Sat08242019

Last updateTue, 18 Jun 2019 8am

Local News

හම්බන්තොට වරාය සංවර්ධනය සදහා වන ආයෝජනය වෙනුවෙන් හිමි ඩොලර් මිලියන 97 කට වැඩි මුදලක් ශ්‍රි ලංකා වරාය අධිකාරියට

 

හම්බන්තොට වරාය සංවර්ධනය සදහා වන ආයෝජනය වෙනුවෙන් හිමිවිය යුතු දෙවැනි මුදල් කොටස චයිනා මර්චන්ට් පොර්ට් හෝල්ඩින්ස් සමාගම ශ්‍රි ලංකා වරාය අධිකාරියට ලබාදි තිබේ. එම මුදල ඩොලර් මිලියන 97 යි දශම 3 කි. රාජ්‍ය හා පෞද්ගලික ව්‍යාපාරයක් ලෙස ක්‍රියාත්මක මෙම ව්‍යාපෘතිය සදහා හිමිකම් භාරයේ ප්‍රථම අදියරයේදි ඩොලර් මිලියන 389 කට වැඩි මුදලක් ශ්‍රි ලංකාව වෙත ලබාදි තිබේ. දෙවන මුදල් කොටස භාරදෙන අවස්ථාවේදි ශ්‍රි ලංකා වරාය අධිකාරියේ සභාපති පරාක්‍රම දිසානායක මහතා පැවසුවේ චයිනා පෝර්ට් වැනි වරාය ක්ෂේත්‍රයේ දැවැන්ත සමාගමක් මෙරට ආයෝජනය සදහා එක්විම ශ්‍රි ලංකාවේ ආර්ථික කෙරෙහි ප්‍රබල විශ්වාසයක් තබා කල කාර්යයක් ලෙස හැදින්විය හැකිබවයි. මෙම වරාය ව්‍යාපෘතිය සදහා සමාගම් දෙකක් පිහිටුවා ඇති අතර ඒ යටතේ පලමු හා දෙවන අදියර වෙනුවෙන් ඩොලර්මිලියන හයසියයක් ආයෝජනය කෙරේ. ඊට අතිරේකව තවත් ඩොලර් මිලියන හාරසියක් ආයෝජනය කිරිමට නියමිතයි. එමෙන්ම මෙම වසරේදි තවත් විදේශිය ආයෝජකයන් ශ්‍රි ලංකාවට ආකර්ශනය විමෙන් ශ්‍රි ලංකාව නුදුරේදි ඉලක්කගත සමෘද්ධියක් හා සේවා සැපයුම් මධ්‍යස්ථානයක් බවට පත්වනු ඇතැයි දිසානායක මහතා කියයි.

හම්බන්තොට වරාය සංවර්ධනයට ශ්‍රී ලංකාව හා චීනය අතර අනුග්‍රාහක ගිවිසුමක්.

හම්බන්තොට වරාය සංවර්ධනය සදහා චීනය සමග අනුග්‍රාහක ගිවිසුමකට එලඹිමට රජය තීරණය කරයි. ශ්‍රී ලංකා රජය සහ චීන රජයට අයත් චයිනාමර්චන් පෝර්ට් හෝල්ඩින් සමාගම අතර එම ගිවිසුම අත්සන් තැබෙනු ඇත. එය ක්‍රියාත්මකවීම අධික්ෂණය සදහා අමාත්‍ය අනුකමිටුවක් පත් කෙරේ. ආචාර්ය සරත් අමුණුගම මහතා එහි ප්‍රධානියායි.

ඒ සදහා අමාත්‍ය මණ්ඩලයේ අනුමැතිය ලැබුනු බව ඇමති මණ්ඩල තීරණ දැනුම්දීම සදහා කොළඹ අද පැවති මාධ්‍ය හමුවේදී ඇමති ගයන්ත කරුණාතිලක මහතා පැවසීය. දැනට වැඩ නිමවී ඇති හම්බන්තොට වරායේ අදියර එක සහ දෙක ද යෝජිත අදියර තුනද ඇතුලත් වන පරිදි එමගින් වරායේ ඉදිරි සැලසුම් සකස් කෙරේ. මුල්‍ය සම්පාදනය. මෙහෙයුම් ප්‍රවර්ධනය හා යටිතල පහසුකම් සංවර්ධනය කිරීම එමගින් අපේක්ෂා කෙරේ. නීතිපතිවරයා ඊට නිශ්කාශනය ලබාදී තිබේ.

හම්බන්තොට වරායෙන් උපරිම ඵලප්‍රයෝජන ලබා ගැනීමට රජය අපේක්ෂා කරන බව රාජ්‍ය අමාත්‍ය සුජීව සේනසිංහ මහතා පැවසීය.

හම්බන්තොට වරාය සහ මත්තල ගුවන් තොටුපල ආර්ථික ජයග්‍රහණ අත්කරගන්නා සංවර්ධන ව්‍යාපෘති බවට පත්වෙයි.

