Tue07172018

Last updateWed, 11 Jul 2018 10am

Sport News

ප්‍රංශය ලෝක කුසලාන පාපන්දු තරගාවලියේ අවසන් මහා තරගයට

2018 ලෝක කුසලාන පාපන්දු තරගාවලියේ අවසන් පූර්ව වටයේ පළමු තරගෙය්දී බෙල්ජියම පරාජය කරමින් අවසන් මහා තරගයට සුදුසුකම් ලැබීමට ප්‍රංශය සමත් වෙයි. තරගය ඊයේ රාත්‍රියේ රුසියාවේ ශාන්ත පීටර්ස්බර්ග් නගරයේ පැවති මෙම තරගය ගෝල එකට බින්දුවක් වශයෙන් නිමාවට පත් විය. ප්‍රංශ කණ්ඩායමේ සැමුවෙල් උම්ටිටි තරගයේ පණස් එක්වන විනාඩියේදී ගෝලයක් වාර්තා කළේය. මෙම ජයග්‍රහණයත් සමග ප්‍රංශය සිය ලෝක පාපන්දු තරගාවලි ඉතිහාසයේ තෙවන වරටත් අවසන් මහ තරගයකට සුදුසුකම් ලැබුවේය. ඒ අනුව අද පැවැත්වෙන ක්‍රොයේෂියාව සහ එංගලන්තය අතර තරගයෙන් ජයගන්නා කණ්ඩායම සමග ප්‍රංශය අවසන් මහා තරගයේදී සටන්වැදීමට නියමිතයි. අවසන් මහා තරගය ඉරිදා රුසියාවේ මොස්කව් නුවරදී පැවැත් වේ.

ලෝක කුසලාන පාපන්දු තරගාවලියේ අවසන් පුර්ව වටයේ තරග අද ඇරඹේ

ලෝක කුසලාන පාපන්දු තරගාවලියේ අවසන් පුර්ව වටයේ තරග අද ඇරඹේ.  බෙල්ජියම සහ ප්‍රංශය අතර තරගය රුසියාවේ ශාන්ත පීටර්ස්බර්ග් හිදි ශ්‍රී ලංකාවේ වේලාවෙන් රාත්‍රි 11.30 ට ආරම්භ වෙයි.  65 දහසකට අධික පිරිසකට තරගය නැරඹිමේ අවස්ථාව සලසා තිබේ.  මේවර ලෝක කුසලාන පාපන්දු තරගාවලියේදී ප්‍රංශය අපරාධිතව තරගබිමට පිවිසෙයි.  තරගාවලියේ අවසන්පුර්ව වටයට ප්‍රංශය පැමිණි 06 වන අවස්ථාව මෙයයි.  මෙවර තරගාවලියේ පෙරලිකාර කණ්ඩායමක් ලෙස බෙල්ජියම අද තරගබිමට පිවිසෙයි.  අද පැවැත්වෙන තරගයෙන් ජයගතහොත් බෙල්ජියම ප්‍රථම වතාවට ලෝක කුසලාන පාපන්දු තරගාවලියක අවසන් වටයට සුදුසුකම් ලබයි.  දැනටමත් තරගාවලියේදී ගෝල 04 ක් ලබා සිටින බෙල්ජියම් කණ්ඩායමේ රොමේලු ලුකාලු කෙරෙහි දැඩි අවධානයක් යොමුවී තිබේ.  ලෝක කුසලාන පාපන්දු  තරගාවලියේ තුන්වන ස්ථානය සදහා වන තරගය ලබන සෙනසුරාදා පැවැත්වේ.  අවසන් මහ තරගය පැවැත්වෙන්නේ ලබන ඉරිදායි.  ලෝක කුසලාන පාපන්දු තරගාවලිය රුසියාවේදී ආරම්භ වුයේ පසුගිය මස 14 වැනිදාය.  වසර හතරකට වරක් පැවැත්වෙන ලෝක කුසලාන පාපන්දු තරගාවලිය ලොව ජනප්‍රියතම ක්‍රිඩා ඉසව්වක් ලෙස සැලකේ.

ලෝක කුසලාන පාපන්දු තරගාවලියේ අර්ධ අවසන් පුර්ව වටයේ තරග අද සිට

ලෝක කුසලාන පාපන්දු තරගාවලියේ අර්ධ අවසන් පුර්ව වටයේ තරග අද ඇරඹේ.  උරුගුවේ හා ප්‍රංශය අතර සහ බ්‍රසීලය හා බෙල්ජියම අතර තරග අද පැවැත්වේ. අර්ධ අවසන් පුර්ව වටයේ තරග අදත් හෙටත් පැවැත්වීමෙන් පසුව අවසන් පුර්ව වටයේ තරග ලබන 10 හා 11 යන දිනවල පැවැත්වීමට නියමිතයි.  තරගාවලියේ තෙවන ස්ථානය සදහා වන තරගය ලබන 14 වැනිදා පැවැත්වීමෙන් පසුව අවසන් මහා තරගය ලබන 15 වැනිදා පැවැත්වේ.

ලෝක කුසලාන පාපන්දු තරගාවලියේ අවසන් පුර්ව වටයේ තරග හෙට සිට

ලෝක කුසලාන පාපන්දු තරගාවලියේ අවසන් පුර්ව වටයේ තරග හෙටත් අනිද්දාත් පැවැත්වේ.  තරගාවලියේ තුන්වන ස්ථානය සදහා වන තරගය ලබන සෙනසුරාදා පැවැත්වේ.  අවසන් මහ තරගය පැවැත්වෙන්නේ ලබන ඉරිදායි.  ලෝක කුසලාන පාපන්දු තරගාවලිය රුසියාවේදී ආරම්භ වුයේ පසුගිය මස 14 වැනිදාය.  වසර හතරකට වරක් පැවැත්වෙන ලෝක කුසලාන පාපන්දු තරගාවලිය ලොව ජනප්‍රියතම ක්‍රිඩා ඉසව්වක් ලෙස සැලකේ.

තරග සංචාරයකට සහභාගිවීම හා දකුණු අප්‍රිකානු ක්‍රිකට් කණ්ඩායම දිවයිනට

තරග සංචාරයකට සහභාගිවීම හා දකුණු අප්‍රිකානු ක්‍රිකට් කණ්ඩායම අද පසවරුවේ දිවයිනට පැමිණියේය.  ශ්‍රි ලංකාව සහ දකුණු අප්‍රිකාව අතර ටෙස්ට් තරග දෙකක්. එක්දින ජාත්‍යන්තර තරග 5 ක්. සහ පන්දුවාර විස්සේ තරගයක් පැවැත්වෙයි.  ප්‍රථම ටෙස්ට් තරගය ලබන 12 වැනිදා ගාල්ලේදි ඇරඹෙයි.

Subcategories