Sat08242019

Last updateTue, 18 Jun 2019 8am

නවතම පුවත්

අධිකරණ නියෝගය සම්බන්ධයෙන් පක්ෂ විපක්ෂ මන්ත්‍රිවරු අදහස් දක්වති

කැබිනට් මණ්ඩලය අත්හිටවු බව ප්‍රකාශ කරමින් ඊයේ දින ලබාදුන් අධිකරණ නියෝගය පිළිබඳව සෑහීමකට පත්නොවන බව පාර්ලිමේන්තු මන්ත්‍රි දිනේෂ් ගුනවර්ධන මහතා කියයි. මේ පිළිබඳව අභියාචනයක් ඉදිරිපත් කිරීමට අද කටයුතු කරන බව හෙතෙම සඳහන් කලේය.

කොළඹ පැවති ප්‍රවෘත්ති සාකච්ඡාවකදී ගුනවර්ධන මහතා මේ බව පැවසීය. ඔහු වැඩි දුරටත් පැවසුවේ රටේ ස්ථාවරභාවය සඳහා මහා මැතිවරණයක් අවශ්‍ය බවයි.

මේ සඳහා අවශ්‍ය නීතිමය ක්‍රියාමාර්ග අද පෙරවරුවේ සිට නීති ක්ෂේත්‍රයේ ප්‍රවීනයන් හා එක්ව ගන්නා බව පාර්ලිමේන්තු මන්ත්‍රි සුසිල් ප්‍රේමජයන්ත මහතා පැවසීය. ජනාධිපතිතුමා නීති උපදෙස් පරිදි ඉදිරි කටයුතු සිදුකරනු ඇතැයි ද ඔහු සඳහන් කලේය.

කැබිනට් මණ්ඩලය සම්බන්ධයෙන් අභියාචනාධිකරණය ලබාදුන් අතුරු තහනම් නියෝගයෙන් පසු පාර්ලිමේන්තු මන්ත්‍රිවරුන් කිහිප දෙනෙකුම අදහස් දැක්විය. පාර්ලිමේන්තු මන්ත්‍රි රිෂාඩ් බදියුදින් මහතා පැවසුවේ අධිකරණයට ගරු කොට පාර්ලිමේන්තු බහුතරයට ගරු කොට රනිල් වික්‍රමසිංහ මහතා යළිත් අගමැති ධූරයට පත්කළ යුතු බවයි.

නීත්‍යානුකුල රජයක් නොවේ නම් එය පාර්ලිමේන්තුවට ඉදිරිපත් කරන නියමිත ක්‍රමවේදයක් ඇතැයි පාර්ලිමේන්තු මන්ත්‍රි අනුර ප්‍රියදර්ශන යාපා මහතා කියයි. ස්ථාවර නියෝගවලට අනුව කටයුතු කරමින් විශ්වාසභංග යෝජනාවක් ගෙන ආ යුතුය. වැරදි ක්‍රම ඔස්සේ ගෙනඑන විශ්වාසභංග පිළිගත නොහැකි බව ඔහු පෙන්වා දෙයි.

අප බලාපොරොත්තු වු අයුරින් අධිකරණය වග උත්තරකරුවන්ට නොතිසි නිකුත් කිරීමට තීරණය කළ බව පාර්ලිමේන්තු මන්ත්‍රි උදය ගම්මන්පිල මහතා කිවේය. එහෙත් බලාපොරොත්තු නොවු අයුරින් අගමැති ප්‍රමුඛ ඇමති මණ්ඩලය අත්හිටුවීමේ නියෝගයක් ලබාදි තිබේ. කෙසේ වුවත් අධිකරන තීන්දුවට ගරු කරන බව ද ඔහු කියා සිටී.

රනිල් වික්‍රමසිංහට යලිත් අගමැතිධූරය ලබා නොදෙන බව ජනාධිපතිතුමා යලි තහවුරු කලා - මන්ත්‍රී ලක්ෂ්මන් කිරිඇල්ල

ජනාධිපති මෛත්‍රිපාල සිරිසේන මැතිතුමා සහ එක්සත් ජාතික පක්ෂ මන්ත්‍රීවරු අතර ඊයේ පැවති සාකච්ඡාද අසාර්ථක වූ බව ලක්ෂ්මන් කිරිඇල්ල මන්ත්‍රිවරයා පවසයි. පාර්ලිමේන්තුවේ දෙසිය විසි පස් දෙනාගේම කැමැත්ත රැගෙන පැමිණියද රනිල් වික්‍රමසිංහ මහතාට අගමැතිධූරය ලබා නොදෙන බව ජනාධිපතිතුමා එම රැස්වීමේදී යලි තහවුරු කර ඇත.