හම්බන්තොට ජාත්‍යන්තර වරාය සහ මත්තල ජාත්‍යන්තර ගුවන් තොටුපල ආර්ථික වශයෙන් ජයග්‍රහන අත්කරගන්නා සංවර්ධන ව්‍යාපෘති බවට පත්කර ඇතැයි අමාත්‍ය මහින්ද අමරවිර මහතා පෙන්වා දෙයි. 2017 වසර වැඩිම විදේශ ආයෝජන ලැබු වසර බවට පත්විමද ජයග්‍රහනයකි. දිවයිනේ කරදිය සහ මිරිදිය මත්ස්‍ය අස්වැන්නද වැඩි වි තිබෙ. මෙම අස්වැන්න තවදුරටත් වැඩි කරගැනිම සදහා ධිවරයන්ට අවශ්‍ය සහන සහ පහසුකම් ලබාදෙන බව අමාත්‍යවරයා සදහන් කළේ 70 වන නිදහස් සමරුව නිමිත්තෙන් හම්බන්තොට ඊයේ පැවැති උත්සවයට සහභාගිවෙමිනි

හම්බන්තොට වරාය සහන ගිවිසුම ශ්‍රිි ලංකාවේ සංවර්ධනයේ ඉදිරි පිම්මක් සනිටුහන් කරනු ඇතැයි ඇමති මංගල සමරවීර මහතා පවසයි.

 

හම්බන්තොට වරාය සහන ගිවිසුම මහවැලි සංවර්ධන ව්‍යාපාරයෙන් පසු මෙරට ක්‍රියාත්මක වන විශාලම සංවර්ධන ව්‍යාපෘතිය මෙන්ම සෘජු ආයෝජනය ද මෙය බව ඇමති මංගල සමරවීර මහතා පවසයි. එමගින් ශ්‍රිි ලංකාවේ සංවර්ධනයේ ඉදිරි පිම්මක් සනිටුහන් කරනු ඇතැයි ද ඇමතිවරයා සදහන් කරයි.

Read more...

හම්බන්තොට වරාය හා කර්මාන්තපුරයට අදාල ගිවිසුමක් සකස් කොට නැති හෙයින් ලබන 07 වැනිදා එවැන්නක් අත්සන් කිරීමක් සිදු නොවන ජනාධිපතිතුමා පවසයි.

හම්බන්තොට වරාය සහ යෝජිත කර්මාන්ත කලාපයට අදාල ගිවිසුමක් තවමත් සකස් කර නැතැයි ජනාධිපති මෛත්‍රිපාල සිරිසේන මැතිතුමා කියයි. ඒ අනුව එවැනි ගිවිසුමක් ලබන 07 වැනිදා අත්සන් කිරීමක් ද සිදු නොවේ. ඊට අදාල අමාත්‍ය කමිටු වාර්තාව හෝ තාක්ෂණ කමිටු වාර්තාව තවම ලැබි නැත. එවැනි පසුබිමක් යටතේ මේ සම්බන්ධයෙන් වැරදි අර්ථකථන ගෙනදෙමින් අසත්‍ය ප්‍රකාශ මගින් ජනතාව නොමග යැවීමට ඇතැම්හු උත්සාහ දරති. ඊට අදාල සියලු කටයුතු සිදු කෙරෙන්නේ ආණ්ඩුක්‍රම ව්‍යවස්ථාවට අනුකුලව රටේ ස්වෛරීත්වයට හානිකර නොවන සහ විවෘත ආකාරයෙන් බව ජනාධිපතිතුමා පවසයි. එම කරුණු න්ීතිපතිටත්. පාර්ලිමේන්තුවටද ඉදිරිපත් කෙරේ. ශ්‍රී ලංකා ගුවන්විදුලි සංස්ථාවේ ස්වර්ණජයන්ති උත්සවයට අද පස්වරුවේ සහභාගි වෙමින් ජනාධිපතිතුමා මේ කරුණු සදහන් කළේය.

රජය අප්‍රසාදයට පත්කිරීමට. රජයේ වැඩ කඩාකප්පල් කිරීමට ඇතැම් අය උත්සාහ කළත් රට හා ජනතාව ගැන තැකීමක් ඇති අය එවැනි ප්‍රචාරවලින් වැළකි ක්‍රියා කළ යුතු බව ජනාධිපතිතුමා පැවසීය. රට ආර්ථික අර්බුදයක් මෙන්ම විශාල ණය උගුලක පැටලි සිටි. එම අර්බුද ජය ගැනීමට මිත්‍ර රටවල ආධාර මෙන්ම විවිධ ක්‍ෂේත්‍රවල ප්‍රවිනයන්ගේ දැනුම දායකත්වය ලබා ගැනීමට රජය ක්‍රියා කරයි. 2017 රටේ සංවර්ධනයේ විප්ලවීය පරිවර්තනයක් සිදුවන වර්ෂයකි. ඒ සදහා සැලසුම් සකස් කොට අන්තර්ජාතික සහාය සහ දායකත්වය ලබා ගැනීමට ක්‍රියාකොට තිබේ.

