Sri Lanka Brodcasting Corporation

Mon10232017

Last updateMon, 23 Oct 2017 6pm

සිරස්තල

 

නවතම පුවත්

ශ්‍රි ලංකාව සාමකාමි රටක් ලෙස කැපි පෙනෙන තත්ත්වයට පත්ව ඇතැයි ලෝක සාම දර්ශකය පෙන්වා දෙයි

 

ශ්‍රී ලංකාව සාමකාමී රටක් ලෙස ලොව කැපී පෙනෙන තත්ත්වයට පත්ව ඇතැයි 2017 ලෝක සාම දර්ශකය පෙන්වා දෙයි. ජනාධිපති මෛත්‍රීපාල සිරිසේන මැතිතුමා ප්‍රමුඛ රජයේ යහපාලන ප්‍රතිපත්තිය ඇතුථ ප්‍රශස්ත දේශපාලන ප්‍රතිසංස්කරණ මීට හේතුව ඇතැයි එම දර්ශක පෙන්වා දෙයි. ඕස්ට්‍රේලියාව පදනම් කරගත් ආර්ථික හා සාම ආයතනය මගින් අදාළ වාර්තාව ඊයේ එළිදක්වනු ලැබීය. රටවල් 163 ක් අතරින් ශ්‍රී ලංකාවට හිමිව ඇත්තේ 80 වැනි ස්ථානයයි. එය ඉකුත් වසරට සාපේක්ෂව ස්ථාන 17 කින් ඉදිරියට පැමිණීමකි. මෙවරද ලොව වඩාත්ම සාමකාමී රට වශයෙන් ප්‍රථම ස්ථානයට ඇත්තේ අයිස්ලන්තයයි. දකුණු ආසියානු කලාපයේ වඩාත් සාමකාමී රට බවට භූතානය පත්ව ඇති අතර දෙවැනි ස්ථානය ශ්‍රී ලංකාවට හිමිව ඇත.
මේ අතර ගෝලීය නවීකරණ දර්ශකයෙන්ද වර්ධනයක් අත්පත් කරගැනීමට ශ්‍රී ලංකාව සමත්ව ඇත. මෙවර ශ්‍රී ලංකාවට හිමිව ඇත්තේ 90 වැනි ස්ථානයයි. ලෝක බුද්ධිමය දේපල සංවිධානය හා කෝනෙල් විශ්ව විද්‍යාලය හා එක්ව ඉදිරිපත් කරන 2017 ගෝලීය නවීකරණ දර්ශකය පසුගියදා එළිදක්වනු ලැබීය. රටවල් 127 ක ආර්ථික නවීකරණය එමගින් සලකා බැලේ. වාර්තාව එළිදැක්වෙන්නේ ආර්ථික වර්ධනය හා සෞභාග්‍යට හේතු වන නිර්ණායකයන් 81 ක් පදනම් කරගෙනයි. දකුණු ආසියාවේ ප්‍රථම ස්ථානය ඉන්දියාවටත් . ගෝලීය නවීකරණ දර්ශකයට අනුව ලොව පළමු ස්ථානය ස්වීට්සර්ලන්තයට හිමිව ඇත.

දේශීය පුවත්

 

විදෙස් පුවත්