ඊයේ රාත්‍රියේ ජනාධිපතිතුමා සමග පැවති හමුවට එක්සත් ජාතික පක්ෂ ප්‍රබලයෝ රැසක් සහභාගී වූහ. ජනාධිපති කාර්යාලයේදී හමුව පැවැත්විණ.

ශ්‍රී ලංකා නිදහස් පක්ෂ මහ සම්මේලනය අද

ශ්‍රි ලංකා නිදහස් පක්ෂ නියෝජිත මහා සම්මේලනය පක්ෂ සභාපති ජනාධිපති මෛත්‍රිපාල සිරිසේන මැතිතුමාගේ ප්‍රධානත්වයෙන් සුගතදාස ගෘහස්ථ ක්‍රිඩාංගණයේදී අද පැවැත්වේ. අද පස්වරුවේ පැවැත්වෙන මෙම සම්මේලනයේ දී ජනාධිපතිතුමා විශේෂ ප්‍රකාශයක් ද සිදු කරයි. ශ්‍රී ලංකා නිදහස් පක්ෂ මධ්‍යම කාරක සභාවේදී පැමිණි එකගතාවකට අනුව නියෝජිත මහා සම්මේලනය පැවැත්වේ.

දිස්ත්‍රික් බලමණ්ඩල ක්‍රියාකාරීන් . ශ්‍රී ලංකා නිදහස් පක්ෂ මැති ඇමතිවරුන් . සහ ආසන සංවිධායකවරුන් මෙම සමුඵවට සහභාගි වන බව ජනාධිපති මාධ්‍ය අංශය කියයි. වත්මන් දේශපාලන තත්ත්වය හා පක්ෂයේ ඉදිරි ගමන් මග සම්බන්ධයෙන් ජනාධිපතිතුමා මෙහිදී කරුණු දක්වයි.

පක්ෂ සියල්ල රැස්කර ඉන් ලැබෙන අනුමැතිය පරිදි ඡන්දයක් පැවැත්වීමට සුදානම් බව එක්සත් ජාතික පක්ෂ නායකයා කියයි

රටට සුදුසු අගමැතිත් කැබිනට් මණ්ඩලයත් තමා ඇතුඑ එක්සත් ජාතික පෙරමුණේ කැබිනට් මණ්ඩලය බව එක්සත් ජාතික පක්ෂ නායක රනිල් වික්‍රමසිංහ මහතා කියයි. මේ වන විට සංචාරක ක්ෂේත්‍රය කඩා වැටී ඇත බඩු මිල ඉහළ ගොස් තිබේ.

ව්‍යවස්ථාව අනුව පාර්ලිමේන්තු බහුතරය ඇති කෙනා අගමැති හා රජය බවට පත්විය යුතු යැයි ඔහු ගාල්ලේ පැවති රැස්වීමකදී කිවේය. පක්ෂ සියල්ල රැස්කොට ඔවුන්ගේ අනුමැතිය පරිදි ඡන්දයක් පැවැත්විමට සුදානම් බව ද වික්‍රමසිංහ මහතා සඳහන් කලේය.

කැබිනට් මණ්ඩලය අත්හිටවු බවට අභියාචනාධිකරණය දුන් අතුරු තහනම් නියෝගයට එරෙහිව ශ්‍රේෂ්ඨාධිකරණයට අභියාචනයක් අද ඉදිරිපත් කරන බව මහින්ද රාජපක්ෂ මහතා කියයි

කැබිනට් මණ්ඩලය අත්හිටවු බවට අභියාචනාධිකරණය ලබාදුන් අතුරු තහනම් නියෝගයට එරෙහිව අද ආරම්භක පැයේදිම ශ්‍රේෂ්ඨාධිකරනය වෙත අභියාචනයක් ඉදිරිපත් කරන බව පාර්ලිමේන්තු මන්ත්‍රි මහින්ද රාජපක්ෂ මහතා පවසයි.

ආණ්ඩුක්‍රම ව්‍යවස්ථාවේ අර්ථ නිරූපනය කිරීමේ සහ ඊට අදාල අවසාන තීන්දුව ගැනිමේ පරම අයිතිය ව්‍යවස්ථානුකූලව පැවරී ඇත්තේ ශ්‍රේෂ්ඨාධිකරණයට බව ඔහු නිකුත් කළ නිවේදනයේ දැක්වේ.

