මේ වසරේ මැයි 25 වැනිදා තෙක් පැවැති සක්‍රිය ණය පහසුකම් සදහා මාස 3 කට නොවැඩි සහන කාලයක් මෙහිදි ලැබේ. එමෙන්ම අදාල කාලයට දඩ පොලිද කපා හැරේ. ගංවතුර තත්ත්වයෙන් හානියට පත්වු ගනුදෙනුකරුවන් විශාල සංඛ්‍යාවක් මේ සම්බන්ධව දැනුවත් වි නොමැති බැවින් අදාල සහන මෙතෙක් ලබාගෙන නොමැති බව මහා බැංකුව කියා සිටි. එබැවින් අදාල ගනුදෙනුකරුවන් තම ලගම ඇති බැංකු ශාඛාවෙන් මේ පිලිබද විමසා තොරතුරු ලබාගත හැක.

දේශීය පුවත්

 

විදෙස් පුවත්