මේ සදහා විවිධ පාර්ශ්වවල දායකත්වය අවශ්‍යය. 2017 දිළිඳුකමින් රට මුදා ගැනීමේ වසර ලෙෂ ප්‍රකාශයට පත් කොට ඇත. රට සහ ජනතාව ගැන සිතා එයට උදව් කිරීම සියලු දෙනාගේ වගකිමකි. වත්මන රජය පෙරලන බවට ඇතැම් අය ප්‍රකාශ කරති. එසේ සිහින දකින අයට තමා පවසන්නේ වසර 2020 තෙක් ජනතා කැමැත්තකින් තොරව ආණ්ඩු පෙරලීමට ඉඩක් නොමැති බව සහ ඊට ඉඩක් නොදෙන බව යැයි ජනාධිපතිතුමා පැවසීය. ජාතික මැතිවරණයකදී ජනතාවට පවතින රජය තවදුරටත් ඉදිරියට ගෙනයාමට හෝ නව රජයක් පත්කර ගැනීමට අවකාශ සැලසෙයි. පටු දේශපාලන අරමුණු සහිතවවත් බලයට කෑදරවු බලය වැරදි ලෙෂ පරිහරණය කළ අයට නැවතවරක් වැරදි ලෙසින් බලය ලබා ගැනීමට මේ රටේ කිසිදු ඉඩක් නැතැයි ජනාධිපතිතුමා පැවසීය. මීට වසර දෙකකට පෙර ජනතාව තමා තෝරා ගැනීමේදී ඔවුන් තැබු විශ්වාසය කිසිසේත් කඩ නොකරන බවද එතුමා අවධාරණය කළේය.


දිනපතා පෙරවරු 5.00 සිට පෙරවරු 8.30 දක්වා කාලය තුළ පාසල් ළමයින්. රජයේ සේවකයන්. ව්‍යාපාරිකයන් වැනි අය ශ්‍රව්‍ය මාධ්‍ය ශ්‍රවනයට නැඹුරු වන බව පෙන්වාදුන් ජනාධිපතිතුමා බොහෝ මාධ්‍ය තුලින් වෛරය. ක්‍රෝධය. පලිගැනීම්. වර්ධනය කරන දේ ප්‍රචාරය කරන බව පෙනි යන්නේ යැයි සදහන් කළේය. එය මුඵමනින්ම සමාජයට අහිතකර වෙයි. එම ප්‍රබෝධමත් හෝරා කිහිපයේදී තම ජිවිතය රටේ සංවර්ධනය ආදි දේ පිළිබඳ ඉතා උතුම් පණිවිඩ ඔවුන්ට ලබාදීමට මාධ්‍ය ආයතන ක්‍රියාකළ යුතුය. එමෙන්ම කලාකරුවන්ට ගෙවිය යුතු බුද්ධිමය දේපළ පිළිබඳ ගෙවීම් නොලැබෙන බවට ඔවුන් තමා වෙත පෙන්වාදී ඇතැයි පැවසු ජනාධිපතිතුමා එය නිවැරදි කිරීම පිණිස ක්‍රියාකිරීමටත්. අවශ්‍ය නම් නීති රීති සංශෝධනය කිරීමටත් පියවර ගන්නා බව සදහන් කළේය. එය එවැනි කලාකරුවන්ට දක්වන උපහාරයකි. මේ සදහා ක්‍රියා කිරීමට ජනමාධ්‍ය අමාත්‍යංශය ඉදිරිපත්විය යුතු බවද ජනාධිපතිතුමා පැවසීය.

Subcategories

  • මේ වසරේදි දිවයින පුරා ආදර්ශ ගම්මාන 600 ක් ඉදිකිරීමට පියවර

    මේ වසර තුළ දිවයින පුරා  ආදර්ශ ගම්මාන  600 ක් ඉදිකරන බව ජාතික නිවාස සංවර්ධන අධිකාරියේ සභාපති ලක්විජය සාගර පලන්සූරිය මහතා කියයි. ඒ සදහා අවශ්‍ය  භූමිය දැනටමත් හදුනාගෙන අවසන්ය. 2020 වනවිට ආදර්ශ  ගම්මාන 2500 ක් ඉදිකිරිම ඉලක්කයවී තිබේ.  සැමට සෙවන ජාතික නිවාස වැඩපිළිවෙලේ  පසුගිය අත්දැකිම් මේ සදහා යොදා ගැනේ.  අමාත්‍ය  සජිත් ප්‍රේමදාස මහතාගේ මෙහෙයවිම යටතේ වැඩපිළිවෙල ක්‍රියාත්මකයි . නිවසක සැබෑ අවශ්‍යතාව පවතින පුද්ගලයන් හදුනාගෙන ඔවුන්ට මෙම නිවාස  ලබාදීමට කටයුතු කෙරේ..  . මෙම වැඩපිළිවෙල  සදහා රජය වෙන් කර ඇති මුදල රුපියල්  මිලියන දසදහසකි.