විදේශ න්‍යාය පත්‍රවලට හා චින්තනයන්ට අනුව ක්‍රියා කරන මෙරට ඇතැම් නායකයන්ට ඌව වෙල්ලස්ස අරගලයේ පාඩම කියා දිය යුතු යැයි ජනාධිපතිතුමා පවසයි

මෙරට ඇතැම් නායකයන් විදේශ න්‍යාය පත්‍රවලට හා විදේශ චින්තනයන්ට අනුව ක්‍රියාකරමින් සිටින බව ජනාධිපති මෛත්‍රිපාල සිරිසේන මැතිතුමා පවසයි. එවැනි අයට ඌව වෙල්ලස්ස අරගලයේ පාඩම කියාදිම ජනතාවගේ වගකිම බව එතුමා පෙන්වා දෙයි. ඌව වෙල්ලස්ස නිදහස් අරගලයේ දෙසියවස් සැමරුම් ජාතික සමුලුව අමතමින් එතුමා මේ බව කිවේය. කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ එය පැවැත්වුණි
අගමැති මහින්ද රාජපක්ෂ මහතා ඇතුලු තවත් මැති ඇමතිවරු ද මේ අවස්ථාවට එක්වුහ. ජනාධිපති ලේකම් කාර්යාලය හා කැළණි විශ්ව විද්‍යාලයේ ජනසංනිවේදන අංශය මෙය සංවිධානය කර තිබුණි.

පුජ්‍ය දඹර අමිල ස්වාමීන් වහන්සේට ලිට්රෝ ගෑස් සමාගමෙන් දුන් මුදලට අදාල රිසිට්පත හදුනා ගැනේ

පාර්ලිමේන්තුවේදී සිදුකළ වැය ශීර්ෂ කපාහැරීමේ යෝජනාව ව්‍යවස්ථාවට පටහැනි බව අමාත්‍ය බන්දුල ගුවර්ධන මහතා කොළඹ ඊයේ පැවති මාධ්‍ය හමුවක දී කීවේය.
පුජ්‍ය දඹර අමිල හිමියන් ලිට්රෝ ගෑස් සමාගමේ මුදල් අවභාවිත කළ බවට තොරතුරු අනාවරණය වී ඇතැයි පෙන්වාදුන් ගුනවර්ධන මහතා ඒ පිළිබඳව ද අදහස් දැක්වීය.
පසුගිය කාලයේ ලිට්රෝ ගෑස් සමාගමේ සහ විවිධ ආයතනවලින් වරදාන වරප්‍රසාද ලබාගත් විවිධ පාර්ශවයන් පිලිබදව හෙලිදරව් වන බව පාර්ලිමේන්තු මන්ත්‍රි කාංචන විජේසේකර මහතා පවසයි.
මේ අතර පුජ්‍ය දඹර අමිල හිමියන්ට ලිට්රෝ ගෑස් සමාගමෙන් ලබා දුන් මුදලට අදාල රිසිට්පත ලිට්රෝ ගෑස් සමාගමේ මුල්‍ය පාලක විවෘත අධිකරණයේදී හදුනා ගනු ලැබිය. හිටපු ජනාධිපති කාර්ය මණ්ඩල ප්‍රධානියෙකු වන ගාමිණි සෙනරත් මහතා ඇතුඵ 4 දෙනෙකුට එරෙහිව ගොනු කර ඇති නඩුවේ සාක්ෂි විමසීම ඊයේ කොළඹ ස්ථිර ත්‍රිපුද්ගල මහාධිකරණයේදී ආරම්භ වු අවස්ථාවේදී එම හදුනා ගැනීම සිදුවිය. නඩුවේ වැඩිදුර සාක්ෂි විභාගය දෙසැම්බර් 7 වැනිදාට කල් තැබුණි.

ස්පාඤ්ඤයේ මැඩ්රිඩ් අගනුවරට පැරණි මෝටර් රථ ඇතුඵ වීම තහනම් කෙරේ

වායු දුෂණය අඩු කිරීමේ අරමුණින් ස්පාඤ්ඤ්යේ මැඩ්රිඩ් අගනුවර පැරණි මෝටර් රථ ධාවනය තහනම් කිරීමට තීරණය කෙරේ.  මේ යටතේ වායු දුෂණය සියයට 40 කින් අඩු කිරීම අපෙක්ෂාවයි.  නගරයට ඇතුඵ වීමට පෙර මෝටර් රථ විශේෂ පරිීක්ෂාවකට ද ලක් කෙරේ.  අදාල නීති මාලා කඩ කරන රියදුරන්ට ඩොලර් 80 ක දඩයක් ගෙවීමට සිදු වෙයි.  නගරය තුල පාපැදි ධාවනය වැඩි කිරීමේ අටියෙන් වාහන සදහා නව නීති මාලා හදුන්වා දී ඇත.  මැඩ්රිඩ් නගර කවුන්සිලය එය ක්‍රියාත්මක කරයි.  ඊයේ ක්‍රියාත්මක වු මෙම නව නීතිය හේතුවෙන් නගරයට ඇතුඵ වීමට උත්සාහ කළ පැරණි මෝටර් රථ සියයට 20 ක් පමණ අඩු කිරීමට හැකිවී තිබේ.  දෙමුහුන් වර්ගයේ මෝටර් රථ පරිසරකාමි ලෙස සදහන් නම් ඒවාට ඇතුඵ විය හැකිය.

