Mon04222019

Last updateSun, 21 Apr 2019 1pm

World News

ඇමරිකානු ජනාධිපතිවරයාගේ රජයේ තවත් ඉහල පෙලේ ප්‍රධානියෙක් ඉල්ලා අස්වෙයි

ඇමරිකාවේ අත්‍යවශ්‍ය කටයුතු කළමනාකරණ ඒජන්සියේ ප්‍රධානී බ්‍රෝක් ලෝන් ඉල්ලා අස් වෙයි.  ඔහු ඇමරිකානු ජනාධිපති ඩොනල්ඩ් ට්‍රම්ප්ගේ රජයේ ප්‍රධාන වගකීමක් දැරූ නිලධාරියෙක් වෙයි.  2017 වසරේ ජුනි මාසයේ දී ඔහු එම ධුරයට පත් විය.  ඇමරිකාවට බලපෑ දරුණු ස්වභාවික ව්‍යසන කිහිපයක දී මනා කළමනාකරණයකින් යුක්තව ගැටඵ විසදීමට බ්‍රෝක් සමත් විය.  පුවාටෝරිකෝ රාජ්‍යයට බලපෑ සුළි කුණාටුව අවසානයේ සිදු කළ මානුෂීය මෙහෙයුම් සම්බන්ධයෙන් ඔහුට චෝදනා ද එල්ල වී තිබෙ.්  සිය පවුල සමග වැඩි කාලයක් ගත කිරීමේ අපේක්ෂාවෙන් ඉල්ලා අස්වන බව මාධ්‍යයට අදහස් දැක්වු බ්‍රෝක් කියා සිටියේය

රටට අවශ්‍ය මානුෂිය ආධාර රැගෙන ඒමට වෙනිසියුලානු විපක්ෂ නායකයා සුදානම්

ජනාධිපති නිකලොස් මදුරෝ මහතාගේ විරෝධය නොතකා ලබන 23 වැනිදා රටට අවශ්‍ය මානුෂීය ආධාර රැගෙන එන බව වෙනිසියුලානු විපක්ෂ නායක ජුවාන් ගුවයිඩෝ මහතා පවසයි.  ඔහු මේ බව පැවසුවේ සිය ආධාරකරුවන් පිරිසක් හමුවු අවස්ථාවේදීය.  මේ වන විට වෙනිසියුලාව සදහා ආධාර රැගත් ඇමරිකානු සහනාධාර කණ්ඩායම් කොලොම්බියා දේශසීමාවට පැමිණ තිබේ.   ජනාධිපති මදුරෝ මහතාගේ නියෝගයට අනුව එරට හමුදාව වෙනිසියුලාවට පැමිණෙන දේශසීමාව වසා දමා ඇත.

ලබන සතිය වන විට ඉරාකය සහ සිරියාව අයි එස් ත්‍රස්තවාදීන්ගෙන් සම්පුර්ණයෙන්ම මුදා ගන්නා බව ඇමරිකානු ජනාධිපතිවරයා කියයි.

ලබන සතිය වන විට ඉරාකය සහ සිරියාව අයි එස් ත්‍රස්තවාදීන්ගෙන් සම්පුර්ණයෙන්ම මුදා ගන්නා බව ඇමරිකානු ජනාධිපති ඩොනල්ඩ් ට්‍රම්ප් පවසයි . මේ වන විට සිරියාවේ සහ ඉරාකයේ ඒකාබද්ධ හමුදා මෙහෙයුම් සාර්ථකව ක්‍රියාත්මක වේ. එම මෙහෙයුම්වලදී සෑම ස්ථානයකින්ම අයිඑස් සටන්කාමීන් වටලා ප්‍රහාර එල්ල කිරීමට ආසන්න බවද ඇමරිකානු ජනාධිපතිවරයා කියයි. මෙම මෙහෙයුම් අවසන් වූ වහාම එම රටවල  රදවා සිටින ඇමරිකානු සියඵ භටයින් යලි සිය රටට ගෙන්වන බවද ජනාධිපතිවරයා කියයි.

තායිලන්තයේ අගමැතිධුරය සදහා එරට රජුගේ සොයුරිය නුසුදුසු බවට මැතිවරණ කොමිසම තීරණය කරයි

තායිලන්තයේ අගමැතිධුරය සදහා තරග වැදීමට සුදානමින් සිටි එරට මහා වජිරලෝන්කොන් රජුගේ සොයුරිය ඒ සදහා නුසුදුසු බවට මැතිවරණ කොමිසම තීරණය කරයි.   රජු ඇය මැතිවරණයට ඉදිරිපත් වීම  ප්‍රතික්ෂේප කළේය.   මැතිවරණ කොමිසම අද අගමැතිධුරය සදහා තරග වදින පක්ෂ අපේක්ෂකයන්ගේ නිල ලේඛනය නිකුත් කර තිබේ.  එහි රජ කුමරියගේ නම ඇතුළත් නොවිණ.  මැතිවරණ කොමිසම පෙන්වා දෙන්නේ රජ පවුලේ කිසිදු සාමාජිකයෙකුට දේශපාලන පත්වීම් දැරිය නොහැකි බවයි.

ලෝකයේ බොහෝ ප්‍රදේශවලට එකීනෙකට වෙනස්වු අහිතකර කාලගුණ තත්ත්ව

මෙම මාසයේදී ලෝකයේ බොහෝ ප්‍රදේශවලට දැඩි ශිතල අහිතකර කාලගුණ තත්ත්වයක් බලපා තිබෙන බව ලෝක කාලගුණ සංවිධානය සදහන් කරයි.  මින් බලවත්ම හානිය සිදුව ඇත්තේ උතුරු ඇමෙරිකාවට සහ කැනඩාවටය.  එම රටවල උෂ්ණත්වය සෙල්සියස් අංශක සෘන 49 කට වඩා අඩුය.  ප්‍රධාන ගංගා සියල්ලක්ම අයිස් බවට පත්වී ඇති අතර නිරන්තරයෙන් හමායන ශිත සුළං කුනාටු හේතුවෙන් තත්ත්වය තවත් බරපතලවී තිබේ.  එම රටවලට අමතරව දකුණු ඇමෙරිකාව. යුරෝපයේ ඇල්ෆ්ස් කඳු සහ හිමාලයේ එවරට්ස් ඇතුඵ කඳුවලට දැඩි හිම තත්ත්වයක් බලපා ඇත.  ඔස්ට්‍රෙිලියාවේ පෙන්නුම් කරන්නේ ඊට වෙනස්වු තත්ත්වයක් වන අතර එරට උෂ්ණත්වය සෙල්සියස් අංශක 40 ඉක්මවා ගොස් තිබේ.  මේ නිසා දැඩි නියං තත්ත්වයක් බලපා ඇත. ඒ අතරම සෞදි අරාබියේ ප්‍රදේශ රැසකට ඉකුත් සතියපුරා ඇදැහැලුනු ධාරානිපාත වර්ෂාව හේතුවෙන් ඇතිවු ගංවතුරෙන් පුද්ගලයෝ 12 දෙනෙක් ජිවිතක්ෂයට පත්වුහ.  ගංවතුර තත්ත්වය කාන්තාර ප්‍රදේශවලට ද බලපා ඇත.

Subcategories