ශ්‍රව්‍යාබාධිත 20 යි 20 ලෝක කුසලානය ශ්‍රිී ලංකාවට

ඕවර් 20 යි 20 ශ්‍රව්‍යාබාධිත ලෝක ක්‍රිකට් කුසලානය ජය ගැනීමට ශ්‍රීි ලංකාව සමත් වෙයි.  ඉන්දියාවේ නවදිල්ලි නුවර පැවති අවසන් තරගයේ දී සත්කාරක ඉන්දීය කණ්ඩායම පරාජය කරමින් ලකුණු 36 ක ජයක් වාර්තා කිරීමට ශ්‍රිී ලංකාව සමත් විය.

වයස අවුරුදු 11 න් පහල අන්තර් පාසල් බැඩ්මින්ටන් තරගාවලිය කුරුණැගලදී

ශ්‍රී ලංකා පාසල් බැඩ්මින්ටන් සංගමය සංවිධාන කරන වයස අවුරුදු 11 න් පහල අන්තර් පාසල් බැඩ්මින්ටන් තරගාවලිය කුරුණැගල බෝයගනේ යුද හමුදා ගෘහස්ථ ක්‍රිඩාගාරයේදී සහ වෙලේගෙදර ක්‍රිඩාංගනයේ ගෘහස්ථ ක්‍රිඩාගාරයේ අද සිට දෙසැම්බර් පළමුවැනිදා දක්වා පැවැත්වේ. තරගාවලිය සදහා දිවයිනපුරා පාසල් 120 ක් නියෝජනය කරමින් ක්‍රිඩක ක්‍රිඩිකාවෝ 1400 කට අධික පිරිසක් සහභාගී වෙති.

වැඩි කාර්යක්‍ෂ්මතාවයකින් හම්බන්තොට වරායේ භාණ්ඩ හැසරවීමේ සිදුකරයි

හම්බන්තොට වරායේ මෙහෙයුම් වැඩිදියුණු කිරීමේ අරමුණින් හම්බන්තොට ඉන්ටර්නැෂනල් පෝට් ගෲප් සමාගම අමෙරිකානු ඩොලර් ලක්‍ෂ 6 ක අයෝජනයක් සිදුකරයි. එමගින් නව යන්ත්‍ර කිහිපයක් සහ භාණ්ඩ ගෙඩබෑමේදී එසවීමේ ආම්පන්න මිලදී ගෙන ඇත.

ග්ලෝවිස් සෙන්චරි නෞකාවේ මෙහෙයුම් සදහා නිල වශයෙන් එම උපකරණ යොදා ගන්නා ලදී. නව යන්ත්‍රෝපකරණ මගින් භාණ්ඩ හැසරවීමේ කාර්යක්‍ෂ්මතාව වැඩිදියුණු කිරීමට හැකිවන බව හම්බන්තොට ඉන්ටර්නැෂනල් පෝට් ගෲප් සමාගම පවසයි.

කාම්බෝජ අගමැතිවරයා නේපාලයේ සංචාරයක

කාම්බෝජියා අග්‍රාමාත්‍ය හුන් සෙන් මහතා සහ මියන්මාරයේ අවුන්සාන් සුකී මහත්මිය අද නේපාලයේ සංචාරයක් ආරම්භ කළහ. නේපාල අග්‍රාමාත්‍ය ශර්මා ඔලි මහතාගේ ආරාධනයක් අනුව සංචාරය සිදුවෙයි.

කාම්බෝජියා අගමැතිවරයෙකු නේපාලයේ සංචාරයක නිරත වන ප්‍රථම අවස්ථාව මෙයයි. සිය රටවලට අදාළ ද්විපාර්ශවික කරුණු සම්බන්ධයෙන් ඔවුන් සාකච්ඡා කරනු ඇත.

දේශපාලනඥයන් සියඵදෙනා ආණ්ඩුක්‍රම ව්‍යවස්ථාව ආරක්‍ෂා කිරීමට බැදි සිටින බව සජිත් ප්‍රේමදාස මන්ත්‍රිවරයා පවසයි

ජනාධිපති මෛත්‍රිපාල සිරිසේන මැතිතුමා අවස්ථා දහයකදී අගමැති ධුරය භාරගන්නා ලෙස තමාට දැනුම් දුන් බව පාර්ලිමේන්තු මන්ත්‍රි සජිත් ප්‍රේමදාස මහතා කියයි. පාර්ලිමේන්තු සංකිර්ණයේ අද පැවැති මාධ්‍ය හමුවකදී ඔහු ඒ බව සදහන් කළේය.

සුබසාධණ ආර්ථිකයක් මගින් රටේ ජනජීවිතය ශක්තිමත් කිරීමේ අවශ්‍යතාව ඔහු පෙන්වා දුන්නේය. දේශපාලනඥයන් සියඵ දෙනා නීතියේ ආදිපත්‍ය සහතික කිරීමට හා ආණ්ඩුක්‍රම ව්‍යවස්ථාව ආරක්‍ෂා කිරීමට බැදී සිටින බව මන්ත්‍රිවරයා සදහන් කළේය.

රාජ්‍ය සේවකයන් අකර්මන්‍ය කිරීමට විපක්‍ෂය ක්‍රියාකළත් එය සිදු නොවන බවට ඇමති විමල් වීරවංශ මහතාගෙන් ප්‍රකාශයක්

අමාත්‍ය විමල් වීරවංශ මහතා සදහන් කලේ නීති රීති හා චක්‍රලේඛ නොතකා ඉදිරියේදී කටයුතු කරන බවට එක්සත් ජාතික පක්ෂ නායකයින් සිදුකර ඇති ප්‍රකාශ ගැටඵ සහගත බවයි.

කෙසේ වුවද බදු සහන ලබාදෙමින් ආර්ථිකය ශක්තිමත් කරමින් ආණ්ඩුව ඉදිරියට රැගෙන යන බව හෙතෙම පැවසීය. රාජ්‍ය සේවයකයින් අකර්ම්‍ය කිරීමට විපක්ෂය ක්‍රියා කළත් එය සිදු නොවන බව ඇමතිවරයා අවධාරණය කළේය

අද දිනයේ පාර්ලිමේන්තුව රැස්වීම අණ්ඩුක්‍රම ව්‍යවස්ථාවට ස්ථාවර නියෝගවලට සහ සම්ප්‍රදායන්ට පටහැනියි - ඇමති දයාසිරි ජයසේකර

බහුතර කණ්ඩායමකගේ විශ්වාසය දිනාගත හැකි පුද්ගලයා අගමැති ලෙස පත්කිරීමට ව්‍යවස්ථාවේ ඇති විධිවිධාන පරිදි ජනාධිපතිතුමා මහින්ද රාජපක්‍ෂ මහතා අග්‍රාමාත්‍යවරයා ලෙස පත්කළ බව සම කැබිනට් මාධ්‍ය ප්‍රකාශක අමාත්‍ය දයාසිරි ජයසේකර මහතා පවසයි. ඒ අනුව අග්‍රාමාත්‍ය ධුරයේ පුරප්පාඩුවක් නොපවතින බව පවසන ඇමතිවරයා අද දිනයේ පාර්ලිමේන්තු රැස්වීම ආණ්ඩුක්‍රම ව්‍යවස්ථාවට ස්ථාවර නියෝගවලට හා සම්ප්‍රදායන්ට පටහැනිවුවක් බවද සදහන් කරයි.

ආණ්ඩුක්‍රම ව්‍යවස්ථාවේ විධිවිධානවලට අනුව මුදල් පණතක් ඉදිරිපත් කළහැක්කේ කැබිනට් අමාත්‍යවරුන්ට පමණි. අද දින අග්‍රාමාත්‍යවරයාගේ වැය ශීර්ෂ කපා දැමීම සදහා යෝජනාවක් සම්මත වු බවට විපක්‍ෂය කරන ප්‍රකාශවල කිසිදු පදනමක් නැත. රාජ්‍ය නිලධාරීන් බියවැද්දීම සදහා විපක්‍ෂය එවැනි ක්‍රියාවල නිරත වෙයි.

මාධ්‍ය සංදර්ශනවලින් ජනතාව අපහසුතාවට පත්කිරීමේ උත්සාහයක විපක්‍ෂය නිරතව සිටින බවද අමාත්‍යවරයා චෝදනා කරයි. විපක්‍ෂයේ මන්ත්‍රිවරුන්ට මුදල් පණත් ඉදිරිපත් කිරීමට හෝ වැය ශීර්ෂ කපා දැමීමට යෝජනා ඉදිරිපත් කිරීමේ හැකියාවක් නැත ඒ අනුව අද දිනයේ විපක්‍ෂය පාර්ලිමේන්තුවේදී ගත්තේ මීට පෙර අවස්ථාවලදී මෙන් ජාත්‍යන්තරයේ අවධානය දිනා ගැනීම සදහා උත්සාහයක් බව දයාසිරි ජයසේකර ඇමතිවරයා කියයි. මෙවැනි ක්‍රියාකාරකම්වලින් රජයේ හෝ මහජනතාව අපහසුතාවට පත්කිරීමට නොහැකි බව පවසන අමාත්‍යවරයා රජය නිත්‍යානුකුලව මහජන සුබසිද්ධියට අදාළවන කටයුතුවල නිරතව සිටින බවද සදහන් කරයි.

ඛණිජ තෙල් අලෙවි කිරීමේදී පවතින මිල විෂමතා ඉවත් කිරීමට සාකච්ඡා

ඛණිජ තෙල් අලෙවි කිරීමේදී පවතින මිල විෂමතා ඉවත් කිරීමට අදාළ අංශ සමග සාකච්ඡා කර අවශ්‍ය ක්‍රියාමාර්ග ගන්නැයි අගමැති මහින්ද රාජපක්‍ෂ මහතා ඇමති ගාමිණි ලොකුගේ මහතාට උපදෙස් දෙයි. ඉන්දියානු තෙල් සමාගමට අයත් ඛණිජතෙල් බෙදුම්කරුවන්ගේ සංගමයේ නියෝජිතයන් සමග අගමැති කාර්යාලයේ අද පැවැති සාකච්ඡාවකදී අගමැතිවරයා එම උපදෙස් දුන්නේය.

ලංකා ඛණීජතෙල් නීතිගත සංස්ථාවේ පිරවුම්හල්වල විකුණුම් මිල හා ඉන්දීය තෙල් සමාගම පිරවුම්හල්වල විකුණුම් මිල සමාන මට්ටමකට ගෙනඑන්නැයි බෙදුම්කරුවන්ගේ සංගමයේ නියෝජිතයෝ එහිදී ඉල්ලා සිටියහ. සංස්ථා පිරවුම්හල්වල අලෙවි මිලට වඩා ඉන්දීය තෙල් සමාගමේ පිරවුම්හල්වල අලෙවි මිල ගණන් ඉහළ මට්ටමක පැවතීම නිසා තමන්ට විශාල පාඩුවක් සිදුවන බව ඔව්හු පෙන්වා දුන්නහ.

වතු කම්කරුවන්ගේ වැටුප් ගැටළුව සම්බන්ධයෙන් අගමැතිගෙන් දෙපාර්ශවයට උපදෙස්

දෙනික වැටුප වැඩි කර ගැනීම සඳහා  වතු කම්කරුවන් ගෙන යන අරගලය සම්බන්ධයෙන් සාකච්ඡාවට තීරණයක් ගෙන ලබන මස 03 වෙනිදා තමන්ට දැනුම් දෙන ලෙස අග්‍රාමාත්‍ය මහින්ද රාජපක්ෂ මහතා වතු කම්කරු සංගම් නියෝජිතයන් ට සහ වතු හාම්පුතුන්ට දැනුම් දී ඇත.

වතු කම්කරුවන් බලාපොරොත්තු වන වැටුප සහ හාම්පුතුන් විසින් ලබා දීමට අපේක්ෂා කරන වැටුප පිලිබදව සාකච්ඡාවෙන් තීරණයක් ලැබිය යුතුව ඇත.

අද (29) අග්‍රාමාත්‍ය කාර්‍යාලයේදී මෙම ගැටළුව සම්බන්ධ‍යෙන් පැවති  සාකච්ඡාවකදී අග්‍රාමාත්‍යවරයා මෙම උපදෙස් දී ඇත.

ලෝක ශුරතා නෙට්බෝල් තරගාවලිය ඉලක්ක කර ශ්‍රී ලංකා නෙට්බෝල් සංචිතය තෝරා ගැනීම ජනවාරි මාසයේ

ලෝක ශුරතා නෙට්බෝල් තරගාවලිය ඉලක්ක කර ශ්‍රී ලංකා නෙට්බෝල් සංචිතය තෝරා ගැනීම ලබන ජනවාරි මාසයේ අරඹන බව ශ්‍රී ලංකා නෙට්බෝල් පුහුණුකාරිනි තිලකා ජිනදාස මෙනවිය කියයි. දිවයිනපුරා සිටින උස ක්‍රිඩිකාවන්ට එහිදී අවස්ථාව හිමිවෙයි. මිලග ලෝක ශුරතා නෙට්බෝල් තරගාවලියේදී ශ්‍රී ලංකා කණ්ඩායම ලෝකයේ හාඳම කණ්ඩායම් දහය අතරට එක්කිරීම ඉලක්කය බවද ඇය සදහන් කරයි. ලෝක ශුරතා තරගාවලිය පෙර අප්‍රිකානු හා යුරෝපිය තරග සංචාර දෙකකට ශ්‍රී ලංකා නෙට්බෝල් කණ්ඩායම සහභාගි කරවීමට ද සැලසුම් කර තිබේ. ලෝක ශුරතා නෙට්බෝල් තරගාවලිය ලබන වසරේ ජුලි මාසයේ එංගලන්තයේ ලිවර්පුල් හිදී පැවැත්වෙයි. එහිදී ශ්‍රී ලංකා කණ්ඩායම සිම්බාබ්වේ . නෙදර්ලන්ත හා ඔස්ට්‍රෙිලියානු කණ්ඩායම් සමග තරග වදිනු ඇත.

පාර්ලිමේන්තුවේ අද දින රැස්වීම නීති විරෝධි හා ව්‍යවස්ථාවට පටහැනි නිසා ඊට සහභාගි නොවු බවට සභානායකවරයාගෙන් ප්‍රකාශයක්

පාර්ලිමේන්තුව අද දින රැස්වීම නීති විරෝධි හා ව්‍යවස්ථාවට පටහැනි නිසා ඊට සහභාගි නොවු බව සභානායක අමාත්‍ය දිනේෂ් ගුණවර්ධන මහතා පවසයි. පාර්ලිමේන්තු සංකීර්ණයේ අද පැවති ප්‍රවෘත්ති සාකච්ඡාවට එක්වෙමින් අමාත්‍යවරයා මේ බව පැවසීය. අධිකරණයේ විනිශ්චයට භාජනය වන කරුණක් පිළිබඳව පාර්ලිමේන්තුවේ සාකච්ඡා කළ නොහැකිය. එය සැම කථානායකවරයෙකුම ආරක්ෂා කළ සම්ප්‍රදායකි. වර්තමානයේදී එය උල්ලංගනය කර තිබේ. මුදල් පනතක් හෝ යෝජනාවක් පාර්ලිමේන්තුවට ඉදිරිපත් කළ හැක්කේ අමාත්‍ය මණ්ඩලයේ අනුමැතිය මත ඇමතිවරයෙකුට පමණි. එහෙත්. අද එය උල්ලංගනය කර ඇත. එය ස්ථාවර නියෝගවලට ද පටහැනය. අද පැවති පක්ෂ නායක රැස්වීම ද නිතයානුකුල නොවන බව ඔහු වැඩිදුරටත් පැවසීය.
මෙහිදී අදහස් දැක්වු අමාත්‍ය නිමල් සිරිපාල ද සිල්වා මහතා තේරීම් කාරක සභාව පත්කිරීමේදී ආණ්ඩුවට බහුතරය ලබා නොදීමට කථානායකවරයා ක්‍රියාකළ බව පැවසීය. තේරීම් කාරක සභාව පත්කිරීමෙන් පසු පත්කළ යුතු පක්ෂ නායක කමිටුව ද පත්කර නැත.
අමාත්‍ය මහින්ද සමරසිංහ මහතා අදහස් දක්වමින් පැවසුවේ දේශපාලන න්‍යාය පත්‍රයක් පදනම් කර ගනිමින් පෙර පැවති ආණ්ඩුව නැවත ගෙනඒමට කථානායකවරයා කටයුතු කරන බවයි.
අමාත්‍ය විමල් වීරවංශ මහතා සදහන් කලේ නීති රීති හා චක්‍රලේඛ නොතකා ඉදිරියේදී කටයුතු කරන බවට එක්සත් ජාතික පක්ෂ නායකයින් සිදුකර ඇති ප්‍රකාශ ගැටඵ සහගත බවයි. කෙසේ වුවද බදු සහන ලබාදෙමින් ආර්ථිකය ශක්තිමත් කරමින් ආණ්ඩුව ඉදිරියට රැගෙන යන බව හෙතෙම පැවසීය. රාජ්‍ය සේවයකයින් අකර්ම්‍ය කිරීමට විපක්ෂය ක්‍රියා කළත් එය සිදු නොවන බව ඇමතිවරයා අවධාරණය කළේය.

තමන්ට පාර්ලිමේන්තුවේ 122 ක බහුතරයක් ඇති බවට විපක්ෂ කණ්ඩායම් කරන ප්‍රකාශය පිළිබඳව ඇමති දයාසිරි ජයසේකර මහතා කරුණු පැහැදිලි කරයි.

පාර්ලිමේන්තු මන්ත්‍රි අනුර කුමාර දිසානායක මහතා විවාදයට එක්වෙමින් රනිල් වික්‍රමසිංහ මහතා අරලියගහ මන්දිරයෙන් ඉවත්විය යුතු බව පැවසීය. ඔහුට එහි නිතයානුකුලව සිටිය නොහැකිය. ඔහු එහි රැදි සිටිමේ වියදම ජනතාවට දැරීමට සිදුවී ඇතැයි මන්ත්‍රිවරයා පැවසීය.
පාර්ලිමේන්තු මන්ත්‍රි පුජ්‍ය අතුරලියේ රතන ස්වාමින් වහන්සේ එහිදී පැවසුවේ ජනාධිපතිතුමාට බැණ වැදීමෙන් මෙම ගැටඵව විසදාගත නොහැකි බවයි. ව්‍යවස්ථාදායකය හා අධිකරණය අතර ඒකමතිකභාවයක් තිබිය යුතුය.

විවාදය තවදුරටත් පැවැත්වේ. අද දිනයේද පාර්ලිමේන්තු සැසිවාරයට ඇමති ආචාර්ය විජයදාස රාජපක්ෂ මහතා හැර ආණ්ඩු පක්ෂයේ කිසිවෙකු හෝ සහභාගි වුයේ නැත. පාර්ලිමේන්තුව හෙට පෙරවරු 10.30 ට යලි රැස්වෙයි.

ජනාධිපතිතුමා සමග සාකච්ඡා කිරීමේ අපහසුතාවක් නැතැයි පවසන කථානායකවරයා ප්‍රශ්නය විසදා ගැනීමට සෑම උත්සාහයක්ම නොපමාව ගන්නා බව ප්‍රකාශ කරයි.

පාර්ලිමේන්තුව කථානායක කරු ජයසුරිය මහතාගේ ප්‍රධානත්වයෙන් අද පෙරවරුවේ රැස්විය. එහිදී ප්‍රකාශයක් කළ ඇමති විජයදාස රාජපක්ෂ මහතා වත්මන් දේශපාලන අස්ථාවරත්වය තුළ ජයක් ලබන දේශපාලනඥයෙකු හෝ දේශපාලන පක්ෂයක් නැතැයි පෙන්වා දුන්නේය. ජනාධිපතිතුමා සමග සාකච්ඡා කර මෙම ගැටඵවට කඩිනම් විසදුමක් ලබා ගැනීමට ඉදිරිපත් වන්නැයි ඔහු කථානායකවරයාගෙන් ඉල්ලා සිටියේය.

මේ පිළිබඳව පුර්ණ අවධානය යොමුකර ජනාධිපතිතුමා සමග සාකච්ඡා කර කඩිනමින් විසදා ගැනීමට උත්සාහ දරන බව කථානායක කරු ජයසුරිය මහතා එහිදී පැවසීය. ජනාධිපතිතුමා හා තමා අතර සාකච්ඡා පැවැත්වීමට අපහසුතාවක් නොමැති බවත් අන්‍යෙන්‍ය විශ්වාසය ඇති බවත් ඔහු කීවේය. මෙම ප්‍රශ්නය විසදා ගැනීමට හැකි සෑම උත්සාහයක්ම නොපමාව ගන්නා බවත් ප්‍රජාතන්ත්‍රවාදය ආරක්ෂා කිරීමට අත්‍යවශ්‍ය බවත් කථානායකවරයා පැවසීය.
පසුගිය 14 වැනිදා සිට 16 වැනිදා දක්වා කාලය තුළ පාර්ලිමේන්තුවේ ඇතිවු තත්ත්වය පිළිබඳව පොලිසිය දැන් විමර්ෂණයක් ආරම්භ කර ඇතැයි කථානායක කරු ජයසුරිය මහතා පැවසීය. ඊට අමතරව අභ්‍යන්තර විමර්ෂණයක් සදහා නියෝජ්‍ය කථානායක ආනන්ද කුමාරසිරි මහතාගේ සහභාපතිත්වයෙන් කමිටුවක් පත්කර තිබේ. ඇමති චමල් රාජපක්ෂ මහතා ද රංජිත් මද්දුමබණ්ඩාර. චන්ද්‍රසිරි ගජධිර. බිමල් රත්නායක හා මාවේ සේනාධිරාජා යන මන්ත්‍රිවරුන්ද සෙසු සාමාජිකයෝ වෙති.
රාජ්‍ය මුදල් වැය කිරීම සම්බන්ධයෙන් විපක්ෂයට යෝජනා ඉදිරිපත් කළ නොහැකි බව ආණ්ඩු පක්ෂය අද තමන්ට දැනුම්දුන් බව පැවසු කථානායකවරයා එම අදහස පිළිගත නොහැකි බව ඔවුන්ට දැනුම්දුන් බවද සදහන් කළේය